Fréttir

Fréttamynd

Flokkurinn þarf að kynna sín góðu verk

Samúel Örn Erlingsson íþróttafréttamaður fékk langflest atkvæði í annað sætið á lista Framsóknarflokksins í Suðvesturkjördæmi í dag. Samúel segir flokkinn þurfa að kynna betur sín góðu verk. Siv Friðleifsdóttir heilbrigðisráðherra var sjálfkjörin í forystusætið.

Innlent
Fréttamynd

Kosningabaráttan í Bandaríkjunum harðnar

George W. Bush varaði við því í dag að demókratar myndu hækka skatta í ræðu sem hann hélt í dag. Lokaumferð kosningabaráttunnar fyrir þingkosningar, sem fara fram þann 7. nóvember þar í landi, er nú í hámarki.

Erlent
Fréttamynd

Framtíð Kosovo óráðin enn um sinn

Ákvörðun um sjálfstæði Kosovo frá Serbíu gæti frestast um heilt ár vegna nýafstaðinnar þjóðaratkvæðagreiðslu í Serbíu sem samþykkti að Kosovo væri órjúfanlegur hluti Serbíu.

Erlent
Fréttamynd

Búist við ofsaveðri í nótt og á morgun

Afar slæmar veðurhorfur eru fyrir komandi nótt og framan af degi á morgun. Um er að ræða mjög djúpa og krappa lægð sem verður um 960 mbör (hPa) þegar hún gengur yfir Vestfirði í nótt.

Innlent
Fréttamynd

NATO í átökum í nágrenni Kabúl

Hersveitir NATO í Afganistan lentu í morgun í átökum við íslamska uppreisnarmenn í 70 kílómetra fjarlægð frá Kabúl. Er þetta fyrsti bardaginn svo nálægt Kabúl síðan stjórn Talibana var komið frá völdum.

Erlent
Fréttamynd

Hjúkrunarfræðingaskortur á næstu árum

Um 40% allra starfandi hjúkrunarfræðinga láta af störfum vegna aldurs á næstu 10-15 árum og ef takast á að manna stéttina þarf að fjölga nýnemum í hjúkrunarfræði. Þetta kemur fram í ályktun Hjúkrunarþings sem lauk í gær.

Innlent
Fréttamynd

Útbreiðsla kjarnorku hugsanleg í Mið-Austurlöndum

Sex Arabaríki tilkynntu í gær að þau ætluðu að verða sér úti um kjarnorkutækni. Löndin eru Alsír, Egyptaland, Marokkó, Túnis, Sameinuðu Arabísku Furstadæmin og Sádi Arabía. Fréttavefur breska dagblaðsins Times skýrir frá þessu í morgun.

Erlent
Fréttamynd

Hóta því að slíta friðarviðræðum

Frelsissamtök Baska, ETA, hótaði því í morgun að hætta friðarviðræðum við stjórnvöld á Spáni skili þær ekki árangri fljótlega. Baskneska dagblaðið Gara greinir frá þessu á vefsíðu sinni. Liðsmenn samtakanna segja spænsk stjórnvöld ofsækja stuðningsmenn ETA þrátt fyrir tilkynningu Zapatero, forseta, frá því í sumar um að hann ætlaði að hefja friðarviðræður við forvígismenn samtakanna.

Erlent
Fréttamynd

4 týndu lífi í troðningi

Að minnsta kosti fjórir týndu lífi og átján slösuðust í troðningi sem varð fyrir utan hof Hindúa í Orissa-héraði í Austur-Indlandi í morgun. Mörg þúsund hindúar höfðu safnast saman fyrir utan hofið við upphaf hátíðarhalda.

Erlent
Fréttamynd

Kínverjar styðja Afríkuríki

Kínverjar hafa heitið því að tvöfalda fjárstuðning sinn við Afríkuríki með því að útvega þeim lán sem nemi jafnvirði tæplega 350 milljarða íslenskra króna til næstu þriggja ára. Hu Jintao, forseti Kína, tilkynnti þetta við upphaf ráðstefnu í Peking, en hana sækja leiðtogar og ráðherrar flestra Afríkuríkja.

Erlent
Fréttamynd

Úrslit væntanleg úr fjórum prófkjörum um helgina

Prófkjör Samfylkingarinnar í Suðvesturkjördæmi og Suðurkjördæmi eru haldin í dag og úrslit í póstkosningu í Norðausturkjördæmi verða tilkynnt. Auka kjördæmisþing framsóknarmanna í Suðvesturkjördæmi verður einnig haldið í dag.

Innlent
Fréttamynd

Molnuðu í höndunum á viðskiptavinum

Um 1500 evruseðlar úr þýskum hraðbönkum hafa molnað í höndum viðskiptavina síðustu vikur ekki er vitað til þess að slíkt hafi gerst í öðrum Evrópusambandslöndum. Svo virðist sem seðlarnir hafi komist í tæri við sýru.

Erlent
Fréttamynd

Hestum bjargað af hól

Rúmlega hundrað hestum var bjargað í dag ofan af litlum hól í Hollandi þar sem þeir sátu fastir. Hestarnir urðu innlyksa þegar flæddi yfir friðlýst svæði á þriðjudaginn en þar hafði hestunum verið sleppt lausum. 18 hestar drukknuðu en 20 var bjargað þegar á miðvikudag, áður en veður versnaði á ný.

Erlent
Fréttamynd

Sýndi ódæðið á netinu

Kanadíska lögreglan hefur handtekið mann sem misnotaði barnunga stúlku kynferðislega í beinni útsendingu á netinu. Lögreglumaður hafði áunnið sér traust ódæðismannsins á spjallrás á netinu og fékk aðgang að útsendingunni. Maðurinn var handtekinn tveimur klukkustundum síðar.

Erlent
Fréttamynd

Skotárás mótmælt

Tvær palestínskar konur féllu og sex særðust þegar Ísraelsher hóf skothríð á mosku í bænum Beit Hanoun á Gaza-svæðinu í morgun. Hópur herskárra Palestínumanna hafði leitað þar skjóls og höfðu konurnar svarað kalli Hamas-liða og tekið sér stöðu milli moskunnar og hermannanna. Efnt var til mótmælagöngu á götum borga og bæja á Gaza-svæðinu vegna atburðarins. Byssumennirnir sátu í moskunni meðan umsátrið varði í 19 klukkustundi. Hermenn umkringdu moskuna. Hamas-samtökin kölluðu eftir stuðningi palestínskra kvenna í útvarpsávarpi og báðu þær um að taka sér stöðu við moskuna sem lifandi skildir. Um tvö hundruð konur komu á vettvang og tóku sér stöðu. Ísraelsher mun, að sögn vitna hafa skotið á konur þar sem þær hlupu að moskunni og stóðu við hana. Atvikið mun nú í rannsókn hjá Ísraelsher en hermenn á vettvangi segjast hafa verið að svara skothríð frá Palestínumönnunum sem hafi falið sig meðal kvennanna. Sumir þeirra eru sagðir hafa dulbúið sig sem konur til að lauma sér út úr moskunni. Ekki liggur fyrir hve margir herskáir Palestínumenn sem leituðu skjóls í moskunni. Sumir miðlar segja þá hafa verið allt að sextíu en aðrir að þeir hafi ekki verið fleiri en fimmtán. Rúmlega 20 Palestínumenn og einn ísraelskur hermaður hafa fallið í áhlaupi Ísarela á Beit Hanoun sem hófst á miðvikudaginn. Ísraelsher segir áhlaupið gert til að koma í veg fyrir að herskáir Palestínumenn skjóti flugskeytum á ísraelskt landsvæði. Mahmoud Abbas, forseti Palestínumanna, og Ismail Haniyeh, forsætisráðherra palestínsku heimastjórnarinnar, hafa báðir fordæmt aðgerðir Ísrelshers í Beit Hanoun og sagt þær fjöldamorð.

Erlent
Fréttamynd

Stefna að álveri í Þorlákshöfn

Sveitarfélagið Ölfus hefur veitt vilyrði fyrir lóð undir áltæknigarð og álver vestan við Þorlákshöfn. Orkumagnið sem þetta tvennt krefst er jafnmikið og helmingsframleiðslugeta Kárahnjúkavirkjunar.

Innlent
Fréttamynd

Lögregla lýsir eftir karlmanni

Lögreglan í Reykjavík lýsir eftir Kristófer Erni Sigurðarsyni til heimilis að Logafold 141 í Reykjavík. Hann er um 185 sm á hæð með stutt, skolleitt hár. Kristófer var klæddur í bláar gallabuxur, ljósbláa rúllukragapeysu, svartan teinóttan jakka og svört kúrekastígvél.

Innlent
Fréttamynd

Skákmaraþon Hrafns gengur vel

Hrafn Jökulsson, formaður skákfélagsins Hróksins, hefur nú teflt 70 skákir í skákmaraþoni sínu sem fram fer í Kringlunni. Hrafn hóf maraþonið klukkan níu í morgun og hyggst tefla í 40 klukkustundir eða eins langan tíma og það tekur að tefla 250 skákir. Með þessu er hann að safna fé fyrir starfi Hróksins á Grænlandi og hefur sparibauk verið komið fyrir í Kringlunni.

Innlent

Mest lesið