Ísrael í undan­úr­slit á kostnað Ís­lands

Slæm skotnýting varð íslenska liðinu að falli í þessum leik. Stelpurnar okkar hittu aðeins úr 20 af 40 vítaskotum og aðeins 3 af 28 þriggja stiga skotum.

Með svo slaka hittni var sigurinn aldrei að fara að skila sér og Ísrael vann öruggan tuttugu stiga sigur.

Rebekka Rut Steingrímsdóttir, leikmaður KR, var stigahæst hjá Íslandi með 26 stig. Hulda María Agnarsdóttir, leikmaður Njarðvíkur, var næst á eftir henni með 13 stig.

Ísland mun spila tvo leiki til viðbótar, um sæti 5-8 á mótinu, en á ekki lengur möguleika á að vinna sér inn sæti í A-deild á næsta ári.