Naumt tap hjá Íslendingaliðinu í fyrri úr­slita­leiknum

Andrea Jacobsen og Díana Dögg Magnúsdóttir skoruðu þrjú mörk en Elín Rósa Magnúsdóttir skoraði tvö mörk fyrir Blomberg-Lippe.

Leikurinn var hnífjafn milli þessara liða sem enduðu í 1. og 2. sæti deildarinnar.

Blomberg-Lippe náði þriggja marka forystu í fyrri hálfleik en Borussia Dortmund var fljótt að jafna stöðuna í seinni hálfleik. Heimakonur leiddu síðan með tveimur mörkum á lokamínútunni en Ona Pena minnkaði muninn í lokasókninni.

Blomberg-Lippe verður því einu marki undir þegar liðið tekur á móti Borussia Dortmund í seinni leik liðanna um næstu helgi.