Steldu stílnum af Samfylkingar-Rögnu

Dóra Júlía Agnarsdóttir skrifar 2. desember 2024 15:05

Ragna Sigurðardóttir rokkar gjarnan dökka liti og stílhreinar flíkur við fíngert skart. SAMSETT

Ragna Sigurðardóttir, læknir og þingmaður Samfylkingarinnar í Reykjavík suður, skein skært í kosningapartýi flokksins í Kolaportinu um helgina umkringd flokksfélögum, bestu vinum og sínum heittelskaða Árna Steini. Ragna klæddist glansandi svörtum kjól og skartaði að sjálfsögðu rauðum varalit við.

Blaðamaður náði tali af Rögnu eftir næturvakt hjá henni og hún var til í að deila klæðaburði sínum með lesendum Vísis.

Ragna, sem er fædd árið 1992, ber af sér mikinn þokka. Hún er almennt afslöppuð og stílhrein þegar það kemur að klæðaburði og er hrifin af fíngerðu skarti, til að mynda frá íslensku skartgripaversluninni Hik&Rós.

Ragna er hrifin af skarti frá íslensku gullsmiðunum í Hik&Rós.Instagram

Perluhálsmenið sem Ragna klæðist hér fæst hjá Hik&Rós og kostar í kringum 39.990 krónur í 14 k gulli.

Klæðnaður Rögnu frá kjördag:

„Blá flauelsdragt frá Kormáki og Skildi og Paloma Wool bolur undir úr Andrá sem ég keypti í kosningabaráttunni.

Skórnir eru ballerínuskór frá Aeyde en tærnar eru afrúnaðar eins og ballerínuskór sem ég elska. Eyrnalokkar og hálsmen frá Hik&Rós sem ég var með á mér nánast alla kosningabaráttuna.“

Ragna glæsileg að kjósa í flauelsdragt úr Kormáki og Skildi.Aðsend

Klæðnaður Rögnu á kosningavökunni:

„Kjóll frá Stine Goya sem ég keypti í lagersölu Spjöru og klæddist fyrst á árshátíð Alþingis þegar ég var varaþingmaður! Flatbotna skór frá Pavement og eyrnalokkar frá Hermina Athens (Crimson Dawn). Veskið er frá STAUD.“