Erlent

Þernan kærir New York Post fyrir meiðyrði

Hótelþernan sem sakaði Dominique Strauss-Kahn fyrrvernandi forstjóra Alþjóðagjaldeyrissjóðsins fyrir nauðgun hefur nú kært bandaríska dagblaðið New York Post fyrir meiðyrði eftir að blaðið birti fréttir á forsíðu sinni þess efnis, að konan væri vændiskona.

Erlent

Skaut samkynhneigðan skólafélaga í bakið

Bandarískur unglingur er nú fyrir rétti í Kalíforníu ásakaður um að hafa skotið skólafélaga sinn til bana vegna þess að hann var samkynhneigður. Drengurinn smyglaði skammbyssu í skólann í febrúar árið 2008 og skaut hinn fimmtán ára gamla Larry King tvisvar í bakið þar sem hann sat við tölvu.

Erlent

Hollendingar bera ábyrgð á Srebrenica

Hollendingar bera ábyrgð á dauða þriggja Bosníu-múslima í fjöldamorðunum í Srebrenica árið 1995. Þetta er niðurstaða hollensks áfrýjunardómstóls, sem kvað upp þann úrskurð að hollenska ríkið eigi að greiða ættingjum mannanna þriggja skaðabætur.

Erlent

Reyndi að smygla eiginmanninum í ferðatösku

Mexíkósk kona var á dögunum handtekin í fangelsi þar í landi en hún reyndi að frelsa mann sinn úr fangelsinu með því að troða honum í venjulega ferðatösku. Fangaverðir veittu því athygli að konan virtist mjög taugaóstyrk þegar hún yfirgaf fangelsið eftir að hafa heimsótt bóndann. Þá burðaðist hún með ferðatösku sem tók í.

Erlent

197 látnir í eldsvoða á sjó

Nærri 200 manns létu lífið í dag þegar eldur kviknaði um borð í bát sem flutti ólöglega innflytjendur frá Súdan til Sádí Arabíu. Fyrstu fregnir herma að aðeins þrír bátsfarþegar hafi komist lífs af, en enn er leitað af eftirlifendum.

Erlent

Þess vegna færðu rúsínufingur

Allir kannast við það að eftir nokkra setu í heita pottinum fara fingur manns að krumpast og líkjast rúsínum. Bandaríska vísindaritið Nature hefur nú eftir sérfræðingi í taugalíffræði að fyrirbrigðið sé engin tilviljun heldur hafi það þróast í gegnum árþúsundin og hafi ákveðnu hlutverki að gegna.

Erlent

Fundu 70 kíló af kat

Danskir tollverðir fundu í dag sjötíu kíló af fíkniefninu kat, sem er amfetamínskylt lyf, við fíkniefnaeftirlit í Eyrasundslestinni í dag. Danska tollgæslan hefur stóraukið landamæraeftirlit og í dag er fyrsti dagurinn sem nýja eftirlitskerfið er starfrækt. Efnið var á leið frá Danmörku til Svíþjóðar í tveimur töskum þegar fíkniefnahundur á vegum dönsku tollgæslunnar fann það. Mette Helmundt, yfirmaður hjá dönsku tollgæslunni, segir að þessi fíkniefnafundur sýni að nýja tolleftirlitið skili árangri.

Erlent

Verkjalyf valda gáttatifi

Algeng verkjalyf, eins og íbúfen, auka líkurnar á óreglulegum hjartslætti. Þetta sýna niðurstöður nýrrar rannsóknar sem birtist í British Medical Journal í gær.

Erlent

Lagarde tekur við AGS í dag

Christine Lagarde tekur við sem forstjóri Alþjóðagjaldeyrissjóðsins síðar í dag. Lagarde er fyrrverandi fjármálaráðherra Frakka og verður hún fyrsta konan sem stýrir sjóðnum frá stofnun hans. Staðan losnaðir eins og flestir vita eftir að þáverandi forstjóri Dominique Strauss-Kahn var handtekinn í New York sakaður um að hafa nauðgað herbergisþernu á Sofitel hótelinu.

Erlent

Chavez snúinn aftur heim

Forseti Venesúela er snúinn aftur til heimalands síns eftir að hafa gengist undir læknismeðferð hjá vinum sínum á Kúbu. Hugo Chavez hélt ræðu á fjöldafundi í höfuðborginni Caracas í gærkvöldi frammi fyrir þúsundum stuðningsmanna sinna sem fögnuðu forseta sínum innilega.

Erlent

Ráðherra sagði af sér eftir viku í embætti

Ráðherra í ríkisstjórn Japans sem hefur uppbyggingarmál í kjölfar jarðskjálftans í mars að gera, hefur sagt af sér eftir aðeins viku í embætti. Ryu Matsumoto hafði verið harðlega gagnrýndur af fjölmiðlum eftir að hafa látið ónærgætin orð falla í garð ríkisstjóra þeirra svæða sem verst urðu úti í skjálftanum og flóðbylgjunni sem kom á eftir.

Erlent

Versta þyrluslys í sögu Noregs

Fimm manns létu lífið þegar þyrla flaug á fjall í Harðangri í Noregi í gærkvöldi. Þrjú lík hafa fundist en ekki er enn ljóst hvað olli slysinu, en á vef norska ríkismiðilsins NRK segir að um sé að ræða eitt versta þyrluslys í sögu landsins þótt fleiri hafi látist í slysi þegar þyrla fórst undan ströndum landsins.

Erlent

Mladic vísað úr réttarsalnum

Dómarar stríðsglæpadómstóls á vegum Sameinuðu þjóðanna vísuðu Ratko Mladic, fyrrverandi herforingja Bosníu-Serba, út úr réttarsalnum í gær.

Erlent

Greip telpu sem féll af tíundu hæð

Tveggja ára gömul kínversk stúlka lifði það af að falla út um glugga á tíundu hæð í borginni Hangzhou á laugardaginn. Stúlkan klifraði út um gluggann og náði að hanga á gluggasyllunni í nokkrar sekúndur áður en hún féll.

Erlent

Mótmælti hjálmnotkun og lést af völdum höfuðáverka

Mótorhjólamaður í New York ríki í Bandaríkjunum lést í gær þegar hann féll af hjóli sínu. Maðurinn var í stórum hópi mótorhjólamanna sem komu saman til að mótmæla nýjum lögum sem gera mótorhjólamönnum skylt að vera með hjálm.

Erlent

Óeirðir í Egyptalandi

Hundruðir Egypta ráðast nú að réttarsal í Kaíró í óeirðum sem brotist hafa út í kjölfar þess að rétturinn lét tíu lögreglumenn lausa gegn tryggingu, en þeir eru sakaðir um að hafa drepið mótmælendur í uppreisninni sem átti sér stað í Egyptalandi fyrr á árinu. Frá þessu er greint á vef Washington Post.

Erlent

Reagan stytta afhjúpuð í London

Stytta af Ronald Reagan, fyrrum forseta Bandaríkjanna, var í morgun afhjúpuð í London. Styttan er rúmir þrír metrar á hæð og stendur hún fyrir utan bandaríska sendiráðið þar í borg. Í ár eru 100 ár liðin frá fæðingu Reagans en styttan er afhjúpuð á þjóðhátíðardegi Bandaríkjanna, fjórða júlí. Fyrirmenni mættu til athafnarinnar, þar á meðal ráðherrarnir fyrrverandi William Hague og Condoleeza Rice.

Erlent

Myndar samsteypustjórn þrátt fyrir stórsigur

Sigurvegari kosninganna í Tælandi um helgina ætlar að mynda samsteypustjórn með fjórum minni flokkum þrátt fyrir að hafa náð meirihluta. Yingluck Shinawatra verður forsætisráðherra Taílands, fyrst kvenna, en flokkur hennar, Puea Thai, vann stórsigur í þingkosningunum í gær. Yingluck er systir fyrrverandi forsætisráðherra landsins Thaksin Shinawatra sem er í útlegð í Dubai en herinn steypti honum af stóli árið 2006 í skugga spillingarmála. Gagnrýnendur Yingluck segja hana aðeins lepp fyrir bróðir sinn en yfirmenn hersins hafa þó þegar lýst því yfir að þeir fallist á úrslit kosninganna.

Erlent

Sögðu Obama hafa verið myrtan

-Barack Obama er látinn. Þetta er sorglegur fjórði júlí, sagði í Twitter skilaboðum frá Fox sjónvarpsstöðinni í dag. Nokkru síðar var því bætt við að forsetinn hefði verið skotinn tveim skotum á veitingahúsi í Iowa og látist af sárum sínum.

Erlent

Þerna Strauss-Khan í vondum málum

Þernan sem kærði Dominiq Strauss-Kahn fyrir nauðgun á yfir höfði sér ákæru vegna meinsæris. Þá er einnig mögulegt að hún verði gerð landræk frá Bandaríkjunum fyrir að ljúga í umsókn sinni um landvistarleyfi.

Erlent

Leiðtogi FARC slapp naumlega

Leiðtogi skæruliðahreyfingar FARC í Kólombíu slapp naumlega úr klóm stjórnarhersins þegar árás var gerð á búðir skæruliðanna. Þetta kom fram í yfirlýsingu frá forseta Kólombíu í gærkvöldi en yfirvöld í landinu hafa barist við skæruliðana í áraraðir.

Erlent

Mest lesið