Sáu heims­met falla og slógu það skömmu síðar

Eliezer Adjibi, Marie-Eloise Leclair, Duan Asemota og Audrey Leduc opnuðu fyrsta heimsbikarmótið sem haldið hefur verið í Afríku, nánar tiltekið í borginni Gaborone í Botsvana.

Þau hlupu á tímanum 40,07 sekúndum og bættu þar með fyrra heimsmetið um 0,23 sekúndur. Kanada átti einnig fyrra heimsmetið eftir hlaup á 40,30 sekúndum á heimsmeistaramótinu í fyrra.

En aðeins tveimur sprettum síðar var komið að Jamaíku. Þar hlupu Ackeem Blake, Tina Clayton, Kadrian Goldson og Tia Clayton á 39,99 sekúndum. Þau bættu því nýslegna heimsmetið um 0,08 sekúndur og urðu fyrst í sögunni til að hlaupa á undir 40 sekúndum.

Þetta hlaup var það fyrsta á heimsbikarmóti þar sem keppendur hlupu til skiptis. Karl - kona - karl - kona, í stað tveggja kvenna til að byrja með og tveggja karla á endasprettinum. Hún Tia Clayton tryggði því heimsmetið með góðum endaspretti.

4x100 metra blandað boðhlaup er óalgengt og hefur ekki tíðkast á Ólympíuleikum til dæmis. Þar er keppt í 4x400 metra boðhlaupi í blönduðum flokki en 4x100 metra boðhlaupi karla annar vegar og kvenna hins vegar.