„Að maður geti gert allt sjálfur hefur kennt mér margt“

Kristín er ein þekktasta útvarpskona landsins en hún vekur hlustendur Brennslunnar á FM957 á hverjum morgni með sinni mjúku rödd og dillandi hlátri, ásamt Ríkharð Óskari Guðnasyni og Agli Ploder.

Kristín segist vera afar lánsöm með fólkið í kringum sig og kveðst spennt fyrir komandi ævintýrum í lífi og starfi.

Kristín Ruth sýnir lesendum Vísis hina hliðina þessa vikuna.

Fullt nafn? Kristín Ruth Jónsdóttir

Aldur? 39 ára

Starf? Ein af þremur þáttastjórnendum í morgunþættinum Brennslan á FM957.

Fjölskylduhagir? Á yndislegan maka sem á tvær súper flottar stelpur.

Lýstu sjálfri þér í þremur orðum: 

Jákvæð, dugleg, hvetjandi.

Hvað er á döfinni? Skíðaferð til Austurríkis með svo ótrúlega skemmtilegu fólki! Get ekki beðið. Svo er fullt af skemmtilegum ævintýrum framundan í vinnunni og almennt í lífinu.

Þín mesta gæfa í lífinu? Fjölskyldan mín og allt fólkið mitt. Ég er einstaklega heppin með það fólk sem ég hef í mínu lífi, þau gleðja alla daga.

Hvar sérðu þig eftir tíu ár? Í fallegu heimili, með fólkinu mínu og jafnvel með hund. Eins vona ég að vera að gera það sama og ég er að gera í dag! Að fá að vinna við það sem maður dýrkar alla daga er þvílík lukka. Brennslan á Bylgjunni… ekki segja Bítinu.

Hvað viltu upplifa áður en þú deyrð? Sjá sem mest af heiminum.

Besta heilræði sem þú hefur fengið? Þú getur allt! Að fá það veganesti að maður geti gert allt sjálfur hefur kennt mér margt.

Hvað hefur mótað þig mest? Hver dagur mótar mann – upplifanir, gleði eða sorg. 

Þetta er allt partur af því hver maður er.

Hvað gerir þú til að endurhlaða batteríin? Vera úti! Það að vera úti, labba fjöll, útilegur, skíði, golf, öll útivera! að hreyfa mig gefur mér svo ótrúlega mikið.

Uppskrift að drauma sunnudegi? Vakna snemma, hreyfa mig hvort sem það er í World Class eða einhver næs ganga, borða góðan mat og vera með uppáhalds fólkinu mínu.

Uppáhalds staðurinn á heimilinu? Eldhúsið mitt og stofan – þar eru stóru málin rædd.

Fallegasti staður á landinu? Vá Ísland er með svo marga fallega staði! Þórsmörk, Hornstandir, Landmannalaugar, get ekki valið.

En í heiminum? Ítalía er stórkostleg, hvert sem þú lítur er eitthvað fallegt að sjá.

Hvað er það fyrsta sem þú gerir þegar þú vaknar? Slekk á klukkunni.

En það síðasta sem þú gerir áður en þú ferð að sofa? Segja góða nótt.

Hugarðu að heilsunni, þá hvernig? Já ég geri það, hún skiptir okkur mestu máli í lífinu. Hreyfing, næring og góður svefn er undirstaðan fyrir vellíðan en það er gott að halda í jafnvægið.

Hvenær fórstu að gráta síðast og af hverju? Ég táraðist á afmælisdaginn minn seinast, 3. janúar ég fékk svo ótrúlega margar fallegar kveðjur þann dag.

Ertu A eða B týpa? A+ - það truflar marga alveg svakalega mikið.

Uppáhalds matur? Uppáhaldsmaturinn minn síðan ég var barn er Lasagna, en góð nautasteik er alltaf í uppáhaldi.

Hvað veitir þér innblástur? Fólkið sem er í mínu lífi, ég dýrka að sjá því ganga vel, gera nýja hluti og sjá hvað þau eru að ná langt! Hvetur mann alltaf til að gera betur.

Hvaða tungumál talarðu? Íslensku og ensku, þó að það standi einhver fleiri á útskriftarplagginu!

Býrðu yfir einhverjum leyndum hæfileikum? Þeir væru ekki leyndir ef ég myndi segja ykkur frá þeim.

Hvaða ofurkröftum myndir þú vilja búa yfir? 

Myndi þá vilja teleporta mig á milli staða og sjá allan heiminn.

Hvað stendur í síðustu FB-skilaboðunum sem þú sendir? „Gjörsamlega 0“ Brennsluspjallið þar sem við vorum að fara yfir hvað væri klárt fyrir þátt morgundagsins.

Draumabíllinn þinn? Jeppi, til að skoða meira af landinu.

Hælar eða strigaskór? Hælar við góð tilefni en oftast er það nú flatbotna.

Fyrsti kossinn? Vá það man ég ekki, en ég man auðvitað þann síðasta!

Óttastu eitthvað?

Eyðum ekki tíma í að óttast eitthvað. Lærum frekar að takast á við það, því oftar en ekki er maður búin að ofhugsa óttann og gera meira úr honum

Hvað ertu að hámhorfa á? Ég horfi svo lítið á sjónvarp og að hafa tíma fyrir hámhorf er eitthvað sem ég hef ekki fundið enn. Mig langar að sjá nokkrar góðar seríur sem ég tek líklega árið í.

Hvaða lag kemur þér alltaf í gírinn?