Íþróttir
Þórarinn Eymundsson er heimsmeistari í fimmgangi
Þórarinn Eymundsson var að vinna fimmganginn á heimsmeistaramótinu í Hollandi á undrahestinum Kraft frá Bringu með 8.10. Sýning Þórarinns var nokkuð góð og fékk hann m.a 9,17 fyrir tölt en fetið var frekar slakt en hann fékk aðeins 5.15. Í öðru sæti var Frauke Schenzel á Næpu vom Kronshof með 7.52 og í þriðja sæti hafnaði Piet Hoyos og Kvist frá Ólafsvöllum með 7.38.
Stian Pedersen heimsmeistari í fjórgangi
Stian Pedersen átti frábæara sýningu í fjórgangi á heimsleikum í Hollandi í dag og vann örugglega á hesti sínum Jarl frá Miðkrika með einkunina 8.60. Jarl og Stian fengu 9.50 fyrir yfirferðatöltið og voru fagnaðarlætin gríðarleg eftir sýninguna.
Bergþór er Heimsmeistari í 250m skeiði á Lótus
Keppni í 250m skeiði var að ljúka á heimsleikum íslenska hestsins í Hollandi. Bergþór Eggertsson er Heimsmeistari á Lótus van Aldenghoor með tímann 21.55 en það er tíminn sem hann fékk í gær. Í öðru sæti er Sigursteinn Sumarliðason á Kolbein frá Þóroddsstöðum sem er þegar orðin heimsmeistari í gæðingaskeiði. Emelie Romland hafnaði í þriðja sæti á Mjölni frá Dalbæ með tímann 21.77.
B úrslitum í T1 og T2 lokið á HM
B úrtslit í Tölti T1 og T2 var að ljúka hér í Hollandi en keppni hófst í morgun. Helena Aðalsteinsdóttir var efst í töltinu með 7.61 og mætir með hest sinn Seth fra Nøddegården í A- úrslit á morgun. Sömu sögu er að segja frá slaktaumatöltinu en þar var efst Eva-Karin Bengtsson á Kyndil frá Hellulandi með 7.50 og mætir hún þá í A – úrslit á morgun.
Yfirlitssýningu stóðhesta lokið á HM 07
Það voru ekki miklar breytingar á röðun stóðhesta eftir yfirlitssýningu á HM í Hollandi í morgun. Helst er að segja frá því að Þórður Þorgeirsson koma ríðandi inn á Garra frá Reykjavík í flokki 7 vetra hesta en Jóhann Skúlason hefur verið knapi á honum.
Þórarinn toppar enn og aftur - 7,50
Þórarinn Eymundsson og Kraftur eru efstir með 7.50 eftir forkeppni í fimmgangi sem var að ljúka á HM í Hollandi. Að sögn eins áhorfanda sem blaðamaður Hestafrétta talaði við rétt í þessu var sýning Þórarinns hreint út sagt æðisleg. Í öðru sæti er Frauke Schenzel og Næpa vom Kronshof með 7.13 og í þriðja sæti er Anna Valdimarsdóttir og Fönix vom Klosterbach með 7.03 í aðaleinkunn.
Jói Skúla á toppnum eftir forkeppni í tölti
Þá er hörku forkeppni í tölti á heimsleikum íslenska hestsins lokið í Hollandi, en hún hefur staðið yfir frá því klukkan 10.00 í morgun. Jóhann Skúlason er lang efstur með einkunnina 8.87 á Hvin frá Holtsmúla og á hæla honum kemur tvöfaldi íslandsmeistarinn Þórarinn Eymundsson
Heimsmeistarar frá árinu 1999
Hver varð heimsmeistari í tölti 2001?, eða í fimmgangi 1999?, eða í fjórgangi 2003?. Það er alltaf gaman að skoða og spá og spekúlera og rifja upp hverjir voru heimsmeistarar hverju sinni. Á meðfylgjandi lista eru allir heimsmeistarar frá árinu 1999 í hestaíþróttum og eru nokkrir á honum sem eru með áskrift á heimsmeistaratitlum.
Hæfileikadómum hryssna lokið á HM
Hæfileikadómum hryssna er lokið á HM í Hollandi og stendur Urður frá Gunnarsholti efst í flokki 7 vetra og eldri með 8.54, en hún er sýnd af Þórði Þorgeirssyni fyrir Ísland. Jolly Schrenk sýndi Broka frá Wiesenhof í flokki 6 vetra og stendur hún efst þar með 8,27, en Jolly keppir fyrir Þýskaland.
Byggingadómum kynbótahrossa lokið á HM 07
Byggingadómum allra kynbótahrossa var að ljúka á Heimsmeistaramóti íslenska hestsins í Hollandi en dómar hafa staðið yfir í allan dag. Hæfileikadómar kynbótahrossa hefjast á morgun og verður spennandi að fylgjast með hvernig hross og knapar standa sig.
Gæðingurinn Dalvar lækkar í byggingadómi á HM 07
Byggingadómum kynbótahrossa íslensku keppendanna var að ljúka á HM í Hollandi nú rétt í þessu, en dómstörfum er ekki endanlega lokið. Dalvar frá Auðholtshjáleigu lækkaði í byggingadómi úr 8,40 í 8,36 en hann lækkaði fyrir bak og lend úr 8,5 í 8,0.
HM í hestaíþróttum hafið í Hollandi
Heimsmeistaramót íslenska hestsins hófst í morgun í Oirschot í Hollandi. Landsliðseinvaldurinn Sigurður Sæmundsson sagði í samtali við blaðamann hestafrétta nú rétt í þessu að allir íslensku hestarnir hafi farið í læknis- og fótaskoðun í morgun og hafi þeir allir staðist hana.
Heimsmeistaramót íslenska hestsins hefst á morgun
Heimsmeistaramót Íslenska hestsins byrjar á morgun, mánudag í Hollandi klukkan 8.00 en þá eru fánar dregnir að húni. Klukkan 9.00 hefst svo byggingadómar kynbótahrossa og samkvæmt dagskrá mótsins á mánudagurinn að enda með rólegri kvöldsstund í veislutjaldi.
Bikarmót Norðurlands 2007
Bikarmót Norðurlands 2007 í hestaíþróttum verður haldið við Hringsholt í Svarfaðardal föstudaginn 17. og laugardaginn 18. ágúst nk. þar sem etja kappi knapar og hestar af Norður- og Austurlandi. Um er að ræða sveitakeppni, þar sem keppt er í öllum helstu greinum hestaíþrótta.
Haukur fékk Riddarabikar Sleipnis
Páll Bragi Hólmarsson var efsti Sleipnisfélagi á nýafloknu Gæðingamóti Sleipnis og fékk hann Sleipnisskjöldinn að launum. Haukur (Toyota) Baldvinsson fékk Riddarabikar Sleipnis sem er veittur þeim Sleipnisfélaga sem þykir sína yfirburða íþróttamannslega hegðun.
FEIF staðfestir heimsmet Sigga Sig
FEIF hefur staðfest tíma Sigurðar Sigurðarsonar á Drífu frá Hafsteinsstöðum sem heimsmet í 100m skeiði en þau fóru á tímanum 7,18 á Skeiðleikum Skeiðfélagsins og Glitnis sem haldnir voru miðvikudaginn 4. Júlí síðastliðin.
Þórarinn Eymundsson tvöfaldur íslandsmeistari annað árið í röð
Þórarinn Eymundsson og Kraftur frá Bringu stálu senunni eftir að þeir sigruðu bæði tölt og fimmgang meistaraflokks á Íslandsmótinu í hestaíþróttum sem lauk á Dalvík í gær. Þetta er annað árið í röð sem að þeir sýna þessa snilldar takta á vellinum.
Sigurður setur heimsmet á Drífu í 150m skeiði
Hrossabændurnir Siggi Sig og Sigurbjörn Bárðar eru sigurvegarar á Skeiðleikum Skeiðfélagsins og Glitnis sem fram fóru á Selfossi nú í kvöld. Sigurður gerði sér lítið fyrir og sveif yfir hundrað metrana á 7,18 sekúntum á henni Drífu sinni sem er óstaðfest heimsmet. Sigurbjörn sigraði bæði í 250m og 150m metra skeiðinu.
Hestamennskan er lífsstíll og baktería sem maður losnar aldrei við
Á fallegum sumardegi á Norðfirði er Steinar Gunnarsson lögregluvarðstjóri í Neskaupsstað og yfirhundaþjálfari Ríkislögreglustjóra að undirbúa hestana sína fyrir fjórðungsmótið á Egilsstöðum sem fer fram dagana 27 til 30 júní. Steinar er mikill hestamaður á á nokkra glæsilega gæðinga sem hann lætur Elísabeti Ýr, 13 ára gamalli dóttur sinni eftir að keppa á.
Upptökur frá úrslitum Íslandsmóts í hestaíþróttum
Upptökur af heildarúrslitum frá Íslandsmóti yngri flokka í hestaíþróttum eru komnar inn á Vef TV Hestafrétta. Öll úrslitin eru tæplega tvær klukkustundir af stórskemmtilegu efni fyrir hestaáhugafólk.
Vel heppnuðu Íslandsmóti yngri flokka í hestaíþróttum lokið
Íslandsmóti barna, unglinga og ungmenna lauk í dag á félagssvæði Gusts í Kópavogi. Í dag var keppt í A úrslitum í öllum flokkum. Það má með sanni segja að þegar mót eru haldin í Gusti þá vantar ekkert uppá! framkvæmd mótsins var með besta móti enda ekki neinir amatörar þar á ferðinni.
Tilþrif dagsins á Íslandsmóti yngri flokka
Tilþrif dagsins í dag átti án efa Linda Rún Pétursdóttir og hestur hennar Gormur frá Brávöllum. Eins og sést á meðfylgjandi myndum prjónaði klárinn nánast yfir sig í verðlaunaafhendingu í B-úrslitum í fjórgangi ungmenna nú í dag.
Ljósmyndir og myndskeið á Vef TV Hestafrétta
Á Vef TV Hestafrétta eru komnar inn upptökur af gæðingaskeiði unglinga og ungmenna sem haldið var í dag á Íslandsmóti yngri flokka í Glaðheimum í Gusti. Ljósmyndir frá tölti ungmenna, unglinga og barna ásamt gæðingaskeiði unglinga og ungmenna.
Ragnar Tómasson og Valdimar Besgstað Íslandsmeistarar
Íslandsmeistarar í gæðingaskeiði í unglingaflokk eru þeir Ragnar Tómasson með Móses frá Grenstanga og Valdimar Bergstað í ungmennaflokki með Glaum frá Torfufelli. Forkeppni í tölti í öllum flokkum er lokið og er Fanney Dögg Indriðadóttir á Dögg frá Múla efst í ungmennaflokk,
Hákarlar í Töltinu á FM 07
Það eru sannkallaðir hákarlar sem koma til með að berjast um glæsileg peningaverðlaun í opnum flokki í tölti á Fjórðungsmóti Austurlands. Tveir Íslandsmeistarar eru skráðir þar til leiks, Viðar Ingólfsson á Tuma frá Stóra-Hofi og Hans Kjerúlf á hinum 17 vetra höfðingja Laufa frá Kollaleiru.
Darri fær heiðursverðlaun
Stóðhesturinn Darri 1021 frá Kampholti fékk heiðursverðlauná kynbótasýningu í Hedeland í Danmörku nú fyrir stuttu. Í Damörku er dæmt ennþá eftir gömlu íslensku reglunum sem voru í gildi til ársins 1989, þar sem skilyrðin fyrir því að fá heiðursverðlaun eru meðaleinkunn upp á 8,10 fyrir 12 bestu afkvæmin. Darri fékk meðaleinkunn 8,11 fyrir 12 bestu afkvæmi sín.
Folatollar til styrktar landsliðinu
Undirbúningurinn fyrir heimsmeistaramótið er nú í fullum gangi. Nú þegar er búið er að velja fimm knapa til fararinnar auk heimsmeistaranna frá því síðast og enn eiga eftir að bætast í hópinn fjórir íþróttaknapar, eitt ungmenni og sex kynbótahestar.
Úrtöku fyrir HM 2007 lokið
Í dag lauk úrtöku fyrir HM í hestaíþróttum sem haldin var á félagssvæði Fáks. Sigurður Sæmundsson landsliðseinvaldur boðaði til fréttafundar eftir úrtöku til að kynna fyrstu knapa í landsliðið. Upptökur af kynningu Sigurðar, sýningu Þórarinns og skeiðspretts Sigursteins eru komnar á Vef TV Hestafrétta.
Færeyjingar koma með hóp á FM´07
Nú eru gestir á FM´07 farnir að gíra sig upp til ferðalaga. Að venju er vitað af gestum víðsvegar af landinu, og erlendis frá einnig. Jóhan á Plógv frá Færeyjum, meðlimur í Ríðingafélaginu Vága, hefur haft samband við mótshaldara og boðað komu hóps frá Færeyjum.
Yfirlitssýningu lokið á Sörlastöðum
Yfirlitssýningu á Sörlastöðum er lokið. Tveir umtöluðustu hestar sýningarinnar Dalvar frá Auðholtshjáleigu og Álfasteinn frá Selfossi voru sýndir í sama hollinu. Álfasteinn hækkaði úr 8.47 í 8.50 og Dalvar hélt sinni einkunn eða 8.62. Hæst dæmdi stóðhestur sýningarinnar var Atlas frá Hvolsvelli með 8.66 sýndur af Daníel Jónssyni. Meðfylgjandi eru dómar sýningarinnar.
