Deildarmeistari á þrí­tugs­af­mælinu: „Geð­veikur endir á geð­veikum degi“

„Þetta var geðveikur endir á geðveikum degi,“ sagði hún glöð í bragði þegar sigurinn var í höfn.

Sólrún var líka í banastuði á afmælisdaginn, setti þrjá þrista í röð í þriðja leikhluta og endaði með 13 stig.

„Mér fannst svona smá úrslitakeppnisstemning í kvöld. Þannig að það var smá stress fyrir leik en þetta eru skemmtilegustu leikirnir til að spila, þegar það er mikið undir. Mér leið vel inni á vellinum.“

Svo var viðeigandi að konan með KR-hárgreiðsluna skyldi vinna KR í úrslitaleik.

„Haha. Jú. Ég er reyndar búin að vera með þessa hárgreiðslu í eitt og hálft ár, svo það sé tekið fram. Þetta var ekki sett sérstaklega upp fyrir þennan leik.“

Sólrún og liðsfélagar hennar í Haukum gíra sig nú upp fyrir úrslitakeppnina þar sem þær mæta Stjörnunni í fyrstu umferð. Haukar vörðu deildarmeistaratitilinn í kvöld og gætu varið Íslandsmeistaratitilinn í vor.