Valdimar Þórsson í Fram

Framarar hafa fengið góðan liðsstyrk fyrir átökin í DHL-deild karla næsta vetur. Á blaðamannafundi nú klukkan 16 tilkynnti handknattleiksdeild félagsins að hún hefði gert tveggja ára samning við Valdimar Þórsson, fyrrum leikmann HK. Valdimar hefur verið einn af betri leikmönnum Íslandsmótsins undanfarin ár og skoraði 162 mörk í 21 leik fyrir HK í vetur.

Valsmenn mæta liði frá Litháen

Í morgun var dregið í forkeppni Meistaradeildar Evrópu í handknattleik. Íslandsmeistarar Vals í karlaflokki mæta litháísku meisturunum Panevezys Viking Malt og byrja á útivelli 1. eða 2. semptember. Síðari leikurinn er hér heima viku síðar.

Arnór ánægður með nýjan samning við FCK

Landsliðsmaðurinn Arnór Atlason hefur framlengt samning sinn við danska liðið FCK um þrjú ár. Arnór sagðist í samtali við Vísi vera mjög ánægður með samninginn því sér liði mjög vel í Kaupmannahöfn. Aldrei hefði komið til greina að fara annað.

Serenko fer frá Fram

Framarar hafa ákveðið að nýta sér uppsagnarákvæði í samningi sínum við Úkraínumanninn Sergiy Serenko og því mun hann ekki leika með liðinu í DHL-deildinni á næstu leiktíð. Serenko kom til Fram haustið 2005 og átti þá frábæra leiktíð, en náði sér ekki á strik síðasta vetur. Þetta kemur fram á heimasíðu félagsins í dag.

Trúi ekki öðru en að þetta hjálpi mér

Akureyringurinn Jónatan Magnússon fór fyrir viku síðan í sína fyrstu aðgerð vegna meiðsla sem hafa hrjáð hann síðan á síðasta ári. Jónatan hefur lítið getað hreyft sig vegna meiðslanna sem enginn getur sjúkdómsgreint. „Það veit enginn hvað er að mér,” sagði kappinn í nýlegu viðtali við Fréttablaðið en Brynjólfur Jónsson ákvað loks að skera hann upp.

Leikurinn við Íslendinga er algjör lykilleikur

Sænski landsliðsmaðurinn Ljubomir Vranjes hjá Flensburg í Þýskalandi segir að opnunarleikur Svía við Íslendinga á EM í Noregi í janúar verði algjör lykilleikur í keppninni. Hann segir leikinn ráða öllu um framhald liðsins í keppninni og segir Svía eiga helmingslíkur á að vinna Íslendinga.

Svíþjóð fyrsti andstæðingurinn á EM

Ísland fékk það erfiða hlutverk að lenda með Frökkum, Slóvökum og Svíum í riðli í 1. umferð Evrópumótsins í Noregi sem fer fram í janúar á næsta ári. Einar Þorvarðarson segir Ísland geta vel unað við dráttinn.

Ísland með Svíum, Frökkum og Slóvökum á EM-2008

Búið er að draga í riðla fyrir Evrópukeppnina í handknattleik sem fram fer í Noregi í janúar og febrúar á næsta ári. Ísland leikur í D-riðli með Svíum, Frökkum og Slóvökum. Einar Þorvarðarson, framkvæmdarstjóri HSÍ, segir riðilinn mjög erfiðan en það sé allt hægt og bendir á að Ísland hefur bæði unnið Frakka og Svía nýlega.

7000 á fyrsta sólarhringnum

Við viljum ekki sjá Svíana

Enginn frá HSÍ verður viðstaddur dráttinn fyrir Evrópumótið í handbolta sem fer fram í Noregi dagana 17. til 27. janúar á næsta ári. Dregið verður í fjóra riðla í Ósló í kvöld og eru fjögur lið í hverjum riðli. Fyrst er liðunum fjórum í fjórða styrkleikaflokki raðað niður, þá liðunum í öðrum styrkleikaflokki, næst þeim fysta áður en Noregur fær að velja sér riðil. Tvö lið úr hverjum riðli komast í 8-liða úrslit.

Á námskeiði hjá Tommy Svensson

Tveir efnilegustu markverðir landsins, Pálmar Pétursson úr Val og Björgvin Páll Gústavsson úr Fram, fara á sunnudaginn til Svíþjóðar þar sem þeir verða á vikulöngu markvarðanámskeiði hjá sænsku markvarðagoðsögnunum Tommy Svensson og Claes Hellgren.

Áfram Alfreð

Vísir.is hefur hrundið af stað áskorunarlista til Alfreðs Gíslasonar um að halda áfram sem þjálfari íslenska karlalandsliðsins í handknattleik. Árangur Alfreðs með landsliðinu frá því hann tók við því fyrir rúmu ári hefur vakið athygli og aðdáun landsmanna. Undir hans stjórn hafa leikgleði, baráttuhugur og samheldni verið aðalsmerki landsliðshópsins.

Horfði á landsleikinn úr sjúkrarúminu

Það ráku margir upp stór augu í Laugardalshöllinni á sunnudagskvöld þegar þeir sáu að Einar Þorvarðarson, framkvæmdastjóri HSÍ, var kominn á varamannabekk íslenska liðsins við hlið Alfreðs en aðstoðarþjálfarinn, Guðmundur Guðmundsson, var víðs fjarri. Það átti sínar eðlilegu skýringar.

Alfreð leggst undir feld

Guðmundur Ingvarsson, formaður HSÍ, segir það skýran vilja sambandsins að hafa Alfreð Gíslason áfram sem þjálfara handknattleikslandsliðsins.

Ísland í öðrum styrkleikaflokk á EM

Ísland verður í öðrum styrkleikaflokk þegar dregið verður í riðla fyrir EM í Noregi á næsta ári. Í fyrsta styrkleikaflokk verða Frakkar, Spánverjar, Danir og Króatar.

Flugeldasýning á þjóðhátíðardaginn

Serbar unnu fyrri leikinn ytra með einu marki og því var ljóst að Íslendingar urðu að vinna með tveimur mörkum til þess að komast á EM sem fram fer í Noregi í janúar.

Draumurinn rættist í dag

Logi Geirsson átti góðan leik í gær og var í skýjunum eftir sigurinn gegn Serbum.

Ísland sigraði Serba

Íslendingar tryggðu sér þáttökurétt á Evrópumótinu í Noregi í kvöld. Ísland sigraði Serbíu 42 - 40 í spennandi leik þar sem liðsheildin skóp sigur. Ísland þurfti að sigra með tveimur mörkum eftir að hafa tapað 30 - 29 í Serbíu um síðustu helgi.

Ísland tveimur mörkum yfir í hálfleik

Ísland er tveimur mörkum yfir gegn Serbum í hálfleik. Staðan er 24 - 22. Alexander Petterson er markahæstur með 7 mörk.

Ísland - Serbía að hefjast

Leikur Ísland og Serbíu fer að hefjast. Leikurinn er úrslitaleikur um hvort liðið tryggir sér sæti á Evrópumótinu í Noregi næstkomandi janúar. Leikurinn hefst klukkan 20:00 og fer fram í laugardalshöllinni.

Alltaf komist áfram

Íslenska karlalandsliðið í handbolta hefur unnið öll sex umspilin fyrir stórmót síðan að núverandi fyrirkomulag var tekið upp fyrir HM í Frakklandi 2001.

Fjórar þjóðir áfram á EM

Pólland, Tékkland, Ungverjaland og Slóvakía tryggðu sér í gær sæti á EM í Noregi. Pólverjar unnu Holland 41-27 og 72-47 samtals, Tékkar unnu Letta með 33 mörkum gegn 26, samtals 64-56. Þá unnu Ungverjar Litháa 31-30 og 59-53 samtals og loks burstuðu Slóvakar Úkraínu 35-19, 63-48 samtals.

Kallað eftir þjóðhátíðarstemningu í Höllinni

Laust sæti á Evrópumótinu í Noregi er undir í kvöld. Sterkt lið Serba er komið hingað til lands og búast má við rafmagnaðri stemningu í Laugardalshöllinni. Strákarnir í landsliðinu eru jákvæðnir og bjartsýnir fyrir verkefninu og þrátt fyrir eins marks tap í fyrri leiknum ytra eru þeir sammála um að möguleikinn sé mjög góður.

Töpuðum hraðaupphlaupunum

Íslenska karlalandsliðið tapaði fyrri leiknum í Serbíu með eins marks mun, 29-30, og þarf því að gera betur í seinni leiknum í Laugardalshöllinni í dag.

Arnór kannski í hópnum

Síðari leikur Íslands og Serbíu um laust sæti á EM í Noregi í janúar fer fram í Laugardalshöll á sunnudag og er þegar orðið uppselt. Serbarnir unnu fyrri leikinn ytra með einu marki og því erfitt verkefni sem bíður landsliðsins.

Langar að halda áfram

Alfreð Gíslason landsliðsþjálfara langar til að vera áfram með íslenska liðið. Hann segist þó eiga mjög erfitt með það en hann mun setjast niður með HSÍ og ræða stöðuna eftir leikinn gegn Serbum sem fer fram á sunnudaginn kemur.

Guðjón Valur óhræddur við Serbana

Guðjón Valur Sigurðsson er bjartsýnn fyrir síðari leik Íslendinga og Serba í Laugardalshöllinni um helgina þar sem þjóðirnar mætast öðru sinni í umspili um laust sæti á EM í Noregi. Serbar höfðu eins marks sigur í fyrri leiknum. Smelltu á spila til að sjá Guðjón Guðmundsson á Stöð 2 ræða við nafna sinn í dag.

Hannes Jón á leið til Danmerkur á ný

Landsliðsmaðurinn Hannes Jón Jónsson sem leikið hefur með handknattleiksliði Elverum í Noregi, er á leið til Danmerkur á nýjan leik skv heimildum Vísis. Hannes, sem sýnt hefur lipra takta með íslenska landsliðinu í síðustu leikjum, mun á næstu leiktíð leika með Fredericia HK sem endaði í níunda sæti í dönsku úrvalsdeildinni á síðustu leiktíð.

Arnór Atlason í landsliðshópinn í ný

Á blaðamannafundi sem haldinn var á Hótel Loftleiðum í hádeginu tilkynnti Alfreð Gíslason landsliðsþjálfari landsliðshópinn sem mætir Serbum í síðari leiknum í umspili um sæti á EM í Noregi þann 17. júní næstkomandi. Ein breyting hefur verið gerð á hópnum frá fyrri leiknum ytra, Arnór Atlason hjá FCK í Kaupmannahöfn kemur inn í hópinn.

Eins marks tap í Serbíu

Íslenska landsliðið í handknattleik stendur ágætlega að vígi eftir eins marks tap 30-29 fyrir Serbum ytra í kvöld. Þetta var fyrri leikur liðanna í umspili um laust sæti á EM í Noregi á næsta ári. Íslenska liðið var skrefinu á undan lengst af í leiknum í kvöld og hafði yfir 14-13 í hálfleik, en góður lokakafli tryggði heimamönnum sigurinn.

Fín staða hjá íslenska liðinu í hálfleik

Nú er kominn hálfleikur í fyrri leik Íslands og Serbíu í umspili um laust sæti á EM í Noregi á næsta ári. Íslensku strákarnir hafa yfir 14-13 og hafa í fullu tré við heimamenn sem eru ákaft studdir af áköfum áhorfendum. Birkir Ívar Guðmundsson hefur staðið vaktina vel í markinu og er kominn með 12 varin skot. Ólafur Stefánsson og Snorri Steinn Guðjónsson hafa verið atkvæðamestir í markaskorun íslenska liðsins með 4 mörk hvor.

Níu marka tap gegn þjóðverjum

Íslenska kvennalandsliðið í handknattleik tapaði í kvöld 26-35 fyrir þjóðverjum í vináttulandsleik í Framheimilinu. Úrslitin voru ráðin í hálfleik en þá höfðu þjóðverjar yfir 11-21.

Annar sigur á Tékkum

Íslenska A-landsliðið í handbolta lagði Tékka 26-25 í æfingaleik í Tékklandi í kvöld. Þetta var annar sigur íslenska liðsins á því tékkneska á tveimur dögum en fyrri leik liðanna lauk einnig með eins mark sigri í gærkvöld. Snorri Steinn Guðjónsson skoraði 6 mörk fyrir íslenska liðið í kvöld og Róbert Gunnarsson 5. Leikirnir voru liður í undirbúningi íslenska liðsins fyrir umspilsleikina við Serba síðar í þessum mánuði.

Ísland mætir Þýskalandi í Framheimilinu

Íslenska kvennalandsliðið í handbolta mætir því þýska í kvöld í vináttuleik. Leikurinn fer fram klukkan 20:00 og verður leikinn í Framheimilinu. Leikurinn átti upprunalega að fara fram í Vestmannaeyjum en því var breytt.

Eins marks sigur á Tékkum

Íslenska karlalandsliðið í handknattleik vann í dag sigur á Tékkum 29-28 í fyrri æfingaleik þjóðanna á tveimur dögum en leikið var í Tékklandi. Leikirnir eru liður í undirbúningi íslenska liðsins fyrir umspilsleikina gegn Serbum síðar í þessum mánuði. Guðjón Valur Sigurðsson var markahæstur í íslenska liðinu með 8 mörk.

Birkir Ívar með gegn Serbum

Birkir Ívar Guðmundsson landsliðsmarkvörður í handbolta leikur með íslenska landsliðinu gegn Serbum. Málið var leyst síðdegis í dag. Vafi lék á hvort að Birkir Ívar gæti verið með þar sem lið hans í þýska handboltanum lenti í umspili um sæti í úrvalsdeildinni.

Danmörk 30-30 Úkraína

Fyrri leik Danmerkur og Úkraínu í umspil um sæti á HM í handknattleik kvenna var að ljúka og var lokastaðan 30-30. Það er margt í húfi fyrir dönsku stelpurnar því að ef að þær vinna ekki þetta einvígi þá falla þær um styrkleikaflokk og komast ekki á ólympíuleikana í Peking.

Guðjón Valur næstmarkahæstur í Þýskalandi

Guðjón Valur Sigurðsson, leikmaður Gümmersbach í Þýskalandi, var næstmarkahæsti leikmaður deildarinnar en lokaumferðin var leikin í dag. Guðjón Valur skoraði 221 mark og þar af aðeins fjögur af vítalínunni.

Kiel Þýskalandsmeistari í handbolta

Lokaumferð í þýska handboltanum fór fram í dag. Kiel tryggði sér sigur í deildinni með því að sigra Nordhorn 34:28. Kiel komst þá í 58 stig eins og Hamburg en með betri markatölu.