Iðnaðar­maður ársins 2025 - Þór er kominn í úr­slit

Þór svarar hér nokkrum laufléttum spurningum:

Hvernig ertu í annarri iðn? Næ að redda mér vel í öllum byggingariðnaði en ekki fá mig að klippa hár...

Værir þú liðtækur á 6 véla settið frá Sindra? Heldur betur.

Uppáhalds hljómsveitin þín? Kaleo.

Besti skyndibitinn? Taimatstofan í bláu húsunum í Skeifunni.

Ertu með staðlað svar þegar ættingjarnir vilja fá þig til að “laga smá”? „...Kemst eiginlega ekki fyrr en eftir viku eða tvær."

Kaffi eða orkudrykkir? Orkudrykkir.

Leiðinlegasta húsverkið? Skjótast að skipta um gaskút undir grillinu.

Ef þú værir ekki pípari hvað værir þú þá? Í einhverju líkamlegu þar sem ég þarf ekki að sitja á rassinum allan daginn.

Uppáhalds drykkur? Heilaga sjöan (7up free).

Hvað fer í mest taugarnar á þér? Úff United.

Besti staður á Íslandi? Saunan í líkamsræktinni Hreyfing kom fyrst upp í hugann.

Heitur brauðréttur eða brauðterta? Brauðréttur.

Hlustar þú á X977 í Peltor eða Airpods? Ég nota Bose QC þegar X-ið er ekki í botni á Soundboxinu.

Stáltá eða strigaskór? Ef aðstæður leyfa kýs ég strigaskó frekar.

Tommustokkur eða málband? Tommustokkur.

Hvert er þitt stærsta afrek sem iðnaðarmaður? Vá erfið spurning, maður hefur komið að mörgum hlutum en að varðveita húsin í Grindavík eftir gosvirknina kemur meðal annars upp í hugann.

En stærsta klúður? ...Pass.

Hefurðu komist í gegnum fermingarveislu án þess að einhver fari að tala um það sem er bilað heima…hvort þú getir kannski kíkt á það? „…Hef ekki verið duglegur að mæta í fermingarveislur, mögulega út af því."

Kosningin er í fullum gangi hér á Vísi og hægt að kjósa sinn uppáhalds iðnaðarmann hér: