Opinn fundur í utan­ríkis­mála­nefnd um ESB at­kvæða­greiðslu

Fundurinn hefst kl. 9:00 í Smiðju, Tjarnargötu 9. Fundurinn verður opinn fulltrúum fjölmiðla og almenningi á meðan húsrúm leyfir. Fundurinn er einnig í beinni útsendingu á Vísi, hér að neðan og á vef Alþingis og á sjónvarpsrás Alþingis.

Utanríkisráðherra hefur fyrir hönd ríkisstjórnar Íslands lagt fram á Alþingi tillögu til þingsályktunar sem gerir ráð fyrir að fram fari þjóðaratkvæðagreiðsla þann 29. ágúst 2026 um hvort halda skuli áfram aðildarviðræðum Íslands við Evrópusambandið (ESB).

Á vef stjórnarráðsins segir um atkvæðagreiðsluna að hún snúist um það hvort íslensk stjórnvöld eigi að halda áfram aðildarviðræðum Íslands við Evrópusambandið. Ef kjósendur svara spurningunni játandi fara aðildarviðræður í kjölfarið af stað og þegar og ef samningar nást mun sá samningur ganga til annarrar þjóðaratkvæðagreiðslu um hvort Ísland eigi að ganga í Evrópusambandið.