Innlent

Reykur sást á flug­vallar­svæðinu

Eiður Þór Árnason skrifar
Ljósmyndin var tekin við Reykjavíkurflugvöll á tíunda tímanum í dag.
Ljósmyndin var tekin við Reykjavíkurflugvöll á tíunda tímanum í dag. aðsend

Minni háttar sinueldur kviknaði á Reykjavíkurflugvelli á ellefta tímanum og sást reykur stíga upp frá flugvallarsvæðinu. Búið er að slökkva eldinn en minnst fjórir sinueldar hafa komið upp á höfuðborgarsvæðinu á innan við sólarhring.

Varðstjóri hjá slökkviliðinu segir flugvallarstarfsmenn hafa mætt fyrstir á vettvang. Slökkviliðsmenn voru nýbúnir að sinna öðru útkalli í næsta nágrenni og gerðu sér í kjölfarið ferð á flugvöllinn. Starfsmenn Reykjavíkurflugvallar hafi að öllum líkindum náð tökum á eldinum. 

„Það er búið að slökkva þetta og þetta var algjörlega minniháttar,“ segir Stefán Kristinsson, varðstjóri hjá Slökkviliði höfuðborgarsvæðisins, í samtali við fréttastofu.

Slökkviliðið slökkti tvo sinubruna í Reykjavík og Garðabæ í nótt til viðbótar við eld sem logaði lengi í Hvalfirði í gær.  

Fréttin hefur verið uppfærð.

Slökkvilið Reykjavík Reykjavíkurflugvöllur Gróðureldar á Íslandi

Tengdar fréttir

Þrír sinu­eldar á innan við sólar­hring

Tveir sinueldar komu upp á höfuðborgarsvæðinu á öðrum tímanum í nótt en greiðlega gekk að slökkva eldana. Annar þeirra kviknaði í Norðlingaholti í Reykjavík og náði yfir um fimm hundruð metra langt svæði. Tveir dælubílar voru sendir á staðinn sem slökktu eldinn frá sitt hvorum enda.

Sinueldur barst í heyrúllur í Hvalfirði

Slökkviliðið á höfuðborgarsvæðinu vinnur að því að ráða niðurlögum sinuelds á landi Mela á Kjalarnesi. Eldurinn barst í heyrúllur en engin hætta er talin steðja að mannvirkjum.

Mest lesið


Fleiri fréttir

Sjá meira


×

Mest lesið