Að kaupa fyrstu íbúðina 22. júní 2004 00:01 Í augum margra eru íbúðarkaup stórmál. Pappírsvinnan og formsatriðin virðast flókin í fyrstu og ekki vita allir hvert á að leita til að taka fyrstu skrefin. Mikilvægast er að gera sér grein fyrir að ferlið er auðveldara en það virðist. Í upphafi er skynsamlegast að renna yfir heimilisbókhaldið og kanna fjárhagsstöðuna. Áætla hversu há innkoma og útgjöld verða næsta árið og hvað er raunhæft að geta borgað mikið á mánuði til íbúðarkaupa. Eftir slíka sjálfskoðun er maður betur í stakk búinn að vinda sér í næsta skref. Greiðslumat: Hafðu samband við þjónustufulltrúa í þínum viðskiptabanka og óskaðu eftir greiðslumati. Bankinn gerir þá úttekt á hvað þú átt af fé og hvað þú ræður við mikla greiðslubyrði. Þar með er ramminn kominn að því hvað þú getur leyft þér að kaupa dýra íbúð. Finna íbúðina: Nú reynir á þolinmæði og skynsemi. Kynntu þér íbúðarverð og gerðu samanburð. Forgangsraðaðu helstu óskum þínum um íbúð og skoðaðu þær sem uppfylla þau skilyrði. Ekki skoða íbúðir sem þú hefur ekki efni á að kaupa. Ósjaldan færðu nýrri eða stærri eign ef þú kaupir í úthverfi. Að sögn Remax fasteignasölu er verðmunur á hverfum sívaxandi og miðbærinn er ekki endilega hagstæður kostur. Fjármögnun: Draumaíbúðin er fundin og verðið er viðráðanlegt miðað við þitt greiðslumat. Komið er á það stig að útbúa tilboðið. Hægt er að fá ráð hjá fasteignasölum hvort hagstæðara er að taka við þeim lánum sem fyrir hvíla á fasteigninni eða taka upp ný lán hjá Íbúðalánasjóði. Hvort svo sem verður útvegar fasteignasalinn nauðsynleg gögn og útbýr verðtilboðið sem fer næst til íbúðareiganda. Ef samkomulag næst um kaupverð fer tilboðið sem umsókn til Íbúðalánasjóðs. Teljir þú þig auk þess þurfa viðbótarlán er sótt um samþykki hjá Félagsþjónustunni. Uppfylla þarf skilyrði um tekju- og eignamörk fyrir veitingu lánsins. Þumalputtaregla um fjármögnun íbúða er að Íbúðalánasjóður veitir yfirleitt lán fyrir um það bil 70% af fasteignarverði en viðbótarlánin eru um 20%. Lokafrágangur: Ef viðbótarlán og/eða lán Íbúðalánasjóðs eru samþykkt er gerður kaupsamningur. Þá fær söluaðili sína greiðslu fyrir fasteignina og samkomulag er gert um að samningar muni standast. Samningurinn er þá þinglýstur en næsta skref er afsalið, sem er lokauppgjör og endanleg staðfesting á að kaupandinn hafi eignast íbúðina. Oftast líður einhver tími frá því að kaupsamningur er þinglýstur þar til lokauppgjörið fer fram. Í millitíðinni tekur yfirleitt hinn nýi eigandi við íbúðinni og borgar fyrstu afborgun af lánum. Innflutningspartí: Nauðsynlegt er að fagna sinni fyrstu íbúð með ærlegu innflutningspartíi. Ekki þarf að sækja um sérstök leyfi til þess en reikna þarf með töluverðum kostnaði. Fjármál Mest lesið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Segir brjóst myndast við mikla bjórdrykkju Lífið Fréttatía vikunnar: Kosningar, eldgos og meistarar Lífið „Tilfinningaþrungið að fá að fylgja myndinni í flík sem þessari“ Tíska og hönnun Erna Ómars er borgarlistamaður Reykjavíkur Menning The Lazarus Project: Varúð, veldur svefnleysi Gagnrýni Frambjóðendum gekk misvel í hraðaspurningum Lífið Ghost of Tsushima: Kominn út á PC og enn geggjaður Leikjavísir Af vængjum fram: Grínaðist alltaf með að láta húðflúra einstefnuskilti á rassgatið Lífið Fleiri fréttir Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira
Í augum margra eru íbúðarkaup stórmál. Pappírsvinnan og formsatriðin virðast flókin í fyrstu og ekki vita allir hvert á að leita til að taka fyrstu skrefin. Mikilvægast er að gera sér grein fyrir að ferlið er auðveldara en það virðist. Í upphafi er skynsamlegast að renna yfir heimilisbókhaldið og kanna fjárhagsstöðuna. Áætla hversu há innkoma og útgjöld verða næsta árið og hvað er raunhæft að geta borgað mikið á mánuði til íbúðarkaupa. Eftir slíka sjálfskoðun er maður betur í stakk búinn að vinda sér í næsta skref. Greiðslumat: Hafðu samband við þjónustufulltrúa í þínum viðskiptabanka og óskaðu eftir greiðslumati. Bankinn gerir þá úttekt á hvað þú átt af fé og hvað þú ræður við mikla greiðslubyrði. Þar með er ramminn kominn að því hvað þú getur leyft þér að kaupa dýra íbúð. Finna íbúðina: Nú reynir á þolinmæði og skynsemi. Kynntu þér íbúðarverð og gerðu samanburð. Forgangsraðaðu helstu óskum þínum um íbúð og skoðaðu þær sem uppfylla þau skilyrði. Ekki skoða íbúðir sem þú hefur ekki efni á að kaupa. Ósjaldan færðu nýrri eða stærri eign ef þú kaupir í úthverfi. Að sögn Remax fasteignasölu er verðmunur á hverfum sívaxandi og miðbærinn er ekki endilega hagstæður kostur. Fjármögnun: Draumaíbúðin er fundin og verðið er viðráðanlegt miðað við þitt greiðslumat. Komið er á það stig að útbúa tilboðið. Hægt er að fá ráð hjá fasteignasölum hvort hagstæðara er að taka við þeim lánum sem fyrir hvíla á fasteigninni eða taka upp ný lán hjá Íbúðalánasjóði. Hvort svo sem verður útvegar fasteignasalinn nauðsynleg gögn og útbýr verðtilboðið sem fer næst til íbúðareiganda. Ef samkomulag næst um kaupverð fer tilboðið sem umsókn til Íbúðalánasjóðs. Teljir þú þig auk þess þurfa viðbótarlán er sótt um samþykki hjá Félagsþjónustunni. Uppfylla þarf skilyrði um tekju- og eignamörk fyrir veitingu lánsins. Þumalputtaregla um fjármögnun íbúða er að Íbúðalánasjóður veitir yfirleitt lán fyrir um það bil 70% af fasteignarverði en viðbótarlánin eru um 20%. Lokafrágangur: Ef viðbótarlán og/eða lán Íbúðalánasjóðs eru samþykkt er gerður kaupsamningur. Þá fær söluaðili sína greiðslu fyrir fasteignina og samkomulag er gert um að samningar muni standast. Samningurinn er þá þinglýstur en næsta skref er afsalið, sem er lokauppgjör og endanleg staðfesting á að kaupandinn hafi eignast íbúðina. Oftast líður einhver tími frá því að kaupsamningur er þinglýstur þar til lokauppgjörið fer fram. Í millitíðinni tekur yfirleitt hinn nýi eigandi við íbúðinni og borgar fyrstu afborgun af lánum. Innflutningspartí: Nauðsynlegt er að fagna sinni fyrstu íbúð með ærlegu innflutningspartíi. Ekki þarf að sækja um sérstök leyfi til þess en reikna þarf með töluverðum kostnaði.
Fjármál Mest lesið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Segir brjóst myndast við mikla bjórdrykkju Lífið Fréttatía vikunnar: Kosningar, eldgos og meistarar Lífið „Tilfinningaþrungið að fá að fylgja myndinni í flík sem þessari“ Tíska og hönnun Erna Ómars er borgarlistamaður Reykjavíkur Menning The Lazarus Project: Varúð, veldur svefnleysi Gagnrýni Frambjóðendum gekk misvel í hraðaspurningum Lífið Ghost of Tsushima: Kominn út á PC og enn geggjaður Leikjavísir Af vængjum fram: Grínaðist alltaf með að láta húðflúra einstefnuskilti á rassgatið Lífið Fleiri fréttir Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira