Daníel Hafsteinsson fer til Helsingborg

Daníel Hafsteinsson er á leið til sænska félagsins Helsingborg en KA hefur náð samkomulagið við sænska félagið um kaup á miðjumanninum.

Hinn 19 ára gamli Daníel hefur verið lykilmaður á miðjunni hjá KA í sumar. Hann á sex mörk í 48 meistaraflokksleikjum með uppeldisfélaginu. Þá hefur hann verið fastamaður í U21 landsliði Íslands.

Daníel á sjálfur eftir að komast að samkomulagi við Helsingborg.

Helsingborg er nýliði í sænsku úrvalsdeildinni eftir að hafa farið upp úr B-deildinni í fyrra. Liðið er í 11. sæti af 16 í deildinni.

KA er í fallsæti í Pepsi Max deild karla eftir tap fyrir HK um helgina.

Knattspyrnudeild KA hefur náð samkomulagi við Sænska liðið Helsingborgs IF um kaup á Daníel Hafsteinssyni. Daníel hefur verið í algjöru lykilhlutverki á miðjunni í KA liðinu og ljóst að þetta yrði gríðarlega flott skref fyrir okkar öfluga leikmann #LifiFyrirKApic.twitter.com/ZP10NQjXiW

— KA (@KAakureyri) July 16, 2019