Hreinsaði tyggjóklessu númer 100.000
Reykvíkingur ársins, Guðjón Óskarsson, náði því markmiði í dag að hreinsa burt hundrað þúsundustu tyggjóklessuna af götum Reykjavíkurborgar. Guðjón réði niðurlögum klessunnar fyrir utan verslunina Brynju á Laugavegi og uppskar lófaklapp fyrir. Næsta markmið Guðjóns eru tæplega þrjú hundruð og fimmtíu þúsund klessur, jafnmargar og Íslendingar verða þegar hann ráðgerir að ná ætlunarverkinu.
