Innlent

Ó­veður, yfir­lið á tón­leikum og málahali

Sunna Sæmundsdóttir skrifar
Telma Tómasson les kvöldfréttir í kvöld.
Telma Tómasson les kvöldfréttir í kvöld. Vilhelm

Óvissustigi Almannavarna hefur verið lýst yfir vegna norðanáhlaups sem spáð er næsta sólarhringinn. Búist er við samgöngutruflunum og fólk er hvatt til að fylgjast vel með veðurspám. Við ræðum við bónda sem er að búa sig undir veðrið og verðum í beinni frá Vegagerðinni í kvöldfréttum Stöðvar 2.

Viðbragsaðilar funduðu í morgun með rekstraraðilum Laugardalshallar vegna stórtónleika FM95BLÖ þar sem fjöldi manns var hætt kominn vegna skipulags. Við ræðum við slökkviliðsstjóra sem segir mikilvægt að læra af málinu og hittum tónleikagest sem leið yfir.

Þá verðum við í beinni frá Alþingi, þar sem fjöldi stórra og umdeildra mála bíður nú þegar styttist í þinglok. Við heyrum í þingflokksformönnum og förum yfir það sem út af stendur. Við sjáum einnig myndir frá Sikiley þar sem ferðamenn þurftu að hlaupa undan eldgosi í dag og kíkjum í Hafnarfjörð þar sem VÆB-bræður tróðu upp fyrir grunnskólanema sem ætla að leggja símanum í sumar.

Við hittum einnig þjálfara og fyrirliða kvennalandsliðsins sem stefna á sigur gegn Frökkum og í Íslandi í dag ræðir Sindri Sindrason við Bjarna Hafþór sem glímir við Parkison en segir mikilvægt að nýta dagana vel og halda í gleðina.




Fleiri fréttir

Sjá meira


×