Körfubolti

Blikar knúðu fram odda­leik

Ingvi Þór Sæmundsson skrifar
Vojtéch Novák (nr. 72) var stigahæstur í liði Breiðabliks gegn Sindra.
Vojtéch Novák (nr. 72) var stigahæstur í liði Breiðabliks gegn Sindra. vísir/ernir

Breiðablik vann öruggan sigur á Sindra, 90-80, í fjórða leik liðanna í úrslitum umspils um sæti í Bónus deild karla í kvöld. Liðin mætast í oddaleik á Höfn á fimmtudaginn.

Sindri gat tryggt sér sæti í efstu deild í fyrsta sinn með sigri í Smáranum í kvöld. En Blikar höfðu lítinn áhuga á því og sýndu tennurnar.

Vojtéch Novák skoraði 26 stig og tók sjö fráköst í liði Breiðabliks sem leiddi nánast allan tímann.

Myles Mccrary sækir að körfu Blika.vísir/ernir

Blikar voru fimm stigum yfir eftir 1. leikhluta, 28-23, og í hálfleik var munurinn sjö stig, 53-46.

Í 3. leikhluta skoruðu Sindramenn aðeins ellefu stig, gegn tuttugu stigum Blika sem voru í góðri stöðu fyrir lokaleikhlutann, 73-57. Þar löguðu gestirnir frá Höfn stöðuna aðeins en sigur heimamanna var ekki í hættu.

Það kemur í ljós á fimmtudaginn hvort Breiðablik eða Sindri leikur í Bónus deildinni á næsta tímabili.vísir/ernir

Fimm leikmenn Breiðabliks skoruðu tólf stig eða meira í leiknum. Blikar settu niður tólf þriggja stiga skot í 26 tilraunum (46 prósent) á meðan hittu Sindramenn aðeins úr átján prósent þriggja stiga skota sinna.

Jason Gigliotti skoraði 26 stig fyrir Sindra og tók sjö fráköst. Næstu menn voru aðeins með tólf stig.

Bónus-deild karla Breiðablik Sindri

Mest lesið


Fleiri fréttir

Sjá meira


×

Mest lesið