Erlent

Reknir starfsmenn veikjast

Sífellt fleiri atvinnurekendur upplifa nú að starfsmenn sem sagt er upp tilkynna sig veika út uppsagnarfrestinn. Í stað þess að mæta í vinnuna, fara þeir til læknis og fá veikindavottorð. Þetta kemur fram á fréttavef danska ríkisútvarpsins.

Kom í veg fyrir heiðursmorð

Menjar um vígtennta kjötætukengúru

Steingervingafræðingar í Norður-Ástralíu hafa fundið menjar um nokkrar áður óþekktar dýrategundir, þar með talið ­keng­úru sem var kjötæta. Skepnan var uppi fyrir um 10 til 20 milljón árum, að sögn vísindamannanna. Þetta kom fram á fréttavef breska ríkisútvarpsins, BBC.

Fjórburar á eftir þríburum

Bandarískri móður varð ekki um sel þegar hún eignaðist fílhrausta fjórbura í síðustu viku. Hún eignaðist nefnilega þríbura fyrir þremur árum, og átti tvær unglingsstúlkur fyrir.

Heimilisstörfin lengja lífið

Ný bandarísk rannsókn sýnir að venjuleg heimilisstörf og létt garðyrkja lengir líf fólks til muna, og engin þörf er á erfiðri líkamsrækt til að ná þeim árangri.

Stærstu hagkerfi heims

Sjö manns látnir í Sao Paulo í Brasilíu

Sjö manns hafa látist undanfarna tvo daga í árásum glæpagengja í Sao Paulo í Brasilíu. Mikil skelfing ríkir í borginni en glæpagengin hafa beint árásum sínum gegn lögreglu og almennum borgurum.

Dick Cheney stefnt

Fyrrverandi leynifulltrúi bandarísku leyniþjónustunnar, Valerie Plame, hefur nú stefnt Dick Cheney, varaforseta Bandaríkjanna, fyrir að leka nafni hennar í fjölmiðla og reyna þar með að spilla starfsframa hennar.

Komið í veg fyrir heiðursmorð

43 ára gamall danskur maður af pakistönsku bergi brotnu er sagður hafa komið í veg fyrir að svonefnt heiðursmorð yrði framið á systur sinni.

Íslendingana sakaði ekki

Átök Ísraelshers og skæruliða Hizbollah-hreyfingarinnar hörðnuðu enn í dag. Fjöldi borgara liggur í valnum eftir árásir síðasta sólarhringinn. Ein af flugvélum Atlanta var á Beirút-flugvelli þegar Ísraelar gerðu loftárás á hann en hún skemmdist ekki. Íslendingar sem fylgja flugvélinni eru sömuleiðis heilir á húfi.

Stjórnar raftækjum með hugarorkunni

Bandarískum vísindamönnum hefur tekist að græða nema og senditæki í heila lamaðs manns sem gera það að verkum að hann getur hreyft músarbendil á tölvuskjá og stjórnað sjónvarpi og vélmenni með hugarorkunni. Neminn nemur heilabylgjur mannsins og sendir þannig skilaboð sem koma í stað fyrir að fingur ýti á takka.

Landamærin lokuð við Rafah

Rafah-landamærin milli Palestínu og Egyptalands eru nú lokuð í þrjár vikur og Palestínumönnum þar með meinað að heimsækja vini og ættingja í Egyptalandi. Óbreyttir borgarar tóku þar lögin í eigin hendur og réðust í gegnum hliðin en voru síðan stöðvaðir af lögreglumönnum sem gættu landamærastöðvarinnar.

Hafnbann á Líbanon

Ísraelsk herskip gæta þess nú að engin skip komist inn í líbanskar hafnir og öllu flugi hefur verið beint frá alþjóðaflugvellinum í Beirút yfir til Kýpur eftir að þrjár eldflaugar lentu á flugbrautum þar. Talsmaður Ísraelshers sagði flugvöllinn hafa verið notaðan til að sjá skæruliðasamtökunum Hezbollah fyrir vopnum.

Stófelldar árásir á landamærum Líbanon

Stórfelld eldflauga og stórskotahríð er nú milli liðsmanna Hizbollah og Ísraela, á landamærum Líbanons. Ísraelar hafa teygt sig langt inn í landið, með loftárásum á flugvöllinn í Beirút, auk þess sem herskip þeirra loka höfnum.

Fjöldi yfirheyrður vegna hryðjuverkanna

Lögreglan á Indlandi hefur yfirheyrt hundruð manna vegna hryðjuverkanna í Mumbai. Hátt í tvö hundruð manns fórust í tilræðunum. Fjöldi fólks mótmælti hryðjuverkunum í Nýju-Delí í morgun.

Bush í Þýskalandi

George Bush, Bandaríkjaforseti, hóf í gærkvöldi opinbera heimsókn sína til Þýskalands. Bush kom til Rostock í Þýskalandi í gær en ætlar að stoppa stutt í Þýskalandi því hann heldur þaðan aftur á morgun.

Sakaður um kynferðislega áreitni

Orðrómur um meinta kynferðislega áreitni forseta Ísraels, Moshe Katsav, tröllríður öllum fjölmiðlum í Ísrael og gæti tímasetningin varla verið verri fyrir Ísraela, sem sæta nú miklum alþjóðlegum ádeilum vegna innrása á Gaza-strönd og í Líbanon.

Eldar í Kaliforníu

Reykjarmökkur svífur nú yfir Yucca dal, í Kaliforníu, þar sem eldar geysa á stóru svæði.

Loftárásir á alþjóðaflugvöllinn í Beirút

Ísraelsher gerði loftárásir á alþjóðaflugvöllinn í Beirút í Líbanon í morgun, og þurfti að loka flugvellinum vegna þessa.

Ísraelsher ræðst inn í Suður-Líbanon

Viðbrögð Ísraelshers við handtöku Líbana á tveimur ísraelskum hermönnum hafa vakið mikil mótmæli um allan heim. Forsætisráðherra Ísraels segir viðbrögð landa sinna verði "öguð en afar, afar sársaukafull".

Á heimaslóðir kanslarans

George W. Bush Bandaríkjaforseti kom í gær til Þýskalands í boði Angelu Merkel Þýskalandskanslara. Bush verður í Þýskalandi þangað til á morgun, en þá heldur hann til Rússlands á leiðtogafund G8. Í Þýskalandi fer Bush á heimaslóðir Merkel við strönd Eystrasalts, þar sem áður var Austur-Þýskaland.

Þjóðarhreinsun í uppsiglingu

Við mótmælum framferði Ísraelshers sem bitnar á hinum almenna íbúa, körlum, konum og ekki síst börnunum, sem reyna alltént að vera úti við leik, að minnsta kosti á meðan sprengjunum rignir ekki, segir Sveinn Rúnar Hauksson, formaður félagsins Ísland-Palestína, sem heldur mótmælafund á Austurvelli klukkan 17.30 í dag.

Enginn hefur lýst yfir ábyrgð

Sérfræðingar leituðu í gær að vísbendingum í rústum lestarvagna sem sprungu í loft upp í átta sprengjum á háannatíma í Mumbai (Bombay) á Indlandi á þriðjudag. Svo virðist sem sprengjunum hafi verið komið fyrir á farangursgrindum í lestunum, en þær urðu yfir 200 manns að bana og særðu fleiri en 700.

Einn þungt haldinn á gjörgæsludeild

Tugir manna slösuðust í sjötta nautahlaupinu af átta á San Fermin-hátíðinni í Pamplona á Spáni í gær. Þó ráku vel hyrnd nautin engan í gegn og eingöngu einn maður slasaðist illa þegar nautin tröðkuðu á honum. Hann var lagður inn á sjúkrahús með nokkuð alvarlega bak- og höfuðáverka, en var þó ekki í lífshættu.Hlaupið stóð í tvær og hálfa mínútu.

Ráðgjafi Blairs handtekinn

Helsti fjáröflunarmaður breska Verkamannaflokksins, Levy lávarður, var í gær handtekinn í tengslum við rannsókn bresku lögreglunnar á ásökunum um að Tony Blair forsætisráðherra hafi með óeðlilegum hætti séð til þess að auðkýfingar, sem styrktu flokkinn, fengju sæti í lávarðadeild þingsins.

Aftur fyrir öryggisráð SÞ

Stjórnvöld sex heimsvelda ákváðu í gær að senda Íran aftur fyrir Öryggisráð Sameinuðu þjóðanna, sem hugsanlega gæti fyrirskipað refsiaðgerðir. Ástæðan er sú að heimsveldin telja Írana ekki hafa sýnt neina alvöru í samningaviðræðum varðandi auðgun þeirra á úrani.

Vilja herstöð í Tékklandi

Bandarískir sérfræðingar munu ferðast til Tékklands í næstu viku í þeim tilgan-gi að leita að hugsanlegri staðsetningu fyrir bandaríska herstöð, þar sem langdrægar eldflaugar yrðu geymdar.

Snerti fjölskyldu mína

Zinedine Zidane mætti í viðtal hjá Canal Plus sjónvarpsstöðinni í gær og bað aðdáendur sína fyrirgefningar á ruddalegri framkomu sinni í lokaleik heimsmeistarakeppninnar í fótbolta. Hann sagðist þó ekki sjá eftir henni, til þess hefðu ummæli Materazzis verið of meiðandi.

Asíuflugið er mest vaxandi

Stöðugt fleiri farþegar kjósa að fljúga með finnska flugfélaginu Finnair en tekjurnar fara minnkandi. Ástæðan er sú að samkeppnin er hörð og olían verður stöðugt dýrari, að sögn Dagens Industri.

Óttast um afdrif nashyrninga

Vísindamenn telja að búið sé að útrýma svörtum nashyrningum í Vestur-Afríku, en margar tegundir nashyrninga standa ákaflega höllum fæti vegna aðgerða veiðiþjófa. Þetta kemur fram á fréttavef breska ríkisútvarpsins, BBC.