Popovich kemur ekki til baka á þessu tíma­bili

Í nótt kom það fram í bandarískum fjölmiðlum að Popovich muni ekki snúa til baka á þessu tímabili.

Popovich er að jafna sig eftir að hafa fengið vægt heilablóðfall í byrjun nóvember.

San Antonio Spurs fékk líka slæmar fréttir í síðustu viku þegar kom í ljós að Frakkinn Victor Wembanyama verður ekki meira með á leiktíðinni.

Mitch Johnson, aðstoðarmaður Popovich, tók við liðinu þegar Popovich fór í veikindaleyfið og mun nú stýra því út tímabilið.

Popovich hefur stýrt San Antonio Spurs undanfarin 29 tímabil og er sjá þjálfari sem hefur unnið flesta leiki í deildinni frá upphafi. Hann kom Spurs 22 sinnum i úrslitakeppni.

Hann hefur gert Spurs fimm sinnum að NBA meisturum og þrisvar sinnum var hann kosinn besti þjálfari tímabilsins.