Besta svarið
Besta svarið hefur göngu sína annað kvöld klukkan 20.00 á Stöð 2. Hinn eini sanni Sverrir Þór Sverrisson, Sveppi, stýrir þessum glænýja spurninga- og skemmtiþætti í sumar. Fyrsti gestur er Selma Björnsdóttir en í hverjum þætti mætir einn þjóðþekktur gestur til leiks og keppendur eru þrír, vinir eða ættingjar gestsins. Keppendurnir eiga að svara afar fjölbreyttum spurningum um gestinn og keppast um að vera með besta svarið hverju sinni.
