Útlit fyrir spennandi kosningar í Svíþjóð næsta sunnudag

Allt stefnir í hörkuspennandi endasprett í kosningabráttunni fyrir þingkosningarnar í Svíþjóð næsta sunnudag. Atvinnu- og efnahagsmál eru sett á oddinn og svo virðist sem kjósendur ætli ekki að refsa Þjóðarflokknum fyrir að brjótast inn á lokað vefsvæði jafnaðarmanna.

Ferðatöskumálið upplýst

Ferðataskan sem lögreglan í Kópavogi fann í gær með smókingfötum og öðrum fatnaði, er komin til eigenda sín. Ferðatöskunni hafði verið stolið úr ólæstri bifreið nokkrum dögum áður en eigandi töskunnar kom til lögrelunnar í dag og endurheimti fötin sín.

37 milljónir króna söfnuðust í Göngum til góðs

37 milljónir söfnuðust í landsöfnum Rauða kross Íslands, Göngum til góðs, um síðustu helgi. Það er tveimur milljónum krónum meira en safnaðist í söfnuninni fyrir tveimur árum.

Áformum um stóriðju verði slegið á frest

Samfylkingin vill að frekari áformum um stóriðju verði slegið á frest og náttúra landsins verði sett í forgang. Þetta kom fram á blaðamannafundi sem flokkurinn efndi til í dag þar sem ný umhverfisstefna var kynnt.

Gaf safninu ágrip úr dagbókum sínum frá stríðsárunum

Fyrrum breskur hermaður gaf í dag Íslenska stríðsminjasafninu á Reyðarfirði teikningar og ljósmyndir frá þeim tíma er hann dvaldist hér á landi við herskyldu fyrir sextíu og fimm árum. Hann segir mikið hafa breyst á þeim tíma en fjöllunum hafi hann þó aldrei gleymt.

Atvinnuleysi í ágúst 1,2 prósent

Eins komma tveggja prósenta atvinnuleysi mældist í ágústmánuði síðastliðnum samkvæmt nýjum tölum frá Vinnumálastofnun. Meðalfjöldi atvinnulausra var um 11 prósent minni í ágúst en í júlí og hefur atvinnulausum fækkað um þriðjung frá því í ágúst 2005.

Mikill meirihluti landsmanna fylgjandi atvinnuveiðum

Tæplega þrír fjórðu þjóðarinnar eru fylgjandi því að Íslendingar stundi hvalveiðar í atvinnuskyni samkvæmt nýrri könnun sem Capacent gerði fyrir Landssamband íslenskra útvegsmanna.

Seðlabankinn kynnir breytingu stýrivaxta á morgun

Seðlabanki Íslands hefur boðað til fundar með fjölmiðlum á morgun til þess að kynna ákvörðun bankastjórnar um stýrivexti. Stýrivextir eru nú 13,5% en þeir voru síðast hækkaðir þann 16. ágúst. Fundurinn fer fram í fundarsal bankans að Sölvhóli og hefst klukkan 11.

Kínverjinn farinn af landi brott

Kínverjinn, sem veitti sjálfum sér áverka í vinnubúðum á Kárahnjúkum 20. ágúst síðastliðinn, er farinn úr landi og hefur látið af störfum. Oddur Friðriksson, yfirtrúnaðarmaður verkalýðsfélaga á Kárahnjúkum, segir að maðurinn hafi farið af landi brott stuttu eftir að hann losnaði af sjúkrahúsi.

Náttúra landsins verði sett í forgang

Samfylkingin vill að frekari áformum um stóriðju verði slegið á frest og náttúra landsins verði sett í forgang. Þetta kom fram á blaðamannafundi sem flokkurinn efndi til í dag þar sem ný umhverfisstefna var kynnt.

Ótækt að Landsvirkjun starfi í skjóli ríkisábyrgðar

Varaformaður iðnaðarnefndar Alþingis telur ótækt að Landsvirkjun starfi í skjóli ríkisábyrgðar og vill að einkafyrirtækjum verði gert kleift að hanna og byggja virkjanir. þingmaður Samfylkingarinnar, segir ákaflega erfitt að hafa virka samkeppni á jafn litlum raforkumarkaði og íslenski raforkumarkaðurinn sé.

Ítrekað ekið á hæðarslár

Lögregla kvartar enn undan því að ekið sé á hæðarslár sem komið hefur verið fyrir á gatnamótum Suðurlandsvegar og Vesturlandsvegar. Síðdegis í gær var þrisvar ekið á hæðarslárnar þrátt fyrir að öllum eigi að vera ljóst að þar sé unnið að gerð mislægra gatnamóta.

Latibær verðlaunaður í Þýskalandi

Sjónvarpsþættirnir um Latabæ voru útnefndir eitt besta barnaefni í þýsku sjónvarpi á föstudaginn var. Verðlaunin sem kennd eru við EMIL, sem er þekkt persóna í TV Spielfilm, sjónvarps- og kvikmyndatímariti í Þýskalandi.

Ofsaakstur ógnar börnum á leið í skóla

Langflestir þeirra sem lögreglan hefur stöðvað vegna hraðaksturs í íbúðagötu í Breiðholtinu á síðustu dögum hafa verið á tvöföldum hámarkshraða. Lögreglan hefur þungar áhyggjur af ofsaakstri þar sem börn eru á leið í skóla.

Þrjú tonn af jarðvegi hreinsuð upp vegna olíuleka

Betur fór en á horfðist þegar á bilinu 100 til 150 lítrar af olíu láku úr vinnuvél sem var á ferðinni á Suðurlandsvegi við Hólmsá laust fyrir hádegi í dag. Olíuleiðsla í vélinni gaf sig en ekki liggur fyrir hvers vegna.

Tjaldvagni stolið í gær

Nokkuð var um þjófnaði í borginni í gær og var meðal annars tjaldvagni stolið fyrir utan höfuðstöðvar fyrirtækis í höfuðborginni. Segir í tilkynningu frá lögreglu að vagninn hafi fundist skömmu síðar en ekki liggi fyrir hvort vagninn hafi skemmst við flutningana.

Böðvar nýr aðstoðarmaður fjármálaráðherra

Böðvar Jónsson hefur verið ráðinn aðstoðarmaður Árna Mathiesen fjármálaráðherra og tekur hann við starfinu síðar í þessum mánuði. Böðvar leysir Ármann Kr. Ólafsson af hólmi en Ármann hefur gegnt starfi aðstoðarmanns ráðherra í ellefu ár, fyrst hjá Halldóri Blöndal samgönguráðherra og síðan hjá Árna Mathiesen í sjávarútvegs- og fjármálaráðuneyti.

Mengunarslys við Hólmsá

Mengunarslys varð við Hólmsá á tólfta tímanum í morgun, skammt frá vatnsverndarsvæði Reykjavíkur. Glussaslanga á vinnuvél virðist hafa rofnað með þeim afleiðingum að tugir ef ekki hundrað lítrar af glussa láku í jarðveginn. Slökkvilið var sent á vettvang vinnur nú að því að moka upp jarðveginum enda hætta á að glussinn spilli vatnsbólum Reykjavíkur.

Ekki sanngjarnt að fólk missi réttindin í nýrri vinnu

Flutningur réttinda launafólks á milli sjúkrasjóða í stéttarfélögum er sanngirnismál, það eru formenn ASÍ og BSRB sammála um. Mikill munur á bolmagni sjúkrasjóða í opinbera kerfinu og á almenna markaðnum kemur hins vegar í veg fyrir að launafólk fái réttindi sín flutt þegar það skiptir um vinnu frá hinu opinbera yfir á almenna markaðinn eða öfugt.

Má nota fjór- og sexhjól við hreindýraveiðar

Hreindýraleiðsögumaður var í fyrradag sýknaður í Héraðsdómi Austurlands af ákæru um ólöglega notkun fjórhjóls við veiðar. Þar með verður leiðsögumönnum á hreindýraveiðum framvegis heimilt að nota fjór- og sexhjól til að sækja felld dýr samkvæmt dómnum.

Atlantsolía lækkar bensínverð

Forráðamenn Atlantsolíu hafa ákveðið að lækka verð á bensínlítranum um eina krónu og kostar hann nú 121 krónu og 60 aura og 120 krónur og sextíu aura fyrir dælulyklahafa. Bensín hefur nú lækkað um tæpar 10 krónur síðan um miðjan júlí eftir því sem fram kemur í tilkynningu frá félaginu.

Flaggað í hálfa stöng í Bankastræti

Þeir sem leið áttu um Bankastrætið í morgunsárið hafa líklega tekið eftir breytingu í umhverfinu. Tólf bleikum fánum var nefnilega flaggað í hálfa stöng í ljósastaurum við götuna.

Viðskiptahalli 161 milljarður á síðasta ári

Viðskiptahalli síðasta árs reyndist 161 milljarður króna samkvæmt nýjum bráðabrigðatölum frá Hagstofu Íslands. Þar kemur fram að landsframleiðsla á árinu 2005 hafi verið 1.012 milljarðar og aukist um 7,5 prósent að raungildi frá fyrra ári.

Ferðataska full af fötum

Lögreglan í Kópavogi fann stóra ferðatösku á göngustíg í Fögrubrekkunni í gærkvöld. Í töskunni voru smókingföt og annar fatnaður, allt snyrtilega saman brotið. Enn er allt á huldu með eiganda töskunnar og fatnaðarins.

Ákveður fyrirkomulag framboðsmála í Kraganum

Kjördæmisráð Samfylkingarinnar í Suðvesturkjördæmi heldur í kvöld aðalfund þar sem ákveðið verður hvernig valið verði á lista flokksins fyrir komandi þingkosningar. Fyrir fundinn verður lögð tillaga frá stjórn kjördæmisráðsins sem gerir ráð fyrir svokölluðu flokksvali, það er að segja prófkjöri sem aðeins verður opið flokksmönnum.

Innflutningur á selskinnum inna EBS verði bannaður

Ályktunartillaga um að banna innflutning á selskinnum verður á næstunni lögð fram hjá Evrópusambandinu. Áralöng barátta dýraverndarsamtaka er þar að skila árangri, en hún hefur einkum beinst gegn selveiðum Kanadamanna.

Fundað vegna öldu umferðarslysa

Félagasamtök, ráðuneyti og stofnanir efna til borgarafunda samtímis á sjö stöðum á landinu á morgun klukkan 17.15 undir yfirskriftinni „Nú segjum við stopp!" Tilefni fundanna er sú alda umferðarslysa sem skollið hefur á landsmönnum að undanförnu.

Fluttur á slysadeild

Þyrla landhelgisgæslunnar sótti slasaðan mann sem dottið hafði af hestbaki við Gljúfurleiti, nærri Sultartangalóni, um sjöleytið í gærkvöld. Maðurinn meiddist á höfði en ekki er ljóst hversu alvarleg meiðslin eru.

Þyrla sótti slasaðan hestamann

Þyrla Landhelgisgæslunnar sótti slasaðan mann sem dottið hafði af hestbaki við Gljúfurleiti, nærri Sultartangalóni, um sjöleytið í gærkvöld. Maðurinn meiddist á höfði en ekki er ljóst hversu alvarleg meiðslin eru en hann var fluttur á gæsludeild Landspítalans.

Vöruskiptajöfnuður neikvæður um 11,6 milljarða

Vöruskiptajöfnuður var neikvæður um 11,6 milljarða króna í ágústmánuði og dregst heldur saman frá því í júlí, þegar vöruskiptahallinn var rúmir 19 milljarðar. Eldsneytisinnflutningur dregst þónokkuð saman frá fyrra mánuði, en sá innflutningur er afar sveiflukenndur.

Vatnsleki í íbúðarblokk í Kópavogi

Slökkvilið höfuðborgarsvæðisins var kallað úr á tíunda tímanum í kvöld vegna bilunar í heitavatnskrana í íbúðarblokk í Ástúni. Nokkuð mikið af heitu vatni hafði leikið úr einni íbúðinni og niður um þrjár hæðir en greiðlega gekk að stöðva lekann þegar slökkviliðsmenn voru komnir á staðinn. Einn íbúi brenndist lítillega þegar hann reyndi að stöðva lekann en hann kom sér sjálfur á slysadeild þar sem gert var að sárum hans.

Lögregla fann stóra ferðatösku

Lögreglan í Kópavogi fann stóra ferðatösku á göngustíg í Fögrubrekkunni í kvöld. Í töskunni voru smókingföt og annar fatnaður, allt snyrtilega saman brotið. Enn er allt á huldu með eiganda töskunnar og fatnaðarins. Ekki er ljóst hvort eigandanum hafi verið hent á dyr og töskunni á eftir honum en ef einhver saknar fata sinna þá getur sá hinn sami haft samband við lögregluna í Kópavogi.

Hreindýraleiðsögumaður sýknaður í Héraðsdómi Austurlands

Hreindýraleiðsögumaður var í gær sýknaður í Héraðsdómi Austurlands af ákæru um ólöglega notkun fjórhjóls við veiðar. Þar með verður leiðsögumönnum á hreindýraveiðum framvegis heimilt að nota fjór- og sexhjól til að sækja felld dýr samkvæmt dómnum.

Bann við innflutningi á selskinnum til umræðu á þingi ESB

Ályktunartillaga um að banna innflutning á selskinnum verður á næstunni lögð fram hjá Evrópusambandinu. Áralöng barátta dýraverndarsamtaka er þar að skila árangri, en hún hefur einkum beinst gegn selveiðum Kanadamanna. Dýraverndarsamtökin ætla að láta kné fylgja kviði og fara framá að einnig verði bönnuð sala á pelsum og öðrum tilbúnum flíkum úr selskinni.

Úrskurðaður í gæsluvarðhald

Annar mannanna tveggja, sem réðust að öryggisverði og starfsmanni Select í Fellahverfi aðfaranótt sunnudags, hefur verið úrskurðaður í gæsluvarðahald til föstudags. Hann hefur játað aðild sína í málinu en hann stakk öryggisvörðinn í bakið. Hinn maðurinn var látinn laus í dag eftir að yfirheyrslum lauk.

Vilja breyta lögum ef þörf er á

Þingmenn Samfylkingarinnar hafa beðið um fund í allsherjarnefnd til að ræða alvarlegar ásakanir um að réttarstaða barna hafi verið fyrir borð borin með mistökum í lagasetningu og skýrslutökum í dómshúsi en ekki í Barnahúsi. Helgi I. Jónsson, dómstjóri Héraðsdóms Reykjavíkur vísar gagnrýni forstjóra Barnaverndarstofu til föðurhúsanna og segir umdeilt hvort Barnahús geti talist hlutlaus vettvangur fyrir skýrslutöku á börnum sem sætt hafa kynferðislegu ofbeldi.

Segir starf matvælanefndar hafa klúðrast

Þingmaður Samfylkingarinnar segir skýrslu formanns matvælanefndar, um hvernig lækka eigi matvælaverð, staðfesta það sem áður hefur komið fram í skýrslu frá Hagfræðistofnun Háskólans. Landbúnaðarráðherra finnst hugmyndirnar fáránlegar og segir starf matvælanefndarinnar hafa klúðrast.

Hefur trú á sínum manni

Eyrún Huld Haraldsdóttir, kona Magna Ásgeirsonar, hefur fulla trú á sínum manni og telur að hann standi uppi sem sigurvegari í raunveruleikaþættinum Rockstar:Supernova. Hún er þakklát íslensku þjóðinni fyrir stuðninginn.

Fiskur í fyrirrúmi á hátíðinni Fiskirí

Matarhátíð tileinkuð fiski og öðru sjávarfangi verður haldin hátíðleg um næstu helgi. Það er sjávarútvegsráðuneytið og Klúbbur matreiðslumeistara sem standa að hátíðinni sem hlotið hefur nafnið Fiskirí.

Fundað vegna forvals Vinstri - grænna á höfuðborgarsvæðinu

Vinstri - grænir halda í kvöld kynningarfund fyrir félagsmenn vegna forvals fyrir komandi alþingiskosningar. Þar verða tillögur uppstillingarnefndar kynntar en þær gera ráð fyrir sameiginlegu forvali í Reykjavíkurkjördæmunum tveimur og Suðvesturkjördæmi. Gert er ráð fyrir forvali fyrir félagsmenn þann 11. nóvember næstkomandi og að framboðsfrestur sé til 27. október.

Ásta sækist eftir þriðja sætinu

Ásta Möller, þingmaður Sjálfstæðisflokksins, sækist eftir þriðja sætinu í prófkjöri sjálfstæðismanna í Reykjavíkurkjördæmunum tveimur fyrir komandi þingkosningar. Stjórn fulltrúaráðs flokksins hefur lagt til að prófkjör fari fram 27. og 28. október en það er í höndum fulltrúaráðsfundar að taka endanlega ákvörðun um það.

Vésteinn Ólason forstöðumaður nýrrar stofnunar

Þorgerður Katrín Gunnarsdóttir, menntamálaráðherra, hefur skipað Véstein Ólason í embætti forstöðumanns nýrrar Stofnunar Árna Magnússonar í íslenskum fræðum til 1. mars 2009, frá 12. september 2006 að fenginni umsögn stjórnar stofnunarinnar.

Getur vitjað hassmola á lögreglustöð

Lögreglan í Vestmannaeyjum hafði í ýmsu að snúast um helgina við að aðstoða fólk vegna ölvunarástands þess og vegna annarra atvika. Fram kemur á vef hennar að eitt fíkniefnamál hafi komið en einhver lánsamur fíkniefnaneytandi, eins og það er orðað, hafi gleymt hassmola sínum á borði inni á veitingastaðnum Lundanum.

Öðrum sleppt en hinn leiddur fyrir dómara

Lögregla hefur sleppt öðrum mannanna sem grunaðir eru um árásir á öryggisvörð og starfsmann á bensínstöð Skeljungs í Breiðholti aðfararnótt sunnudags. Hinn, sem grunaður er um að hafa stungið öryggisvörðinn í bakið, verður hins vegar leiddur fyrir dómara kl. 17 í dag þar sem farið verður fram á gæsluvarðhald yfir honum.

Tvær konur bítast um formannsembætti Heimdallar

Tvær ungar sjálfstæðiskonur hafa boðið sig fram í formannsembætti Heimdallar, félags ungra sjálfstæðismanna í Reykjavík, þær Erla Ósk Ásgeirsdóttir og Heiðrún Lind Halldórsdóttir. Stjórn Heimdallar verður kosin á aðalfundi félagsins sem verður haldinn eigi síðar en 1. október næstkomandi.