Niðurskurður í breska hernum

Bresk yfirvöld hafa tilkynnt að fjárveitingar til hersins verði skornar niður og hermönnum fækkað í hagræðingarskyni. Yfirvöld leggja áherslu á að niðurskurðurinn bitni ekki á hersveitum í fremstu víglínu heldur verði dregið úr varasveitum á næstu þremur árum. Þetta mun því ekki hafa áhrif á hið níuþúsund manna herlið Breta sem er við störf í Írak um þessar mundir. Hagræðingin miðar að því að gera breska herinn skilvirkari auk þess sem lögð verður aukin áhersla á tækni og vísindi í því skyni að bregðast við aukinni hryðjuverkavá í heiminum.