Braust inn í í­búð í Laugar­dalnum og allir voru heima

Þetta er á meðal þess sem fram kemur í dagbók lögreglunnar á höfuðborgarsvæðinu í dag. Á sjötta tímanum í dag voru þrír í fangageymslu lögreglunnar en alls eru 49 mál skráð í kerfinu á milli klukkan fimm í morgun og fram til klukkan fimm síðdegis.

Tilkynnt var um líkamsárás í miðborginni. Árásarmaðurinn var í annarlegu ástandi. Hann var handtekinn og vistaður í fangageymslu.

Lögreglumenn á lögreglustöð tvö sem sinnir verkefnum í Hafnarfirði og Garðabæ sinntu umferðareftirliti. Tveir ökumenn voru stöðvaðir í hverfi 210 sem reyndust vera með útrunninn ökuréttindi. Þá var ökumaður stöðvaður í hverfi 2020 á 117 kílómetra hraða þar sem hámarkshraðinn var 80 kílómetrar á klukkustund.