Ertu þremur mínútum frá drauma­starfinu?

Vinsælasta atvinnuleitin er alltaf að þróast

Íslendingar hafa um árabil gengið að því vísu að geta skoðað allflest atvinnutækifæri landsins á einum stað. „Þetta eru fágæt gæði sem við fáum öll að njóta og við hjá Alfreð erum meðvituð um ábyrgðina sem því fylgir að vera vinsælasta atvinnuleit landsins. Þess vegna erum við stöðugt að þróa nýjar og spennandi leiðir til að tengja saman fólk og fyrirtæki,“ segir Anna Katrín Halldórsdóttir, framkvæmdastjóri Alfreðs.

Hvort sem þú ert að leita að vinnu eða ert í starfi nú þegar þá er Hæfnileit Alfreðs frábær viðbót sem fjölgar tækifærum þínum á vinnumarkaði.

Hæfnileit Alfreðs breytir leiknum

„Hæfnileit Alfreðs er ný þjónusta sem e.t.v. mætti lýsa sem stafrænni vinnumiðlun.“ Hæfnileit reiðir sig ekki á atvinnuauglýsingar heldur geta fyrirtæki leitað beint í ört stækkandi hóp skráðra notenda. Anna Katrín telur að Hæfnileit muni hafa augljóst hagræði fyrir atvinnurekendur á komandi misserum og árum. „Með því að sigta út kandídata sem smellpassa við lýsingu á starfinu geta atvinnurekendur leitað uppi nákvæmlega rétta fólkið á skemmri tíma en hingað til hefur þekkst.“

Það segir sig sjálft að með því að hraða ferlinu frá starfsmannaleit til ráðningar geta fyrirtæki sparað verulegan tíma, fyrirhöfn og kostnað við úrvinnslu umsókna.

Áður óþekkt tækifæri á vinnumarkaði

Hæfnileit Alfreðs opnar nýja og spennandi möguleika. „Hvort sem þú ert að leita að vinnu eða ert í starfi nú þegar þá er Hæfnileit Alfreðs frábær viðbót sem fjölgar tækifærum þínum á vinnumarkaði,“ segir Anna Katrín. Hingað til hafa notendur Alfreðs aðeins getað sótt um auglýst störf en með því að skrá sig í Hæfnileit Alfreðs bjóðast þeim jafnframt störf sem ekki eru auglýst. „Hver veit nema draumastarfið sé að leita að þér núna án þess að það sé nokkurs staðar auglýst?“

Fyrir okkur er þó alltaf mikilvægast að halda áfram að þróa og finna bestu leiðirnar til að svara þörfum atvinnulífsins.

Einfalt og fljótlegt að uppfæra prófílinn

Fyrir núverandi notendur Alfreðs þá er einfalt og fljótlegt að uppfæra prófílinn sinn á Alfreð til að vera með í Hæfnileit. Það þarf ekki að taka mikið meira en þrjár mínútur. „Það er reyndar leitun að þeim sem ekki eru með prófíl á Alfreð nú þegar,“ segir Anna Katrín. Og ef þú hefur áhuga á að skrá þig í Hæfnileit þá getur þú byrjað núna strax með því að smella hér.

Alfreð horfir til framtíðar

Í dag er Alfreð miklu meira en bara vettvangur fyrir auglýsingar. Fyrirtækið hefur fært út kvíarnar í vöruframboði og þjónustu auk þess sem vörumerkið er komið á heimskortið með starfsemi í fimm löndum. „Fyrir okkur er þó alltaf mikilvægast að halda áfram að þróa og finna bestu leiðirnar til að svara þörfum atvinnulífsins. Við trúum því að Hæfnileit Alfreðs sé enn eitt skrefið í átt að því að auðvelda fólki og fyrirtækjum að finna hvert annað,“ segir Anna Katrín að lokum.