54 prósent líkur á að stelpurnar okkar komist í átta liða úr­slitin á EM

Íslenska kvennalandsliðið er með á fimmta Evrópumótinu í röð og okkar lið er í hópi þeirra liða á mótinu þar sem það eru meiri líkur en minni að það komist upp úr sínum riðli.

Sky Sports í Þýskalandi segir frá útreikningum Opta en mestar líkur eru að heimsmeistarar Spánar verði Evrópumeistarar.

Íslenska liðinu eru gefnar 54,1 prósent líkur á því að komast upp úr riðlinum og þar með í átta liða úrslitin.

Íslenska liðið er í tíunda sæti meðal þeirra sextán þjóða sem taka þátt að þessu sinni. Ekkert lið í íslenska riðlinum er meðal þeirra átta efstu í líkindareikningi Opta.

Ísland er í riðli með Noregi (63,7 prósent að komast í átta liða úrslit), Sviss (45,6 prósent) og Finnlandi (36,6 prósent) og það eru því aðeins Norðmenn sem eru með hærri líkur á sæti í átta liða úrslitunum.

Íslensku stelpurnar eru síðan með 21,2 prósent líkur á því að komast í undanúrslitin, 6,5 prósent líkur á því að spila til úrslita og það eru aðeins 2,1 prósent líkur á því að íslenska liðið verði Evrópumeistari.

Hér fyrir neðan má sjá allan líkindaútreikning Opta.