Getum sent Englendinga heim

Króatíski markvörðurinn Tomislav Butina segist fullviss um að Króatar geti sent Englendinga heim eftir lokaleik liðanna í B-riðli á mánudaginn. Butina telur að leikurinn gegn Frökkum á fimmtudaginn hafi sýnt króatíska liðinu hversu öflugt það er í raun og veru og þeim sé ekkert ómögulegt. "Króatar eru stolt þjóð og við spilum ekki bara fyrir okkur sjálfa heldur alla þjóðina. Við virðumst alltaf spila vel gegn stóru þjóðunum og það er aldrei að vita hvað gerist. Englendingar eru með eitt sterkasta landslið heims, með Rooney og Gerrard sem bestu menn."