Lífið

Í sjokki að sonurinn hafi verið á typpinu

Dóra Júlía Agnarsdóttir skrifar
Fegðarnir Arnold Schwarzenegger og  Patrick Schwarzenegger hafa báðir komið naktir fram.
Fegðarnir Arnold Schwarzenegger og Patrick Schwarzenegger hafa báðir komið naktir fram. Kevin Mazur/Getty Images for Planet Hollywood

Leikarinn og vaxtaræktargoðsögnin Arnold Schwarzenegger fékk vægt áfall við að sjá Patrick son sinn nakinn á skjánum. Patrick fór með stórt hlutverk í nýjustu seríu af hinum gríðarlega vinsælu þáttum White Lotus. 

Í seríunni sem gerist á lúxushóteli á Taílandi leikur Patrick hinn spillta Saxton Ratliff, ungan mann úr gríðarlega ríkri fjölskyldu. Í einu atriði kemur Patrick kviknakinn fram og kom það föður hans í opna skjöldu. 

„Rassinn var þarna og svo allt í einu snýrðu þér við og ég vissi ekki hvert ég ætlaði, mér brá,“ sagði Arnold við son sinn í spjalli hjá Variety. 

„Fyrst fannst mér algjör bilun að þú hafir ákveðið að afhjúpa þig svona en svo mundi ég að ég hafði gert slíkt hið sama, bæði í Conan og Terminator myndunum, þannig ég ætla ekki að fara að kvarta yfir þessu. En það var sjokk fyrir mig að sjá að þú værir að feta svona nákvæmt í mín spor,“ bætti faðirinn kíminn við. 

Þrátt fyrir þetta litla sjokk var Arnold yfir sig stoltur af frammistöðu sonar síns.

„Þessi leikur hjá þér kom mér gríðarlega mikið á óvart. Ég kannaðist ekki við þig. Ég var algjörlega agndofa. Nú er fólk alltaf að koma upp að mér í ræktinni að segja mér hvað sonur minn sé stórkostlegur.“






Fleiri fréttir

Sjá meira


×


Tarot dagsins

Dragðu spil og sjáðu hvaða spádóm það geymir.