Innlent

Vöruflutningavél festist á brautinni

Ólafur Björn Sverrisson skrifar
Myndin er úr safni.
Myndin er úr safni. vísir/vilhelm

Vöruflutningavél festist á Keflavíkurflugvelli síðdegis með þeim afleiðingum að tvær einkaþotur hringsóluðu og enduðu á því að lenda á Reykjavíkurflugvelli. 

Þetta staðfestir Guðjón Helgason upplýsingafulltrúi Isavia í samtali við Vísi. 

„Þetta var Cargo-vél sem var að keyra eftir braut og er að snúa til að hefja flugtak þegar ún festist á brautarendanum. Við vitum ekki hvað olli þessu en það verður bara skoðað.“

Dráttartaug hafi verið notuð til að draga vélina en Guðjón segir að ekkert tjón hafi orðið á flugvélinni sjálfri. 

„Hún er núna komin í loftið og allt komið í rétt horf.“

Keflavíkurflugvöllur Fréttir af flugi Suðurnesjabær

Mest lesið


Fleiri fréttir

Sjá meira


×

Mest lesið