Frétta­stjóri Heimildarinnar orðin móðir

Ragnhildur hóf störf hjá Heimildinni árið 2023 og tók við sem fréttastjóri í september síðastliðnum. Hún lauk meistaragráðu í blaðamennsku frá Columbia háskóla vorið 2023, þar sem áhersla var lögð á rannsóknarblaðamennsku, fréttaskrif og hljóðvinnslu.

Lítill „fermingardrengur“

Parið deilir gleðifréttunum í sameiginlegri færslu á samfélagsmiðlum ásamt mynd af litla drengnum, sem er jafnframt þeirra fyrsta barn saman.

„Þetta er ekki nýburi, þetta er fermingardrengur!” sagði læknirinn áður en hann klippti á tunguhaft drengsins okkar Spalla sem kom í heiminn 12 dögum á eftir áætlun um síðustu helgi, 17 merkur og með stóra Egilsstaðahöfuðið á herðum sér.

Nú snýst lífið um mjólkurþamb og karrýgular hægðir og það er bara frekar fínt.“