Ragnar um biðlaun annars formanns: „Hvað gerir þessa gæðinga að svo miklu betri mönnum en okkur?“ Samúel Karl Ólason skrifar 26. febrúar 2025 17:48 Ragnar Þór Ingólfsson, fyrrverandi formaður VR. Visir/Vilhelm Skömmu áður en hann var fyrst kjörinn í stjórn VR gagnrýndi Ragnar Þór Ingólfsson, fyrrverandi formaður félagsins, annan fyrrverandi formann harðlega fyrir að þiggja biðlaun. Það var eftir að Gunnar Páll Pálsson tapaði kosningum um embætti formanns VR og fékk sjö milljónir í biðlaun. Hluti stjórnar VR hefur sent frá sér yfirlýsingu þar sem rúmlega tíu milljón króna biðlaun Ragnars eru gagnrýnd, sérstaklega þar sem hann hafi farið beint úr starfinu í annað launað starf, starf þingmanns. Það sé einsdæmi að fráfarandi formaður fari í annað launað starf. „Hvað eru ofurlaun og hvað eru starfslokasamningar? Semja menn um starfslok þegar þeir byrja að vinna? Hvar er línan sem skilur á milli?“ Þetta skrifaði Ragnar Þór á bloggsíðu sína þann 28. mars 2009. Skrifin voru vegna frétta um að Gunnar Páll Pálsson, sem hætti sem formaður VR það sama ár, hefði fengið um sjö milljónir króna í starfslokasamning. Ragnar Þór sagði það kannski ekki virka sem brjálæðislega upphæð, miðað við „geðveikina sem í gangi var á góðæristímum“ en setti hana í það samhengi að verkamaður væri um þrjú ár að vinna sér inn fyrir þessari upphæð. „Hvernig getur verkalýðsforystan barist á móti ofurlaunum og starfslokasamningum þegar hún er sjálfri sér verst í þeim efnum. Ofurlaun í lífeyrissjóðskerfinu hafa verið mikið í umræðunni enda sitja forkálfar verkalýðsforystunnar þar í stjórnum og ákveða forstjóra og stjórnarlaun,“ skrifaði Ragnar Þór. Hann sagði einnig að mál Gunnars væri ekkert einsdæmi. Stjórnarmenn í Lífeyrissjóði verslunarmanna væru með 172.500 krónur á mánuði fyrir að sitja fundi. Þetta væri fimmtungi hærri upphæð en ætlast væri til að sjóðfélagi lifi á á mánuði eftir atvinnumissi. „Hvað gerir þessa gæðinga að svo miklu betri mönnum en okkur? Af hverju eiga þessir menn svo miklu betra skilið en við hin? Verkalýðsforystan þarf að fara í alvarlega naflaskoðun.“ Peningarnir í neyðarsjóð Í gær kom í ljós að þegar Ragnar hætti sem formaður VR og tók sæti á Alþingi fyrir Flokk fólksins, þáði hann rúmlega tíu milljónir í biðlaun og uppsafnað orlof. Var greiðslan í samræmi við ráðningarsamning frá árinu 2017 og mun hann vera sambærilegur samningum við fyrri formenn VR. Ragnar Þór var kosinn í stjórn VR vorið 2009 og varð hann formaður árið 2017, þangað til í desember. Hann sagði í samtali við fréttastofu í gær að peningarnir fari í neyðarsjóð fjölskyldunnar, sökum þess að framlínufólk verkalýðsbaráttunnar eigi oft erfitt á vinnumarkaði eftir að það hættir að starfa fyrir verkalýðsfélögin. Segja stjórnarmeðlimi hafa reynt að koma í veg fyrir fund um málið Hluti stjórnar VR sendi í dag frá sér yfirlýsingu vegna umræðunnar um biðlaun, þar sem segir að staðreyndir hafi orðið undir í umræðunni. Almennt hafi formenn VR notið réttinda til biðlauna og að síðastliðna tvo áratugi hafi formenn félagsins látið af störfum eftir að hafa tapað kosningum. Einsdæmi sé að formaður segi starfi sínu lausu til að taka við öðru launuðu starfi og réttindi til biðlauna hafi „ekki verið hugsuð fyrir slík tilfelli“. Enginn fyrirvari hafi verið í samningnum sem gerður var við Ragnar Þór árið 2017, eins og í samningum fyrri formanna. „Fyrrverandi formaður óskaði eftir eingreiðslu á útistandandi biðlaunum í janúar og fékk hana greidda síðustu mánaðamót.“ Í yfirlýsingunni segir að málið hafi ekki verið tekið fyrir í stjórn og nokkrir í stjórninni hafi óskað eftir aukafundi í síðustu viku, þegar þeir fengu veður af eingreiðslunni. Þá segir í yfirlýsingunni að fimm meðlimir stjórnarinnar og einn varamaður hafi reynt eftir fremsta megni að stöðva þann fund. Hann hafi þó farið fram þann 24. febrúar og þá hafi stjórnin öll fengið þessar upplýsingar. „Undirrituð taka undir gagnrýni á að fyrrum formaður þiggi samtímis laun frá Alþingi og VR, ekki síst þar sem hann hefur verið gagnrýninn á aðra einstaklinga sem hafa þegið biðlaun,“ segir í yfirlýsingunni. Sjá einnig: Brugðist við biðlaunum Ragnars Þórs Undir yfirlýsinguna skrifa þau Diljá Ámundadóttir Zoega, Gabríel Benjamin, Jennifer Schröder, Kristjana Þorbjörg Jónsdóttir, Ólafur Reimar Gunnarsson, Sigríður Lovísa Jónsdóttir, Svanhildur Ólöf Þórsteinsdóttir, Vala Ólöf Kristinsdóttir og Þórir Hilmarsson. Stjórn VR hefur samkvæmt yfirlýsingunni ákveðið að í framtíðinni falli biðlaunaréttindi formanna niður, hverfi þeir til annarra starfa. Þá er ítrekað í yfirlýsingunni að núverandi formaður VR hafi ekki komið að ákvörðuninni um laun, biðlaun eða uppgjörið við Ragnar Þór. Kjaramál Formannskjör í VR 2025 Stéttarfélög Mest lesið Segir andúð meiri í garð Miðflokksmanna en trans fólks Innlent Kína sendir skilaboð til Bandaríkjanna og Trump svarar um hæl Erlent Rannsaka stórfellda líkamsárás í Seljahverfi Innlent Drekinn beraði vígtennurnar Erlent Keyrðu hratt á hjólreiðastíg og tóku fram úr reiðhjólamönnum á háannatíma Innlent Vegaframkvæmdir við Höfðabakka valdi bæði umferðaröngþveiti og töfum Innlent Tók dóttur sína og erfingja með til Kína Erlent Svikahrappur bankaði upp á og hafði peninga af eldri borgurum Innlent Þriggja mánaða bið eftir greftrun: „Þetta var óbærilegur yfirgangur“ Innlent Felldu ellefu í árás á bát meintra smyglara frá Venesúela Erlent Fleiri fréttir „Það skiptir máli að vera í réttu bandalagi“ Svikahrappurinn gripinn glóðvolgur og grunaður um fleiri svik Eitt kynferðisbrot tilkynnt til lögreglu eftir Þjóðhátíð Stuðningurinn við Úkraínu beintengdur öryggi Íslands Dregið hefur úr skriðuhættu Gervigreindin taki undir ranghugmyndir og skorti næmni Svikahrappur bankaði upp á og hafði peninga af eldri borgurum Afsala hollvinasamtökum félagsheimilinu á Flateyri Leita enn manna eftir að hnífur var dreginn upp í Breiðholti Skýra mætti lög um útfarir til að koma í veg fyrir óvissu Vill skylda þá sem sæta nálgunarbanni til að bera ökklabönd Segir andúð meiri í garð Miðflokksmanna en trans fólks Kristrún í Kaupmannahöfn með Selenskí og fleirum Hundruð sprengjusérfræðinga koma saman á Íslandi Húðin gleymi engu og ekki hægt að taka til baka skaðann sem er skeður Kristrún fundar með Selenskí og öðrum leiðtogum í dag Heimilisofbeldi og umsátur varði samfélagið allt Rannsaka stórfellda líkamsárás í Seljahverfi Vegaframkvæmdir við Höfðabakka valdi bæði umferðaröngþveiti og töfum Enn eigi margir eftir að gera upp hug sinn um aðildarviðræður Vonast til að uppsagnir leiði ekki til flutnings fólks af svæðinu Laugarnestangi skrefi nær friðlýsingu Bjarnhólastígur gata ársins í Kópavogi Keyrðu hratt á hjólreiðastíg og tóku fram úr reiðhjólamönnum á háannatíma Vonbrigði að tillögu um símabann og samræmd próf hafi verið vísað frá Regnbogafánar víða við hún: Umræðan „grátbrosleg en samt grafalvarleg“ Þriggja mánaða bið eftir greftrun: „Þetta var óbærilegur yfirgangur“ „Borgarstjórn stendur með trans fólki og hinsegin samfélaginu öllu“ „Það logar allt í hinsegin samfélaginu“ Beið í marga mánuði eftir að jarða móður sína Sjá meira
Hluti stjórnar VR hefur sent frá sér yfirlýsingu þar sem rúmlega tíu milljón króna biðlaun Ragnars eru gagnrýnd, sérstaklega þar sem hann hafi farið beint úr starfinu í annað launað starf, starf þingmanns. Það sé einsdæmi að fráfarandi formaður fari í annað launað starf. „Hvað eru ofurlaun og hvað eru starfslokasamningar? Semja menn um starfslok þegar þeir byrja að vinna? Hvar er línan sem skilur á milli?“ Þetta skrifaði Ragnar Þór á bloggsíðu sína þann 28. mars 2009. Skrifin voru vegna frétta um að Gunnar Páll Pálsson, sem hætti sem formaður VR það sama ár, hefði fengið um sjö milljónir króna í starfslokasamning. Ragnar Þór sagði það kannski ekki virka sem brjálæðislega upphæð, miðað við „geðveikina sem í gangi var á góðæristímum“ en setti hana í það samhengi að verkamaður væri um þrjú ár að vinna sér inn fyrir þessari upphæð. „Hvernig getur verkalýðsforystan barist á móti ofurlaunum og starfslokasamningum þegar hún er sjálfri sér verst í þeim efnum. Ofurlaun í lífeyrissjóðskerfinu hafa verið mikið í umræðunni enda sitja forkálfar verkalýðsforystunnar þar í stjórnum og ákveða forstjóra og stjórnarlaun,“ skrifaði Ragnar Þór. Hann sagði einnig að mál Gunnars væri ekkert einsdæmi. Stjórnarmenn í Lífeyrissjóði verslunarmanna væru með 172.500 krónur á mánuði fyrir að sitja fundi. Þetta væri fimmtungi hærri upphæð en ætlast væri til að sjóðfélagi lifi á á mánuði eftir atvinnumissi. „Hvað gerir þessa gæðinga að svo miklu betri mönnum en okkur? Af hverju eiga þessir menn svo miklu betra skilið en við hin? Verkalýðsforystan þarf að fara í alvarlega naflaskoðun.“ Peningarnir í neyðarsjóð Í gær kom í ljós að þegar Ragnar hætti sem formaður VR og tók sæti á Alþingi fyrir Flokk fólksins, þáði hann rúmlega tíu milljónir í biðlaun og uppsafnað orlof. Var greiðslan í samræmi við ráðningarsamning frá árinu 2017 og mun hann vera sambærilegur samningum við fyrri formenn VR. Ragnar Þór var kosinn í stjórn VR vorið 2009 og varð hann formaður árið 2017, þangað til í desember. Hann sagði í samtali við fréttastofu í gær að peningarnir fari í neyðarsjóð fjölskyldunnar, sökum þess að framlínufólk verkalýðsbaráttunnar eigi oft erfitt á vinnumarkaði eftir að það hættir að starfa fyrir verkalýðsfélögin. Segja stjórnarmeðlimi hafa reynt að koma í veg fyrir fund um málið Hluti stjórnar VR sendi í dag frá sér yfirlýsingu vegna umræðunnar um biðlaun, þar sem segir að staðreyndir hafi orðið undir í umræðunni. Almennt hafi formenn VR notið réttinda til biðlauna og að síðastliðna tvo áratugi hafi formenn félagsins látið af störfum eftir að hafa tapað kosningum. Einsdæmi sé að formaður segi starfi sínu lausu til að taka við öðru launuðu starfi og réttindi til biðlauna hafi „ekki verið hugsuð fyrir slík tilfelli“. Enginn fyrirvari hafi verið í samningnum sem gerður var við Ragnar Þór árið 2017, eins og í samningum fyrri formanna. „Fyrrverandi formaður óskaði eftir eingreiðslu á útistandandi biðlaunum í janúar og fékk hana greidda síðustu mánaðamót.“ Í yfirlýsingunni segir að málið hafi ekki verið tekið fyrir í stjórn og nokkrir í stjórninni hafi óskað eftir aukafundi í síðustu viku, þegar þeir fengu veður af eingreiðslunni. Þá segir í yfirlýsingunni að fimm meðlimir stjórnarinnar og einn varamaður hafi reynt eftir fremsta megni að stöðva þann fund. Hann hafi þó farið fram þann 24. febrúar og þá hafi stjórnin öll fengið þessar upplýsingar. „Undirrituð taka undir gagnrýni á að fyrrum formaður þiggi samtímis laun frá Alþingi og VR, ekki síst þar sem hann hefur verið gagnrýninn á aðra einstaklinga sem hafa þegið biðlaun,“ segir í yfirlýsingunni. Sjá einnig: Brugðist við biðlaunum Ragnars Þórs Undir yfirlýsinguna skrifa þau Diljá Ámundadóttir Zoega, Gabríel Benjamin, Jennifer Schröder, Kristjana Þorbjörg Jónsdóttir, Ólafur Reimar Gunnarsson, Sigríður Lovísa Jónsdóttir, Svanhildur Ólöf Þórsteinsdóttir, Vala Ólöf Kristinsdóttir og Þórir Hilmarsson. Stjórn VR hefur samkvæmt yfirlýsingunni ákveðið að í framtíðinni falli biðlaunaréttindi formanna niður, hverfi þeir til annarra starfa. Þá er ítrekað í yfirlýsingunni að núverandi formaður VR hafi ekki komið að ákvörðuninni um laun, biðlaun eða uppgjörið við Ragnar Þór.
Kjaramál Formannskjör í VR 2025 Stéttarfélög Mest lesið Segir andúð meiri í garð Miðflokksmanna en trans fólks Innlent Kína sendir skilaboð til Bandaríkjanna og Trump svarar um hæl Erlent Rannsaka stórfellda líkamsárás í Seljahverfi Innlent Drekinn beraði vígtennurnar Erlent Keyrðu hratt á hjólreiðastíg og tóku fram úr reiðhjólamönnum á háannatíma Innlent Vegaframkvæmdir við Höfðabakka valdi bæði umferðaröngþveiti og töfum Innlent Tók dóttur sína og erfingja með til Kína Erlent Svikahrappur bankaði upp á og hafði peninga af eldri borgurum Innlent Þriggja mánaða bið eftir greftrun: „Þetta var óbærilegur yfirgangur“ Innlent Felldu ellefu í árás á bát meintra smyglara frá Venesúela Erlent Fleiri fréttir „Það skiptir máli að vera í réttu bandalagi“ Svikahrappurinn gripinn glóðvolgur og grunaður um fleiri svik Eitt kynferðisbrot tilkynnt til lögreglu eftir Þjóðhátíð Stuðningurinn við Úkraínu beintengdur öryggi Íslands Dregið hefur úr skriðuhættu Gervigreindin taki undir ranghugmyndir og skorti næmni Svikahrappur bankaði upp á og hafði peninga af eldri borgurum Afsala hollvinasamtökum félagsheimilinu á Flateyri Leita enn manna eftir að hnífur var dreginn upp í Breiðholti Skýra mætti lög um útfarir til að koma í veg fyrir óvissu Vill skylda þá sem sæta nálgunarbanni til að bera ökklabönd Segir andúð meiri í garð Miðflokksmanna en trans fólks Kristrún í Kaupmannahöfn með Selenskí og fleirum Hundruð sprengjusérfræðinga koma saman á Íslandi Húðin gleymi engu og ekki hægt að taka til baka skaðann sem er skeður Kristrún fundar með Selenskí og öðrum leiðtogum í dag Heimilisofbeldi og umsátur varði samfélagið allt Rannsaka stórfellda líkamsárás í Seljahverfi Vegaframkvæmdir við Höfðabakka valdi bæði umferðaröngþveiti og töfum Enn eigi margir eftir að gera upp hug sinn um aðildarviðræður Vonast til að uppsagnir leiði ekki til flutnings fólks af svæðinu Laugarnestangi skrefi nær friðlýsingu Bjarnhólastígur gata ársins í Kópavogi Keyrðu hratt á hjólreiðastíg og tóku fram úr reiðhjólamönnum á háannatíma Vonbrigði að tillögu um símabann og samræmd próf hafi verið vísað frá Regnbogafánar víða við hún: Umræðan „grátbrosleg en samt grafalvarleg“ Þriggja mánaða bið eftir greftrun: „Þetta var óbærilegur yfirgangur“ „Borgarstjórn stendur með trans fólki og hinsegin samfélaginu öllu“ „Það logar allt í hinsegin samfélaginu“ Beið í marga mánuði eftir að jarða móður sína Sjá meira