Helena krýnd Ung­frú Ís­land

„Móðir mín er mín stærsta fyrirmynd í lífinu, ekki bara hefur hún kennt mér svo mikið en hún hefur alltaf hvatt mig til að elta draumana mín. Á eftir henni lít ég einnig mikið upp til Vigdísar Finnbogadóttur sem fyrsta lýðræðislega kosna kvenkyns þjóðarleiðtoga heims. Úr tískuheiminum lít ég upp til og fæ innblástur frá Rosie HuntingtonWhitely,“ sagði Helena í viðtali við Vísi í aðdraganda keppninnar.

Þær stúlkur sem náðu í topp fimm í keppninni voru þær, Helena Hafþórsdóttir O’ Connor eða Ungfrú Viðey, Dimmey Rós Lúðvíksdóttir eða Ungfrú Digranes, Kristín Anna Jónasdóttir eða Ungfrú Reykjavík, Kamilla Guðrún Lowen eða Ungfrú Hafnarfjörður og Guðrún Eva Hauksdóttir, eða Ungfrú Esja.

Dimmey Rós var í fimmta sæti, Kristín Anna í fjórða sæti, Kamilla Guðrún í þriðja sæti og Guðrún Eva í því öðru. 

Veittir voru ýmsir aukatitlar í keppninni

• Katla Fitness Stúlkan er Ungfrú Garðabær, Halldóra Hlíf Þorvaldsdóttir
• Marc Inbane stúlkan er Ungfrú Viðey, Helena Hafþórsdóttir O‘Connor
• Tree Hut stúlkan er Ungfrú Hafnarfjörður, Kamilla Guðrún Lowen
• Blondie stúlkan er Ungfrú Digranes, Dimmey Rós Lúðvíksdóttir
• Wagtail stúlkan er Ungfrú Hafnarfjörður, Kamilla Guðrún Lowen
• Mac stúlkan er Ungfrú Viðey, Helena Hafþórsdóttir O‘Connor
• Define the Line stúlkan er Ungfrú Hafnarfjörður, Kamilla Guðrún Lowen
• Fyrirsætan er Ungfrú Digranes, Dimmey Rós Lúðvíksdóttir
• Netstúlkan, valin af fólkinu, er Ungfrú Vesturland, Regína Lea Ólafsdóttir
• Vinsælasta stúlkan er Ungfrú Reykjavík, Kristín Anna Jónasóttir
• Fyrirmyndarstúlkan er Ungfrú Keflavík, Móeiður Sif Skúladóttir

Keppnin fór fram í Gamla bíó í kvöld og var í beinu streymi á Vísi og Stöð 2 Vísi. Keppendur voru tuttugu talsins og á aldrinum 18 til 36 ára. Sóldís Vala Ívarsdóttir, Ungfrú Ísland 2024, krýndi arftaka sinn, en Sóldís keppti fyrir Íslands hönd í keppninni Miss Universe sem fór fram í Mexíkó í fyrra.

Dómnefndin var skipuð fimm konum með ólíkan bakgrunn, þeim Ragnheiði Ragnarsdóttur, leikkonu og Ólympíufara, Sólrúnu Lilju Diego áhrifavaldi, Brynju Dan Gunnarsdóttur, athafnakonu og frumkvöðli, Elísabet Huldu Snorradóttur, Ungfrú Ísland 2020, og Hönnu Rún Bazev Óladóttur atvinnudansara.