Þrjátíu prósent fólks sendir SMS undir stýri

Þrjátíu prósent ungs fólks í Bandaríkjunum sendir SMS á meðan það situr undir stýri, samkvæmt nýrri könnun sem blaðið Consumer Reports lét framkvæma á dögunum.

Leiðtogi Hells Angels í Noregi handtekinn

Leiðtogi Hells Angels í Noregi, Leif Ivar Kristiansen, var handtekinn í miðborg Osló í dag í umfangsmiklum aðgerðum norsku lögreglunnar.

Fara alltaf með byssur í háttinn

Foreldrar Söru Palin fyrrverandi forsetaframbjóðanda og ríkisstjóra í Alaska hafa skýrt frá því að þau gangi alltaf vopnuð til sængur vegna lífslátshótana sem þeim hafi borist.

Sjóræningjar umkringdir

Sjóræningjarnir sem halda sjö dönum í gíslingu í Sómalíu hafa verið umkringdir þannig að þeir geta ekki flutt Danina frá smábænum Hul Anod þar sem þeir eru í haldi.

Standast ekki sveitir Gaddafis

Moammar Gaddafi heldur áfram að láta orrustuþotur gera árásir á uppreisnarmenn í Libyu. Jafnframt gera bryndrekar hans og hersveitir árásir sínar nánast að vild.

Vill endurskoða skilmála lána

„Nýja stjórnin mun reyna að endursemja um samkomulagið sem náðist við Evrópusambandið og Alþjóðagjaldeyrissjóðinn,“ sagði Enda Kenny, leiðtogi Fine Gael, sem verður næsti forsætisráðherra Írlands.

Slökkviliðið bjargaði innbrotsþjófi sem festist í glugga

Slökkviliðið í Osló var kallað út í morgun til þess að koma innbrotsþjófi til bjargar. Lögreglan kom að manninum þar sem hann var fastur í kjallaraglugga sem hann hafði reynt að skríða inn um. Ekkert gekk að losa hann og var gripið til þess ráðs að kalla út slökkviliðið með stórvirkari verkfæri. Eftir klukkutíma aðgerð var maðurinn enn pikkfastur en loks tókst að losa manninn, sem er svokallaður góðkunningi lögreglunnar í Osló. Hann var fluttur með hraði á sjúkrahús enda orðinn kaldur og þrekaður eftir prísundina.

Öflug sprenging í Pakistan - sautján látnir hið minnsta

Að minnsta kosti sautján létust í mikilli sprengingu á bensínstöð í Pakistan í morgun. Óljóst er hvað olli sprengingunni en að minnsta kosti 35 slösuðust til viðbótar við þá sem létust. Myndir frá svæðinu sýna að nærliggjandi hús hrundu við sprenginguna og bifreiðar brunnu til kaldra kola. Óstaðfestar heimildir BBC herma að um sjálfsmorðssprengjuárás hafi veið að ræða.

Charlie Sheen ætlar í mál

Hæst launaði sjónvarpsleikari Bandaríkjanna, Charlie Sheen ætlar að kæra fyrrverandi vinnuveitendur sína sem ráku hann í gærkvöldi. Warner Bros, sem framleiðir vinsælu gamanþættina Two and a Half Men, tilkynnti um brottreksturinn í gærkvöldi.

Barbie gefst upp á Kínverjum

Leikfangarisinn Mattel hefur lokað einni stærstu Barbie búð veraldar í Shanghai í Kína aðeins tveimur árum eftir að hún opnaði. Búðin tók til starfa á fimmtugsafmæli Barbie og var Búðin á sex hæðum. Ætlunin var að koma til móts við minnkandi sölu á á dúkkunni á Vesturlöndum með því að kynna hið víðfræga vörumerki í Kína. Salan náði hinsvegar aldrei flugi og segja sérfræðingar ástæðuna einfaldlega vera þá að Kínverjar viti ekkert hver þessi Barbie sé.

Átján féllu í bardaga í Mexíkó

Að minnsta kosti átján féllu í byssubardögum á milli eiturlyfjagengja í norðausturhluta Mexíkó í nótt að því er lögreglan segir. Fregnir hafa borist af því að í bænum Abasolo hafi byssumenn keyrt um á jeppum og skotið á hvern annan í gríð og erg. Ríkið Tamálípas hefur verið miðpunktur uppgjörs tveggja stórra klíka í landinu, Zetanna og „Flóabandalagsins“, sem berjast um yfirráðin yfir smyglleiðum til Bandaríkjanna. Í bænum Abasolo hefur vald þeirra verið svo mikið að lögreglustjóra hefur vantað í bæinn um margra mánaða skeið.

Bandaríkjamenn útiloka ekki afskipti

Bandaríkjastjórn og Atlantshafsbandalagið eru að skoða möguleika þess að grípa með hervaldi inn í atburðarásina í Líbíu, þar sem Múammar Gaddafí situr sem fastast en uppreisnarsveitir hafa náð stórum hluta landsins á sitt vald.

Charlie Sheen rekinn úr Two And A Half Men

Kvikmyndaframleiðandinn Warner Bros. hefur rekið leikarann Charlie Sheen úr sjónvarpsþáttunum Two And A Half Men.

Vantaði far heim - stal sjúkrabíl

Shane Hale, tuttugu og sex ára gamall maður frá Kentucky í Bandaríkjunum vantaði að komast heim til sín á dögunum. Hann fór heldur óhefðbundna leið heim, svo vægt sé tekið til orða.

Le Pen yrði efst í fyrstu umferð

Marine Le Pen, leiðtogi Þjóðfylkingarinnar í Frakklandi, gæti sigrað í fyrstu umferð frönsku forsetakosninganna á næsta ári ef marka má skoðanakönnun dagblaðsins Le Parisien sem birt var í gær.

Yngsta amma heims aðeins 23 ára gömul

Yngsta amma heims er hin 23 ára gamla Rifca Stanescu. Rifka var aðeins 12 ára gömul þegar hún eignaðist dótturina Maríu í Rúmeníu. Hún ól dóttur sína upp í góðum siðum og vonaði að hún fylgdi ekki í fótspor sín þegar kæmi að barneignum. Hún lagði hart að Maríu að halda áfram í skóla en hún fór þó að heiman til þess að giftast aðeins tíu ára gömul.

Gaddafi í gagnsókn

Stjórnarher Líbíu hefur nú hafið gagnsókn í átt að hafnarbænum Ras Lanuf og hefur því hægst á sókn uppreisnarmanna til Trípólí. Bærinn Bin Jawad, sem er í 60 kílómetra fjarlægð frá Ras Lanuf er nú á valdi manna Gaddafis. Uppreisnarmenn hafa síðustu daga sótt fram í átt að Trípólí en nú virðast stjórnarhermenn hafa náð vopnum sínum.

McQueen tískuhúsið hannar fyrir Middleton

Brúðarkjóllinn sem Kate Middleton ætlar að klæðast þegar að hún gengur upp að altarinu með Vilhjálmi Bretaprins er hannaður af Söru Burton í Alexander McQueen tískuhúsinu. Burton, sem er bresk að uppruna, tók við sem yfirhönnuður hjá fyrirtækinu eftir að

Harðir bardagar í Líbíu

Bardagar uppreisnarmanna í Líbíu og hermanna Gaddafís einræðisherra fara harðnandi með hverjum deginum. Her Gaddafis gerði í nótt gagnárásir á vígi uppreisnarmanna og urðu margar borgir á austurströnd landsins fyrir sprengjuregni í nótt og um helgina. Tugir létust í borginni Misrata um 200 kílómetra austan við Trípóli en þar höfðu uppreisnarmenn safnast saman til að gera atlögu að höfuðborginni Trípólí sem er enn höfuðvígi Gaddafís og hans manna.

Réðust að mótmælendum með sverðum og bensínsprengjum

Mótmælendur í Kaíró höfuðborg Egyptalands lentu í nótt í átökum við hóp óeinkennisklæddra manna sem voru vopnaðir sverðum og bensínsprengjum. Mótmælendurnir voru fyrir utan höfuðstöðvar leyniþjónustunnar í borginni og kröfðust þess að stofnunin yrði lögð niður.

Tíu þúsund heimili í Christchurch óíbúðarhæf

Tíu þúsund heimili í Christchurch á Nýja-Sjálandi hafa verið lýst óíbúðarhæf eftir jarðskjálftann sem þar reið yfir þann 22. febrúar síðastliðinn. Þetta tilkynnti Jophn Key forsætisráðherra landsins í gærkvöldi.

Auð kynlífsbók vekur athygli

Bókin „Það sem allir karlmenn hugsa um fyrir utan kynlíf“ selst nú eins og heitar lummur hjá netversluninni Amazon. Bókin samanstendur af tvö hundruð auðum síðum og er aðallega notuð sem stílabók hjá námsmönnum um allt Bretland.

Kulnuð eldfjöll sögð leyna á sér

Niðurstöður nýrrar rannsóknar benda til að eðli kulnaðra eldfjalla og kvikuhólfanna undir þeim sé annað en lengi var talið. Vísindamenn segja nú að þau geti orðið virk að nýju með styttri fyrirvara en áður var talið og því þurfi að endurmeta hættuna sem af þeim geti stafað.

Lady Gaga brjáluð yfir brjóstamjólkurísnum

Þær vöktu athygli á dögunum fréttirnar af ísbúð í Bretlandi sem hefur tekið upp á því að bjóða rjómaís gerðan úr brjóstamjólk kvenna. Nú hefur Lady Gaga blandast í málið.

Mikil skothríð í höfuðborginni

Hörð átök milli uppreisnarmanna og hersveita, sem hliðhollar eru Muammar Gaddafi, héldu áfram víða í Líbíu um helgina. Ríkissjónvarpsstöð landsins greindi frá því í gær að herinn hefði aftur náð völdum í borgunum Misrata, Ra’s Lanuf, Tobruk og Zawiya. Í öðrum miðlum halda uppreisnarmenn og íbúar borganna því þó fram að mótmælendur séu enn við völd í þessum borgum. Fréttir af mannfalli í átökunum eru óljósar, en í gær töldu bráðaliðar á svæðinu að tveir hið minnsta hefðu látist og nokkrir tugir slasast.

Kínverjar styrkja herafla sinn

Kínversk stjórnvöld ætla að auka framlög sín til hermála um 13 prósent á þessu ári. Nágrannaríki Kína og Bandaríkin hafa viðrað áhyggjur sínar af þessu.

Vélhjólafélagi Che Guevara látinn

Alberto Granado er látinn. Hann var 88 ára gamall þegar hann lést á Kúbu. Alberto er sennilega þekktastur fyrir að vera góðvinur byltingarsinnans, Che Guevara, en saman ferðustu þeir vítt og breitt um Suður-Ameríku um miðja síðustu öld.

Hreinsunarstarfi lokið eftir tvær vikur - um 8 tonn af olíu í sjónum

Hreinsunarstarfi í Oslófirði verður lokið eftir um tvær vikur samkvæmt norskum fjölmiðlum. Goðafoss strandaði í firðinum um miðjan febrúar með þeim afleiðingum að olía lak í sjóinn.

Breskir sérsveitarmenn í haldi uppreisnarmanna í Líbíu

Líbískir uppreisnarmenn hafa handsamað átta breska hermann, þar af eru sex þeim sérsveitarmenn innan breska hersins. Varnarmálaráðherra Bretlands sagði í viðtali við breska ríkisútvarpið að lítið teymi diplómata væri nú í Benghazi, þar sem mennirnir eru í haldi, og ættu í samningaviðræðum við uppreisnarmennina.

Utanríkisráðherra Japans segir af sér

Utanríkisráðherra Japans, Seiji Maehara, sagði af sér um helgina eftir að hann tók við fjárframlögum frá erlendum ríkisborgara. Lög í Japan kveða á um að stjórnmálamenn megi ekki taka við fjárframlögum frá erlendum einstaklingum.

Verkamannaflokkurinn og Fine Gael á Írlandi í samsteypustjórn

Leiðtogar tveggja stærstu flokkanna á Írlandi Verkamannaflokksins og hægri flokksins Fine Gael hafa komið sér saman um að mynda samsteypustjórn.

Ríkissjónvarpið lýgur að Líbíumönnum

Ríkissjónvarpsstöð Líbíu greindi frá því í nótt að hermenn þjóðarinnar væri tryggir Muamma Gaddafi. Jafnframt var því haldið fram að þeir hafi náð töluverðum árangri í að bæla niður uppreisnina í Líbíu en mótmælendur hafa náð völdum í stórum hluta landsins í vopnuðum átökum við hermenn Gaddafis, undanfarnar tvær vikur.

Baðst afsökunar á kynlífssýningu í háskóla

Sálfræðikennarinn, J. Michael Bailey, baðst opinberlega afsökunar í gær á því að hafa staðið fyrir sérkennilegri kennslustund þar sem nemendur gátu fylgst með manni fullnægja konu sinni með mótorknúnu kynlífshjálpartæki.

Neyddu fanga til þess að nauðga samföngum sínum

Sjö fangaverðir í rússnesku fangelsi í Pétursborg hafa sjálfir verið dæmdir í fangelsi fyrir að pynta fanga og neyða menn til þess að nauðga samföngum sínum.

Bradley látinn sofa nakinn

Bradley Manning, ungi hermaðurinn sem sakaður er um að hafa látið forsvarsmenn WikiLeaks hafa trúnaðargögn, þurfti að sofa nakinn í heila sjö tíma á dögunum. Manning er sakaður um að hafa látið WikiLeaks í té upplýsingar úr sendiráðum Bandaríkjanna víða um heim og hefur mátt dúsa í fangelsi í Washington vegna þessa undanfarna mánuði. Þar þurfti hann að vera í sjö tíma nakinn á dögunum, eftir því sem fram kemur á fréttavef Guardian. Verjandi hans telur að herlög hafi verið brotin með þessari framkomu gagnvart Manning.

Drap eiginkonuna fyrir að smita sig af HIV veirunni

Saudi-Arabíska lögreglan handtók mann sem hafði drepið eiginkonu sína fyrir að smita sig af HIV veirunni.

Hörð átök í Líbíu

Hörð átök eru á milli uppreisnarmanna og hersveita hliðhollar Muammar Gaddafis, leiðtoga Líbíu, í borginni Zawiya, sem er um 50 kílómetrum vestur af höfuðborg landsins, Trípolí.

Vítisenglar í Bandaríkjunum handteknir

Lögreglan í bænum Spokane í Washington-ríki í Bandaríkjunum réðist inn í klúbbahúsnæði á vegum Vítisengla þar í borg vegna gruns um fjárkúgun og morðs.

Saudí-Arabía bannar mótmæli í landinu - hóta öryggisveitum

Saudí-Arabísk yfirvöld hafa bannað öll mótmæli í landinu sem og kröfugöngur samkvæmt þarlendum fjölmiðlum og Reuters greinir frá. Það var Innanríkisráðherra Saudí-Arabíu sem tilkynnti um bannið eftir að sjíta-múslimar í landinu stóðu fyrir fámennum mótmælum í Austurhéraði landsins.

Banksy borgaði rússneska listamenn úr fangelsi

Dularfulli listamaðurinn Banksy borgaði tryggingafé fyrir tvo rússneska listamenn sem voru handteknir af lögreglunni í Moskvu fyrir list sína. Listamennirnir Leonid Nikolayev og Oleg Vorotnikov tilheyra listahópnum Voina, sem þýðir stríð.

Kínverjar vilja hitta son Kim Jong-Il

Stjórnvöld í Kína hafa boðið Kim jong-un í opinbera heimsókn. Kim Jong-un er sonur Kim Jong-il, leiðtoga Norður-Kóreu og sá sem taka á við völdum þegar faðir hans fellur frá.

Réttað yfir Berlusconi vegna misnotkunar á sjónvarpsstöð

Réttarhöldin yfir Silvio Berlusconi, forsætisráðherra Ítalíu, halda áfram í dag. Í dag verður réttað yfir honum vegna meintrar misnotkunar á sjónvarpsstöð sem er í eigu Berlusconi en hann stendur nú í fjórum málaferlum.

Segjast hafa náð Ras Lanuf

Líbanskir uppreisnarmenn fullyrða að þeir hafi í morgun náð yfirráðum í olíubænum Ras Lanuf.

Þúsundir vilja stjórnarbetrun

Þúsundir manna héldu út á götur í Bagdad og fleiri borgum Íraks í gær, annan föstudaginn í röð, til að krefjast umbóta í stjórn landsins og betri kjara. Fólkið lét það ekki á sig fá að stjórnin hafði bannað umferð ökutækja, heldur hélt gangandi til mótmælanna. Sumir þurftu að ganga klukkustundum saman. Írakar hafa tekið sér til fyrirmyndar mótmælendur í ríkjum Norður-Afríku og Mið-Austurlanda, en stjórnvöld óttast að mótmælin fari úr böndunum.

Tugir friðargæsluliða látnir

Meira en fimmtíu friðargæsluliðar hafa látið lítið í átökum í Sómalíu síðan stórsókn gegn íslamistum hófst fyrir hálfum mánuði. Friðargæsluliðarnir eru í Sómalíu á vegum Afríkubandalagsins. Flestir hinna látnu eru frá Búrúndí og Úganda.