Umfjöllun og viðtöl: Haukar - Afturelding 31-34 | Mosfellingar tóku fyrsta leikinn Guðmundur Marinó Ingvarsson skrifar 8. maí 2016 17:45 Afturelding lagði Hauka 34-31 á útivelli í dag í fyrsta leik liðanna um Íslandsmeistaratitilinn í handbolta í Olís deild karla. Afturelding var 20-19 yfir í hálfleik. Jafnræði var með liðunum í upphafi leiks en Afturelding náði frumkvæðinu seinni hluta hálfleiksins og lét það ekki af hendi það sem eftir lifði leiks. Þrátt fyrir það var gríðarleg spenna í leiknum og var það ekki fyrr en á síðustu mínútunni að Afturelding skoraði tvö síðustu mörkin og tryggði þriggja marka sigur. Eins og hálfleikstölurnar gefa til kynna var fátt um varnir í fyrri hálfleik. Þjálfarar beggja liða höfðu kortlagt varnirnar sem fyrir einvígið þóttu sterkustu vopn liðanna. Liðin áttu ekki eins auðvelt með að skora í seinni hálfleik og fóru Haukar sérstaklega illa með fjölda dauðafæri í hálfleiknum þegar liðið átti möguleika á því að jafna leikinn. Haukar jöfnuðu aldrei í seinni hálfleik og sigur gestanna verðskuldaður. Afturelding náði góðri baráttu í vörnina í seinni háflleik og heilt yfir var sóknarleikurinn góður. Meiri breidd er í liði Aftureldingar og fengu lykilmenn hvíld sem gæti hjálpað liðinu upp á framhaldið. Mikk Pinnonen fór á kostum í sókninni auk þess sem liðið fékk mörk úr öllum stöðum á vellinum. Lykilmenn Hauka spiluðu nánast allan leikinn og gæti það tekið sinn toll verði einvígið langt en ljóst er að það verði minnst fjórir leikið ætli Haukar að verja titilinn. Adam Haukur Baumruk fór á kostum, sérstaklega í fyrri hálfleik og Janus Daði Smárason dró vagninn í seinni hálfleik en miklu munaði um slaka markvörslu í marki Hauka. Liðin mætast í öðrum leiknum í Mosfellsbæ á miðvikudaginn klukkan 19.30. Jóhann Gunnar: Nú er allt annað einvígiJóhann Gunnar Einarsson átti að vanda góðan leik fyrir Aftureldingu. Hann er lykilmaður í góðri sókn liðsins sem hefur orðið betri og betri sem liðið hefur á tímabilið. „Við unnum fína heimavinnu með sóknina en eins og einhver orðaði það í leik á móti Val um daginn, að við hefðum spilað yfir getu sóknarlega. Við vorum eiginlega á sama pari þar,“ sagði Jóhann Gunnar um góða sókn liðsins. „Við erum held ég orðnir mjög stöðugir og flottir sóknarlega. Við höldum okkar plani og pinnamaturinn (Mikk Pinnonen) gefur okkur mikla vídd og tekur sóknarleikinn á annan stall eftir áramót og við erum búnir að byggja á því.“ Varnarlega var Jóhann ekki eins ánægður með leikinn og þá sérstaklega í fyrri hálfleik. „Ég held að fá lið geti verið ánægð með sig varnarlega á móti Haukum á tímabilinu. Þeir eru flottir og stöðugir í sókninni en við hefðum ekki átt að hleypa svona mörgum mörkum inn. „Við þurfum að skoða það fyrir næstu rimmu. Við vorum að fá á okkur mörk alls staðar. Við þurfum að takmarka það einhvers staðar,“ sagði Jóhann Gunnar. Liðin mættust einnig í úrslitum á síðustu leiktíð og þá unnu Haukar 3-0 sigur og því var það sálrænt sterkt fyrir Aftureldingu að vinna fyrsta leikinn. „Það var gott að ná þessum sigri. Annars hefðu allir byrjað að tala um hvort það yrði annað sóp ef við hefðum tapað þessu. Nú er allt annað einvígi.“ Gunnar: Afturelding var betri í dagGunnar Magnússon þjálfari Hauka var að sjálfsögðu ekki ánægður með tapið í fyrsta leiknum gegn Aftureldingu og þá ekki síst slaka vörn liðsins í fyrri hálfleik. „Varnarleikurinn var alls ekki nógu góður í fyrri háflleik. Við vorum ekki að klukka þá,“ sagði Gunnar. „Þeir komust alltaf í opin færi og markvarslan var allan leikinn ekki nógu góð. Við þurfum betri markvörslu en þetta til að leggja jafn sterkt lið og Aftureldingu.“ Haukar léku betri vörn í seinni hálfleik en þá brást sóknin þegar liðið átti möguleika á að jafna leikinn. „Mér fannst vörnin koma upp í seinni hálfleik en þá misstum við agann sóknarlega og fórum að taka erfið færi. Að sama skapi nýttum við hraðaupphlaup, víti og annað ekki nógu vel. „Við gáfum færi á okkur sóknarlega með agaleysi. Það hefur verið okkar einkenni að halda aga allan tímann,“ sagði Gunnar er en þar kann að hafa munað um Tjörva Þorgeirsson sem leikur ekki með Haukum í úrslitaeinvíginu vegna meiðsla. „Heilt yfir var Afturelding betri í dag og við þurfum að vera með betri vörn og markvörslu til að leggja þá að velli. „Það er bara einn leikur búinn og við þurfum að bæta okkur á milli leikja. Við þurfum að fara vel yfir þetta og laga. Við höfum áður farið á erfiða útivelli og unnið þar. Við unnum tvisvar í Vestamannaeyjum. „Þetta verður erfitt í Mosó en við erum hvergi hættir og komum sterkari til baka,“ sagði Gunnar Magnússon þjálfari Hauka.vísir/ernirvísir/ernirvísir/ernirPétur Júníusson skorar hér í leiknum í dag. Myndir/Ernir Olís-deild karla Mest lesið „Skulda mér mikinn pening þarna hjá Lyngby“ Fótbolti Algjör niðurlæging sveina Dags sem hafa aldrei tapað stærra Handbolti Andri og Eiður mættir til Belgíu að semja Fótbolti Líf Chaz á Íslandi gæti endað á Netflix Körfubolti Í beinni: Man Utd - Arsenal | Stórleikur í Leikhúsi draumanna Enski boltinn Sonur Kristbjargar fagnaði góðum sigri Fótbolti Vonar að pabbi sinn komist ekki á ÓL Handbolti Leiðin að lengsta skíðastökki allra tíma Sport Léku með eftirnöfn mæðra sinna á treyjunum Fótbolti Í beinni: KR - HK | Komast KR-ingar á sigurbraut? Íslenski boltinn Fleiri fréttir Í beinni: Haukar - Valur | Herða meistararnir tökin? Algjör niðurlæging sveina Dags sem hafa aldrei tapað stærra Vonar að pabbi sinn komist ekki á ÓL Heimsmeistararnir stöðvaðir á síðustu stundu Uppgjörið: Eistland - Ísland 24-37 | Gengu örugglega frá Eistum og tryggðu farseðil á HM Frost í sókn en sveinar Dags mörðu sigur Segja Ísland hafa skorað fimmtíu án þess að svitna „Annað hvort gera þeir eins og Man. City eða eins og Liverpool“ Grafalvarleg staða: „Við verðum að breyta þessu strax“ Einar Bragi skrifaði undir tveggja ára samning í Svíþjóð Slóvakía skellti Póllandi óvænt í umspili HM „Við vorum skugginn af sjálfum okkur“ Uppgjörið og viðtöl: Valur - Haukar 28-27 | Íslandsmeistarnir sluppu með skrekkinn Gagnrýnir lítinn stuðning við afreksíþróttafólk: „Upphæðin ein og sér er grín“ Myndaveisla frá risasigrinum á Eistum Færeyingar hársbreidd frá fyrsta heimsmeistaramótinu Uppgjörið: Ísland - Eistland 50-25 | Stigu bensínið í botn frá fyrstu mínútu „Ánægður að við sýndum þá hlið að við getum verið góðir í sextíu mínútur“ Þakklátur eftir fyrsta landsleikinn: „Tek bara einn dag fyrir í einu“ „Ekkert sjálfgefið að valta yfir lið“ Skyldusigur í kvöld: „Þurfum að koma okkur inn á HM“ Einar Bragi verður einn af strákunum okkar í kvöld „Það er stórmót í húfi“ Stjörnumarkvörðurinn í vandræðum með augað á sér Ísland eignast nýtt EHF dómarapar Bleyjur og klósettpappír áhorfenda kostuðu ÍBV Enn hægt að fá miða á HM-leikinn í kvöld Farangurinn flæktist fyrir Gísla: „Kom beint af flugvellinum“ Undanúrslit í Meistaradeildinni klár „Bara að fara heim og hitta mömmu“ Sjá meira
Afturelding lagði Hauka 34-31 á útivelli í dag í fyrsta leik liðanna um Íslandsmeistaratitilinn í handbolta í Olís deild karla. Afturelding var 20-19 yfir í hálfleik. Jafnræði var með liðunum í upphafi leiks en Afturelding náði frumkvæðinu seinni hluta hálfleiksins og lét það ekki af hendi það sem eftir lifði leiks. Þrátt fyrir það var gríðarleg spenna í leiknum og var það ekki fyrr en á síðustu mínútunni að Afturelding skoraði tvö síðustu mörkin og tryggði þriggja marka sigur. Eins og hálfleikstölurnar gefa til kynna var fátt um varnir í fyrri hálfleik. Þjálfarar beggja liða höfðu kortlagt varnirnar sem fyrir einvígið þóttu sterkustu vopn liðanna. Liðin áttu ekki eins auðvelt með að skora í seinni hálfleik og fóru Haukar sérstaklega illa með fjölda dauðafæri í hálfleiknum þegar liðið átti möguleika á því að jafna leikinn. Haukar jöfnuðu aldrei í seinni hálfleik og sigur gestanna verðskuldaður. Afturelding náði góðri baráttu í vörnina í seinni háflleik og heilt yfir var sóknarleikurinn góður. Meiri breidd er í liði Aftureldingar og fengu lykilmenn hvíld sem gæti hjálpað liðinu upp á framhaldið. Mikk Pinnonen fór á kostum í sókninni auk þess sem liðið fékk mörk úr öllum stöðum á vellinum. Lykilmenn Hauka spiluðu nánast allan leikinn og gæti það tekið sinn toll verði einvígið langt en ljóst er að það verði minnst fjórir leikið ætli Haukar að verja titilinn. Adam Haukur Baumruk fór á kostum, sérstaklega í fyrri hálfleik og Janus Daði Smárason dró vagninn í seinni hálfleik en miklu munaði um slaka markvörslu í marki Hauka. Liðin mætast í öðrum leiknum í Mosfellsbæ á miðvikudaginn klukkan 19.30. Jóhann Gunnar: Nú er allt annað einvígiJóhann Gunnar Einarsson átti að vanda góðan leik fyrir Aftureldingu. Hann er lykilmaður í góðri sókn liðsins sem hefur orðið betri og betri sem liðið hefur á tímabilið. „Við unnum fína heimavinnu með sóknina en eins og einhver orðaði það í leik á móti Val um daginn, að við hefðum spilað yfir getu sóknarlega. Við vorum eiginlega á sama pari þar,“ sagði Jóhann Gunnar um góða sókn liðsins. „Við erum held ég orðnir mjög stöðugir og flottir sóknarlega. Við höldum okkar plani og pinnamaturinn (Mikk Pinnonen) gefur okkur mikla vídd og tekur sóknarleikinn á annan stall eftir áramót og við erum búnir að byggja á því.“ Varnarlega var Jóhann ekki eins ánægður með leikinn og þá sérstaklega í fyrri hálfleik. „Ég held að fá lið geti verið ánægð með sig varnarlega á móti Haukum á tímabilinu. Þeir eru flottir og stöðugir í sókninni en við hefðum ekki átt að hleypa svona mörgum mörkum inn. „Við þurfum að skoða það fyrir næstu rimmu. Við vorum að fá á okkur mörk alls staðar. Við þurfum að takmarka það einhvers staðar,“ sagði Jóhann Gunnar. Liðin mættust einnig í úrslitum á síðustu leiktíð og þá unnu Haukar 3-0 sigur og því var það sálrænt sterkt fyrir Aftureldingu að vinna fyrsta leikinn. „Það var gott að ná þessum sigri. Annars hefðu allir byrjað að tala um hvort það yrði annað sóp ef við hefðum tapað þessu. Nú er allt annað einvígi.“ Gunnar: Afturelding var betri í dagGunnar Magnússon þjálfari Hauka var að sjálfsögðu ekki ánægður með tapið í fyrsta leiknum gegn Aftureldingu og þá ekki síst slaka vörn liðsins í fyrri hálfleik. „Varnarleikurinn var alls ekki nógu góður í fyrri háflleik. Við vorum ekki að klukka þá,“ sagði Gunnar. „Þeir komust alltaf í opin færi og markvarslan var allan leikinn ekki nógu góð. Við þurfum betri markvörslu en þetta til að leggja jafn sterkt lið og Aftureldingu.“ Haukar léku betri vörn í seinni hálfleik en þá brást sóknin þegar liðið átti möguleika á að jafna leikinn. „Mér fannst vörnin koma upp í seinni hálfleik en þá misstum við agann sóknarlega og fórum að taka erfið færi. Að sama skapi nýttum við hraðaupphlaup, víti og annað ekki nógu vel. „Við gáfum færi á okkur sóknarlega með agaleysi. Það hefur verið okkar einkenni að halda aga allan tímann,“ sagði Gunnar er en þar kann að hafa munað um Tjörva Þorgeirsson sem leikur ekki með Haukum í úrslitaeinvíginu vegna meiðsla. „Heilt yfir var Afturelding betri í dag og við þurfum að vera með betri vörn og markvörslu til að leggja þá að velli. „Það er bara einn leikur búinn og við þurfum að bæta okkur á milli leikja. Við þurfum að fara vel yfir þetta og laga. Við höfum áður farið á erfiða útivelli og unnið þar. Við unnum tvisvar í Vestamannaeyjum. „Þetta verður erfitt í Mosó en við erum hvergi hættir og komum sterkari til baka,“ sagði Gunnar Magnússon þjálfari Hauka.vísir/ernirvísir/ernirvísir/ernirPétur Júníusson skorar hér í leiknum í dag. Myndir/Ernir
Olís-deild karla Mest lesið „Skulda mér mikinn pening þarna hjá Lyngby“ Fótbolti Algjör niðurlæging sveina Dags sem hafa aldrei tapað stærra Handbolti Andri og Eiður mættir til Belgíu að semja Fótbolti Líf Chaz á Íslandi gæti endað á Netflix Körfubolti Í beinni: Man Utd - Arsenal | Stórleikur í Leikhúsi draumanna Enski boltinn Sonur Kristbjargar fagnaði góðum sigri Fótbolti Vonar að pabbi sinn komist ekki á ÓL Handbolti Leiðin að lengsta skíðastökki allra tíma Sport Léku með eftirnöfn mæðra sinna á treyjunum Fótbolti Í beinni: KR - HK | Komast KR-ingar á sigurbraut? Íslenski boltinn Fleiri fréttir Í beinni: Haukar - Valur | Herða meistararnir tökin? Algjör niðurlæging sveina Dags sem hafa aldrei tapað stærra Vonar að pabbi sinn komist ekki á ÓL Heimsmeistararnir stöðvaðir á síðustu stundu Uppgjörið: Eistland - Ísland 24-37 | Gengu örugglega frá Eistum og tryggðu farseðil á HM Frost í sókn en sveinar Dags mörðu sigur Segja Ísland hafa skorað fimmtíu án þess að svitna „Annað hvort gera þeir eins og Man. City eða eins og Liverpool“ Grafalvarleg staða: „Við verðum að breyta þessu strax“ Einar Bragi skrifaði undir tveggja ára samning í Svíþjóð Slóvakía skellti Póllandi óvænt í umspili HM „Við vorum skugginn af sjálfum okkur“ Uppgjörið og viðtöl: Valur - Haukar 28-27 | Íslandsmeistarnir sluppu með skrekkinn Gagnrýnir lítinn stuðning við afreksíþróttafólk: „Upphæðin ein og sér er grín“ Myndaveisla frá risasigrinum á Eistum Færeyingar hársbreidd frá fyrsta heimsmeistaramótinu Uppgjörið: Ísland - Eistland 50-25 | Stigu bensínið í botn frá fyrstu mínútu „Ánægður að við sýndum þá hlið að við getum verið góðir í sextíu mínútur“ Þakklátur eftir fyrsta landsleikinn: „Tek bara einn dag fyrir í einu“ „Ekkert sjálfgefið að valta yfir lið“ Skyldusigur í kvöld: „Þurfum að koma okkur inn á HM“ Einar Bragi verður einn af strákunum okkar í kvöld „Það er stórmót í húfi“ Stjörnumarkvörðurinn í vandræðum með augað á sér Ísland eignast nýtt EHF dómarapar Bleyjur og klósettpappír áhorfenda kostuðu ÍBV Enn hægt að fá miða á HM-leikinn í kvöld Farangurinn flæktist fyrir Gísla: „Kom beint af flugvellinum“ Undanúrslit í Meistaradeildinni klár „Bara að fara heim og hitta mömmu“ Sjá meira