Innlent

Búið að opna veginn um Raknadalshlíð eftir flóðið

Gunnar Reynir Valþórsson skrifar
Vegurinn var opnaður aftur í morgun eftir flóðið sem féll síðdegis í gær. 
Vegurinn var opnaður aftur í morgun eftir flóðið sem féll síðdegis í gær.  Vilhelm

Vegurinn um Raknadalshlíð á Vestfjörðum var opnaður rétt eftir klukkan sjö í morgun en snjóflóð féll á hann síðdegis í gær. Dynjandisheiðin er lokuð og sömu sögu er að segja af Kleifarheiði.

Annars er snjóþekja víðast hvar á vegum á Vestfjörðum. Krapi er í Ísafjarðardjúpi og eitthvað er um hálku og flughált á Bjarnarfjarðarhálsi.

Á Norðurlandi er flughált á Öxnadalsheiði, Vatnsskarði og í Hörgárdal. Snjóþekja er í Hrútafirði en hálka eða hálkublettir víða á öðrum leiðum.

Á Austurlandi eru hálka og hálkublettir víða og krapi á Fagradal. Ófært er svo um Öxi og Breiðdalsheiði.

Á Suður- og Suðausturlandi er hálka og hálkublettir víða en snjóþekja eða krapi austan Hvolsvallar.

Færð á vegum Vesturbyggð

Mest lesið


Fleiri fréttir

Sjá meira


×

Mest lesið