Lög­regla hafði af­skipti af „ungum jedi-riddara“ sem skelfdi veg­far­endur

Þetta er meðal þess sem fram kemur í dagbók lögreglu frá því í dag en mikil dagskrá stendur yfir í miðbænum vegna Menningarnætur og því margmenni á götum borgarinnar. Lögregla segir allt viðburðarhlad hafa gengið vel hingað til.

Beit starfsmenn til blóðs

Lögregla sinni virku eftirliti á vaktbifreiðum, reiðhjólum og fótgangandi í dag vegna þess fjölda sem sækir miðbæinn.

Í dagbók lögreglu kemur einnig fram að lögregla hafi verið send með forgangi að verslun þar sem starfsmenn höfðu mann í tökum eftir búðarþjófnað. Þjófurinn meinti haðfi í atganginum náð að bíta starfsmennina til blóðs. Aðilinn var í verulega annarlegu ástandi, að sögn lögreglu, og verður vistaður í fangaklefa þar til hægt verður að ræða við hann.

Sex ökumenn voru teknir grunaðir um akstur undir áhrifum áfengis og/eða fíknefna. Þeir voru fluttir á lögreglustöð í hefðbundið ferli.

Hljóp á brott með dýra úlpu

Einnig var tilkynnt um þjófnað í verslun en þar hafði aðili tekið tvær úlpur í mátunarklefa, skilað annarri og hlaupið á brott með hina. Lögregla segir málið í rannsókn.

Þá var einnig tilkynnt um vinnuslys þar sem maður hafði skorið sig á hendi við að sníða til parket og var fluttur á slysadeild til aðhlynningar.