Ástardúett Stuðmanna í nýjum búning

„Þetta var upprunalega hugmynd frá Steinunni Reykjavíkurdóttur. Ég nefndi þetta við Júlí og hann var bara: Já! Gerum þetta. Og við gerðum þetta bara nokkrum dögum síðar,“ segir Þórdís Björk í samtali við Ívar Guðmundsson á Bylgjunni í dag. 

Lagið Ástardúett var upprunalega flutt í bíómyndinni Með allt á hreinu frá 1982, sem hefur óumdeilanlega fest sig í sessi sem ein ástsælasta mynd íslenskrar kvikmyndasögu.

„Við horfðum einmitt á myndina þegar við vorum búin að taka upp lagið, og þetta er náttúrlega költ klassík. Þetta er lítið fræ af því að við bíðum eftir að söngleikurinn verði settur upp,“ segir Þórdís og Júlí tekur undir. 

„Við gefum kost á okkur í aðalhlutverkin í þar,“ segir Júlí.

Hægt er að hlusta á viðtalið og ábreiðuna hér að neðan. Lagið hefst eftir sex og hálfa mínútu.