Elliði Snær og Teitur Örn höfðu betur gegn Andra Má

Fór það svo að lærisveinar Guðjóns Vals Sigurðssonar í Gummersbach unnu lærisveinar Rúnars Sigtryggssonar í Leipzig með eins mjóum mun og mögulegt var, lokatölur 32-31.

Elliði Snær Viðarsson skoraði fjögur mörk í liði Gummersbach á meðan Andri Már Rúnarsson skoraði sjö mörk fyrir Leipzig og gaf eina stoðsendingu. Teitur Örn Einarsson skoraði úr eina skoti sínu fyrir Gummersbach.

Ýmir Örn Gíslason skoraði þrjú mörk í fjögurra marka útisigri Göppingen, lokatölur 21-25.

Gummersbach er í 7. sæti með 38 stig, Leipzig er í 12. sæti með 21 stig líkt og Göppingen sem er sæti neðar.