Aukin samþjöppun í norsku laxeldi

Norska laxeldisfyrirtækið Pan Fish hefur keypt tæplega 18 prósenta hlut í Fjord Seafood. Í Morgunkorni Glitnis banka segir að samþjöppun haldi áfram í norsku laxeldi en Pan Fish á nú samtals 57 prósenta hlut í Fjord og undirbýr yfirtökutilboð.

Gullverð ekki hærra í 25 ár

Verð á gulli fór yfir 600 dollara á únsu á mörkuðum í New York í Bandaríkjunum í dag og hefur það ekki verið hærra í aldarfjórðung. Ástæðan eru mikil kaup fjárfesta, sem vilja tryggja sig fyrir yfirvofandi verðbólgu og verðhækkunum í framtíðinni.

Búist við hærri stýrivöxtum í Japan

Stjórn Seðlabanka Japans hefur ákveðið að halda stýrivöxtum óbreyttum, eða nálægt núlli. Sérfræðingar spá að stjórnin hækki stýrivexti um 0,25 prósent í júlí eða ágúst til að halda aftur af verðbólgu.

Olíuverð nálgast sögulegu hámarki

Verð á hráolíu nálgaðist sögulegt hámark í dag í kjölfar aukinnar spennu á milli Bandaríkjanna og Írans. Verð á Brent Norðursjávarolíu fór í 69,06 dollara á tunnu í kauphöll Lundúna í Bretlandi en verð á hráolíu fór í 69,11 dollara á tunnu á mörkuðum í New York í Bandaríkjunum.

Öflun kaupir í Office Line

Öflun ehf., sem á Apple-verslanir á Íslandi, í Danmörku og Svíþjóð, hefur eignast tæp 90 prósent í norska fyrirtækinu Office Line og gert yfirtökutilboð í félagið allt.

Olíuverð hækkar á ný

Vaxandi áhyggjur af hernaðaraðgerðum Bandaríkjanna í Íran hafa valdið hækkunum á olíuverði og hefur það ekki verið hærra í 2 mánuði. Íran er fjórði stærsti olíuframleiðandi í heimi og gætu mögulegar aðgerðir Bandaríkjanna dregið talsvert úr framboði hráolíu í heiminum.

Excel Airways kaupir gríska ferðaskrifstofu

Excel Airways Group, dótturfélag Avion Group, hefur keypt bresku ferðaskrifstofuna Kosmar Villa Holidays, sem er fremsta ferðaskrifstofan í Bretlandi í ferðalögum til Grikklands og byggir á 24 ára reynslu í skipulagningu ferða til landsins.

Gengi hlutabréfa hækkaði í Japan

Gengi hlutabréfa lækkaði í Kauphöllinni í Tókýó í Japan í dag. Hlutabréf lækkuðu sömuleiðis á öðrum mörkuðum í Asíu. Nikkei-225 hlutabréfavísitalan lækkaði um 106,79 stig eða 0,61 prósent. Gengi bréfanna hækkaði nokkuð á föstudag í síðustu viku og hafði ekki verið hærri síðan í júlí árið 2000.

Ný heilsulind rís að Laugarvatni

Gamlan gufan að Laugarvatni gengur senn í endurnýjun lífdaga því til stendur að reisa fyrsta flokks heilsulind og afþreyingarstöð á svæðinu. Þorsteinn Kragh athafnamaður fer fyrir eignarhaldsfélaginu Gufu og sem rekur gufuböðin að Laugarvatni.

Verðlagning hlutabréfa sanngjörn

Greiningardeild Landsbankans segir verðmat á innlendum hlutabréfum sanngjarna í dag. Deildin spáir auknum hagnaði allra skráðra félaga í Kauphöll Íslands nema Tryggingamiðstöðvarinnar og HB Granda.

Aukin útgáfa krónubréfa

EIB bankinn gaf í dag út krónubréf fyrir 3 milljarða króna til tveggja ára. Bankinn er næststærsti útgefandi krónubréfa með 38 milljarða króna á eftir þýska landbúnaðarsjóðnum KfW, sem hefur gefið út samtals 47 milljarða króna frá því í águst í fyrra.

Nýr formaður í bankaráði Seðlabankans

Formannsskipti urðu í bankaráði Seðlabanka Íslands þegar Ólafur G. Einarsson sagði af sér formennsku í ráðinu á fundi þess í gær. Helgi S. Guðmundsson var kosinn formaður í hans stað. Ólafur var kjörinn varaformaður bankaráðsins.

Glitnir var til ráðgjafar í Ameríku

Glitnir banki var ráðgjafi bandaríska fisksölufyrirtækisins F.W. Bryce Inc. í söluferli fyrirtækisins, en það var í vikunni selt Nissui USA, dótturfyrirtæki Nippon Suisan Kaisha Ltd. í Japan.

FL Group stofnar dótturfélag í Danmörku

FL Group tilkynnir í dag um stofnun dótturfélags í Danmörku, FL Group Denmark Aps. Í tilkynningu frá fyrirtækinu til Kauphallarinnar segir að FL Group hafi á síðustu misserum fjárfest umtalsvert í Danmörku og í ljósi þeirra fjárfestinga hafi félagið ákveðið að koma á fót skrifstofu í Kaupmannahöfn.

Eimskip kaupir Farmaleiðir

P/F Heri Thomsen, dótturfélag Eimskips í Færeyjum, hefur keypt Farmaleiðir, sem verið hefur landflutningahluti Strandfaraskipa. Strandfaraskip er í eigu færeyska ríkisins og hefur sinnt vöru- og fólksflutningum á sjó og landi í Færeyjum. Sala Farmaleiða er stærsta einkavæðingaverkefni Færeyinga til þessa.

Olíuverð fór yfir 67 dollara

Olíuverð fór yfir 67 Bandaríkjadali á tunnu á helstu mörkuðum í dag eftir að ríkisstjórn Bandaríkjanna greindi frá því að eldsneytisbirgðir í landinu hefðu minnkað.

Visa og FIFA sögð í samningaviðræðum

Líkur er sagðar á að greiðslukortafyrirtækið Visa verði styrktaraðili heimsmeistarakeppninnar í knattspyrnu frá og með næsta ári. Styrktarsamningur Visa er sagður hljóða upp á 150 til 200 milljónir punda, jafnvirði 19 til rúmlega 25 milljarða íslenskra króna.

Nálgast metverð á laxi

Verð á laxi á alþjóðlegum fiskmörkuðum hefur hækkað verulega upp á síðkastið og nálgast nú sögulegt hámark. Kíló af laxi er komið í 40 norskar krónur, jafnvirði rúmra 400 íslenskra króna og hefur það ekki verið hærra í sex ár. Verð á laxi getur umtalsverð áhrif á afkomu Alfesca.

Úrvalsvísitalan hækkaði um 1,96 prósent

Úrvalsvísitala Kauphallar Íslands hækkaði um 1,96 prósent í viðskiptum dagsins eftir lækkanir síðustu tvo viðskiptadaga. Mest hækkuðu bréf í Flögu, Actavis, FL Group og Glitni. Gengi bréfa í Flögu lækkaði mest í gær, eða um rúm 20 prósent. Eina félagið sem lækkaði í viðskiptum dagsins var Dagsbrún.

NTL kaupir Virgin Mobile

Stjórn breska fjárfestingafyrirtækisins Virgin Group hefur samþykkt yfirtökutilboð breska kapalfyrirtækisins NTL á farsímasviði fyrirtækisins, Virgin Mobile. Yfirtökutilboðið hljóðar upp á 962,4 milljónir punda, jafnvirði rúmlega 122 milljarða íslenskra króna. Eftir kaupin verður til fyrsta fyrirtækið á Bretlandseyjum sem býður jafn kapalsjónvarpsstöðvar, netveitu, fastlínusamband og farsímaþjónustu.

Hagnaður Sparisjóðs Vestmannaeyja rúmar 180 milljónir

Hagnaður Sparisjóðs Vestmannaeyja nam 180,4 milljónum króna á síðasta ári. Heildarrekstrartekjur námu 789,2 milljónum króna og gjöld námu 570,6 milljónum króna að meðtöldum afskriftum. Reksturinn gekk vel á árinu, að því er fram kemur í tilkynningu frá Sparisjóði Vestmannaeyja.

Hagnaður Nýsis 1,6 milljarðar króna

Hagnaður Nýsis hf. nam rúmum 1,6 milljörðum króna á síðasta ári. Fastafjármunir voru 15.285 milljónir króna og veltufjármunir 1.064 milljónir kr. Eignir námu 16.349 milljónum króna. Þá námu skuldir og skuldbindingar Nýsis hf. og dótturfélaga 12.464 milljónum kr. en eigið fé var í árslok 3.885 milljónir króna að meðtaldri hlutdeild minnihluta.

FL Group kaupir Dreamliner farþegaþotur

FL Group hefur samið um kaup á tveimur Boeing 787-8 Dreamliner farþegarþotum fyrir hönd Icelandair Group. Flugvélarnar verða afhentar vorið 2012, en tveimur árum fyrr, eða á árinu 2010 fær Icelandair afhentar tvær fyrstu Boeing 787 breiðþoturnar sem pantaðar voru fyrir rúmu ári.

Bresk skattayfirvöld viðurkenna Kauphöll Íslands

Sameinað embætti ríkisskattstjóra og tollstjóra á Bretlandi (HM Revenue and Customs, HMRC) veitti Kauphöll Íslands viðurkenningu 31. mars síðastliðinn sem kauphöll skv. kafla 841(1)(b) í lögum um tekju- og fyrirtækjaskatt frá 1988 (The Income and Corporation Taxes Act 1988, ICTA).

Gengi bréfa hækkaði í Taílandi

Hlutabréfavísitalan í Taílandi hækkaði um tæpt 3,1 prósent eftir að Thaksin Shinawatra, forsætisráðherra landsins, tilkynnti í gær að hann ætli að segja af sér. Hann lét hann af embætti í morgun. Vísitalan hefur hækkað um 7 prósent á árinu og hefur ekki verið hærri síðan í janúar 2004.

Skógræktarfélagið ekki markaðshindrandi

Samkeppniseftirlitið hefur úrskurðað að þrátt fyrir að viss mismunum felist í starfi Skógræktarfélags Íslands þá sé það ekki markaðshindrun þegar nýir aðilar vilja starfa við grisjun sumarhúsalóða og skipulagsvinnu fyrir einstaklinga og fyrirtæki. Starfi félagið ekki á samkeppnismarkaði og vinni það eingöngu að grisjun eða ráðgjöf vegna skógarreita aðildarfélaga Skógræktarfélagsins.

FL kaupir í Finnair

FL Group hefur aukið við hlut sinn í finnska flugfélaginu Finnair og á eftir kaupin 10,025 prósenta hlut í félaginu. Að sögn Alberts Jónssonar, framkvæmdastjóra FL Group, hefur fyrirtækið aukið við hlut sinn í Finnair jafnt og þétt.

Felldur úr stjórn sparisjóðsins

Magnús Kristinsson, útgerðarmaður og einn stærsti hluthafinn í Straumi-Burðarási, náði ekki endurkjöri í stjórn Sparisjóðs Vestmannaeyja á aðalfundi sparisjóðsins á dögunum. Gísli G. Guðlaugsson, Skæringur Georgsson og Þór Í. Vilhjálmsson voru hins vegar kosnir.

Moodys segir stöðuna góða

Matsfyrirtækið Moody's segir að ekki steðji hætta að greiðsluhæfi og lausafjárstöðu Íslands. Í skýrsku sem fyrirtækið birti í gær er komist að þeirri niðurstöðu að landið standi ekki frammi fyrir óhóflegum greiðsluhæfis- eða lausafjárvandræðum vegna óstöðugleika sem gætt hefur í viðskipta- og fjármálaumhverfinu. Lánshæfiseinkunn ríkissjóðs er Aaa.

Greinendur Danske mæta

Höfundar neikvæðra skýrslna Danske Bank um íslenskt efnahagslíf munu standa fyrir máli sínu hérlendis í næstu viku.

Kemur Finnum í opna skjöldu

Kaup Roberts Tchenguiz á yfir átta prósenta hlut í finnska fjármálafyrirtækinu Sampo, fyrir 60 milljarða króna, hafa komið verulega á óvart í finnskum fjármálaheimi, enda Tchenguiz algjörlega óþekkt nafn þarlendis. Hollenska eignarhaldsfélagið Exafin, sem er í eigu Tchenguiz, er þar með orðið þriðji stærsti hluthafinn í Sampo á eftir finnska ríkinu og Varma lífeyrissjóði..

Össur innkallar þrjú þúsund gervihné

Framleiðslugalli í pinna kom í ljós við skoðun. Forstjórinn segir velferð sjúklinga hafða í fyrirrúmi.

Danske leiðir lán til BN

Verið er að ganga frá sambankaláni til BN bank í Noregi. Danske Bank leiðir lánið. BN bank er í eigu Glitnis banka.

Óbreytt lánshæfismat Glitnis banka

Lánshæfismatsfyrirtækið Moody´s staðfesti lánshæfiseinkunnir þriggja stærstu banka landsins í dag. Langtímaeinkunn Glitnis banka er A1 en skammtímaeinkunn er P1. Þá segir Moody´s horfur Glitnis banka stöðugar.

Lánshæfiseinkunnir KB banka staðfestar

Alþjóðlega matsfyrirtækið Moody's staðfesti lánshæfiseinkunnir KB banka í dag og gefur langtímaeinkunnina A1 og skammtímaeinkunnina P-1. Einkunn fyrir fjárhagslegan styrkleika C+ verður tekin til endurskoðunar til hugsanlegrar lækkunar.

Lánshæfiseinkunn Landsbankans staðfest

Alþjóðlega lánshæfismatsfyrirtækið Moody’s staðfesti í dag A-2 og P-1 lánshæfismatseinkunnir Landsbankans. Samhliða þessu hefur Moody’s breytt horfum á lánshæfismatseinkunn á fjárhagslegum styrkleika, sem í dag er C, úr stöðugum í neikvæðar.

FL Group kaupir í Finnair

FL Group hefur bætt við hlut sinn í finnska flugfélaginu Finnair og á eftir kaupin 10,025 prósent í félaginu. Að sögn Alberts Jónssonar, framkvæmdastjóra FL Group, hefur Finnair skilað góðri afkomu og er það góður fjárfestingakostur.

Hans Blix

Ítarlegt viðtal Þóris Guðmundssonar fréttamanns við Hans Blix, fyrrverandi yfirmann vopnaeftirlits Sameinuðu þjóðanna í Írak.

Fjarskiptafyrirtæki samþykkja samruna

Bandaríska fjarskiptafyrirtækið Alcatel og franska fyrirtækið Lucent hafa samþykkt samruna fyrirtækjanna en tekjur fyrirtækjanna beggja nema 21 milljarði evra.

Tryggingamiðstöðin vildi NEMI

Eftir lokun kauphallarinnar í Noregi föstudaginn 31. mars lýsti Tryggingamiðstöðin hf. (TM) formlega við stjórn Nemi forsikring ASA (NEMI) vilja til að gera kauptilboð í allt hlutafé NEMI. TM á 9,77 prósenta hlut í NEMI.

Glitnir banki hf. eignast meirihluta í Kreditkorti hf.

Glitnir banki hf. og Kaupþing banki hf. hafa komist að samkomulagi um viðskipti með hlutabréf í Kreditkorti hf. og Greiðslumiðlun hf. Glitnir hefur aukið hlut sinn í Kreditkorti hf. um 16% og var hluturinn keyptur af Kaupþingi banka.

Svenn Dam skipaður forstjóri og varastjórnarformaður

Svenn Dam var í gær skipaður forstjóri og varastjórnarformaður 365 Media Scandinavia A/S. Félagið er í eigu Dagsbrúnar hf. Svenn mun bera ábyrgð á uppbyggingu fjölmiðlastarfsemi í Danmörku en jafnframt kanna ný viðskiptatækifæri á sviði fjölmiðlunar á Norðurlöndunum.

Hlutabréf hækkuðu í Japan

Gengi hlutabréfa hækkaði í kauphöllinni í Japan í dag og hefur lokagengi Nikkei-225 hlutabréfavísitölunnar ekki mælst hærra í fimm og hálft ár.