Golf

Stór­sér á stjörnunni eftir leik­fang dótturinnar

Óskar Ófeigur Jónsson skrifar
Justin Thomas með dóttur sína Molly en það stórsér á honum.
Justin Thomas með dóttur sína Molly en það stórsér á honum. @justinthomas34

Bandaríski atvinnukylfingurinn Justin Thomas er nýkominn í smá frí eftir að keppnistímabilinu lauk en er strax búinn að meiða sig.

Það hafði þó ekkert með golfkúlur eða golfkylfur að gera. Hinn 32 ára gamli Thomas meiddi sig við að leik við dóttur sína.

Thomas giftist Jillian Wisniewski árið 2022 og þau eignuðust dótturina Molly í fyrra.

Molly á leikfang með sogskálum á og Thomas sýndi fram á það að þær geta verið slysagildra.

Eiginkonan sýndi myndband á samfélagsmiðlum þar sem önnur sogskálin hafði skilið eftir rauðan blett á enni Thomas.

„Til hamingju með þennan fimmtudag,“ skrifaði Thomas við myndbandið.

„Áttuð þið ekki öll góðan miðvikudag. Hann var í að minnsta góður hjá mér ...,“ skrifaði Thomas og bætti við pabbalífið.

„Molly og leikfangið eitt, Justin, stórt og feitt núll,“ sagði Thomas í myndbandinu sem má sjá hér fyrir neðan.

Meiðsli Thomas eru þó ekki það alvarleg að hann missi af Ryderbikarnum í lok þessa mánaðar. Þá hefði þetta auðvitað ekki verið eins fyndið og meira sorglegt.




Fleiri fréttir

Sjá meira


×