Erfitt að endurgreiða skattinn

Skattayfirvöld í Singapúr standa frammi fyrir óvenjulegum vanda. Þau vita ekki hvernig þau eiga að koma andvirði tæps milljarðs króna til réttmætra eigenda sinna. Starfsmenn skattsins segja að um 60.000 manns, flestir þeirra útlendingar, eigi inni pening hjá skattinum. Ástæðan er sú að þeir greiddu of háa skatta meðan þeir bjuggu í landinu. Reynt hefur verið að ná sambandi við fólkið sem á inni pening en árangur af því hefur verið lítill enda höfðu fæstir fyrir því að láta skattinn vita hvert þeir væru að flytja.