For­dómar í garð Haf­dísar á borð HSÍ: „Litið grafalvarlegum augum“

Köll úr stúkunni beintust að Hafdísi í upphafi síðari hálfleiks í leik liðanna í Vestmannaeyjum í fyrrakvöld. Handkastið greinir frá og birtir myndskeið af atvikinu.

Stuðningsmenn kalla þara að henni: „Hafdís elskar skæri“. Þar er vísað til kynlífs tveggja kvenmanna en Hafdís er samkynhneigð.

Handkastið segir köllin hafa vakið hörð viðbrögð á meðal Valsmanna. Þau séu niðrandi og skýrt dæmi um fordóma í garð samkynhneigðra.

ÍBV kann að eiga yfir höfði refsingu vegna málsins á grundvelli siðareglna HSÍ.

Sólveig Jónsdóttir, framkvæmdastjóri HSÍ, staðfesti í samtali við Vísi að málið hefði komið inn á borð sambandsins og væri í farvegi. Það fengi sitt ferli í kerfum sambandsins.

Hún tók fram að málið væri litið grafalvarlegum augum og að hvers kyns fordómar væru fordæmdir harðlega af sambandinu.

Valur vann leikinn í Eyjum með tveggja marka mun og leiðir einvígið 2-0. Valskonur geta því tryggt sér Íslandsmeistaratitilinn þegar liðin eigast við þriðja sinni að Hlíðarenda á laugardaginn kemur.