Sport

Öflug sveit á Norður­landa­mótið

Valur Páll Eiríksson skrifar
Guðni Valur Guðnason er meðal þeirra sem fara á Norðurlandamótið utanhúss í Kaupmannahöfn næstu helgi.
Guðni Valur Guðnason er meðal þeirra sem fara á Norðurlandamótið utanhúss í Kaupmannahöfn næstu helgi. Getty/Patrick Smith

Nóg er um að vera hjá frjálsíþróttafólki Íslands næstu helgi þar sem tveir landsliðssveitir fara á tvö mót í Evrópu. Norðurlandamót annars vegar og Smáþjóðamót hins vegar.

Kastararnir Guðni Valur Guðnason, kringlukasti, og Hilmar Örn Jónsson, sleggjukasti, eru meðal þeirra sem fara á Norðurlandamótið í Kaupmannahöfn næstu helgi og sömu sögu er að segja af Guðrúnu Karítas Hallgrímsdóttur, sleggjukasti, og Ernu Sóleyju Gunnarsdóttur, kúluvarpi.

Eir Chang Hlésdóttir er meðal hlauparana sem halda til Kaupmannahafnar en mótið fer fram dagana 30.-31. maí. Hópinn má sjá á meðfylgjandi mynd.

ÍR á flesta fulltrúa í hópnum, sex talsins.

Önnur sveit fer á Smáþjóðamót, áskorendamótið í Mónakó, sömu helgi. Kolbeinn Höður Gunnarsson, Christina Alba Hafliðadóttir og Ísold Sævarsdóttir eru meðal þeirra sem fara til franska smáríkisins. Það mót fer fram þann 30. maí.

FH á flesta fulltrúa sem fara til Mónakó, sex talsins.

Frjálsar íþróttir

Mest lesið


Fleiri fréttir

Sjá meira


×

Mest lesið