Einn hand­tekinn í tengslum við stór­fellda líkams­á­rás

Engar frekari upplýsingar eru gefnar um málin í yfirliti lögreglu yfir verkefni kvöld- og næturvaktarinnar.

Einn til viðbótar var handtekinn í tengslum við rannsókn á heimilisofbeldi og annar var vistaður í fangageymslu vegna rannsóknar á sölu fíkniefna. Sá var ekki með skilríki og ekki er vitað hver hann er.

Lögregla stöðvaði einnig ökumann á 171 km/klst þar sem hámarkshraði er 80 km/klst og var viðkomandi sviptur ökuréttindum til bráðabirgða. 

Þá barst ein tilkynning um þjófnað í matvöruverslun og kallað á sjúkrabíl þegar ungmenni slasaðist við fall.