Skoraði ó­trú­lega sigurkörfu fyrir aftan miðju

Collin Sexton jafnaði metin fyrir Utah, 121-121, með þriggja stiga körfu þegar fjórar sekúndur voru eftir.

Eftir það fékk Young boltann og lét vaða rétt fyrir aftan miðju. Og boltinn fór ofan í körfuna og Atlanta fagnaði sigri.

„Þegar það er tími eftir finnst mér við alltaf getað skorað,“ sagði Young eftir leikinn í Salt Lake City í nótt.

„Ég vissi að við hefðum þrjár sekúndur. Ég gæti rakið boltann aðeins og komist nær miðlínunni. Þá passaði ég að nota fæturna og ná krafti í skotið sem var mikilvægt.“

Young skoraði 24 stig í leiknum og gaf tuttugu stoðsendingar. Hann er fyrsti leikmaðurinn í sögu NBA sem gefur tuttugu stoðsendingar og skorar sigurkörfu í sama leiknum.

Young er stoðsendingahæsti leikmaður NBA í vetur með 12,0 stoðsendingar að meðaltali í leik. Hann er einnig með 22,5 stig og 3,5 fráköst í leik.

Atlanta er í 7. sæti Austurdeildarinnar með nítján sigra og átján töp.