Haukar fá enn frekari liðs­styrk frá HK

Sigurður, sem er 24 ára línumaður, skoraði 99 mörk í Olís-deildinni í vetur. HK endaði í 8. sæti en féll úr leik fyrir Val, 2-0, í átta liða úrslitunum.

Á dögunum fengu Haukar Hjört Inga Halldórsson frá HK og nú hefur Sigurður farið sömu leið. HK hefur einnig misst Ágúst Guðmundsson til FH og Haukur Ingi Hauksson fór til Fram.

Haukar enduðu í 3. sæti Olís-deildarinnar og komust í undanúrslit úrslitakeppninnar þar sem þeir töpuðu fyrir FH, 3-1. Haukar urðu hins vegar bikarmeistarar fyrr í vetur.

Sigurður á bandarískan föður og hefur verið viðloðandi bandaríska landsliðið. Hann stefnir á að spila fyrir Bandaríkin á Ólympíuleikunum í Los Angeles eftir tvö ár.

„Klárlega. Ég held að það sé draumur allra íþróttamanna að geta kallað sig Ólympíufara. Þannig að það er klárlega eitthvað sem maður er að stefna að,“ sagði Sigurður í samtali við íþróttadeild í síðasta mánuði.