Skynsamlegt en samt brot

Dögg Pálsdóttir, hæstaréttarlögmaður, segir að forseti Íslands standi andspænis erfiðu vali, ef og þegar hann fær nýtt frumvarp ríkisstjórnarinnar til staðfestingar: Á hann að velja leið skynseminnar eða leið stjórnarskrárinnar? Eins og hæstaréttarlögmaðurinn hefur áður lýst yfir, telur hún það brjóta gegn stjórnarskránni að draga fjölmiðlafrumvarpið til baka. Sé hins vegar litið fram hjá stjórnarskránni sé sú leið sem nú stendur til að fara skynsamleg. Því standi forsetinn frammi fyrir erfiðri ákvörðun þegar hann fær nýtt frumvarp ríkisstjórnarinnar til staðfestingar.