Vildu að Navalní yrði hluti af fangaskiptunum sögulegu Kjartan Kjartansson skrifar 2. ágúst 2024 09:36 Evan Gershkovich faðmar móður sína, Ellu Milman, á meðan Joe Biden Bandaríkjaforseti stendur álengdar á Andrews-herflugvellinum í gærkvöldi. AP/Manuel Balce Ceneta Þrír Bandaríkjamenn sem losnuðu úr rússneskri prísund í sögulegum fangaskiptum lentu í heimalandinu í gærkvöldi. Þjóðaröryggisráðgjafi Bandaríkjaforseti segir að viðræður hafi verið um að Alexei Navalní yrði frelsaður í skiptunum áður en hann lést skyndilega. Fangaskiptin í gær eru þau umfangsmestu á milli Rússlands og vestrænna ríkja frá lokum kalda stríðsins. Sextán fangar í rússneskum fangelsum fengu þá frelsi í skiptum fyrir átta Rússa sem sátu í fangelsum í Bandaríkjunum og Evrópu. Skiptin fóru fram í Tyrklandi en þarlend stjórnvöld eru sögð hafa átt milligöngu um þau. Á meðal þeirra sem var sleppt voru Evan Gershkovich, blaðamaður Wall Street Journal, sem var handtekinn í fyrra og síðar dæmdur fyrir njósnir í Rússlandi. Hann lenti ásamt Paul Whelan, fyrrverandi sjóliða sem hafði verið í haldi frá 2018, og Alsu Kurmashevu, rússneskum-bandarískum blaðamanni, á Andrews-herflugvellinum í Maryland í Bandaríkjunum í gærkvöldi. Joe Biden Bandaríkjaforseti og Kamala Harris, varaforseti, tóku á móti þremenningunum ásamt fjölskyldum þeirra á flugvellinum. Fagnaðarfundir urðu á flugbrautinni. Þremenningarnir tóku myndir með fjölskyldu og vinum og föðmuðu Biden og Harris, að sögn AP-fréttastofunnar. Til stóð að færa þau til læknisskoðunar í kjölfarið, að sögn breska ríkisútvarpsins BBC. Paul Whelan, sem hafði dúsað í sex ár í Rússlandi, veifar til fólks á meðan Kamala Harris varaforseti fylgist með.AP/Alex Brandon Hélt að hann dæi í fangelsi Á meðal annarra sem hlutu frelsi sitt í gær var Vladímír Kara-Murza, rússneskur andófsmaður sem afplánaði tuttugu og fimm ára fangelsisdóm fyrir meint landráð í Rússland. Í myndbandi sem Biden birti á samfélagsmiðlum af því þegar hann hringdi, umkringdur fjölskyldunum, í frelsuðu fangana þegar þeir voru á leið í flugvél heim heyrist Kara-Murza segja að engin orð fengju reynslu hans lýst. „Ég var viss um að ég ætti eftir að deyja í fangelsi því ég trúi ekki því sem er að gerast. Ég held að ég sé ennþá sofandi í fangaklefanum mínum í Omsk í staðinn fyrir að heyra röddina í ykkur,“ sagði Kara-Murza og þakkaði Biden fyrir að bjarga lífum fanganna sem var sleppt. „Við ætlum að hitta ykkur á Andrews [flugvellinum]. Ekki láta eins og þú þekkir okkur ekki,“ sagði Biden í léttum dúr. Every parent, child, spouse, and loved one who joined me in the Oval Office today has been praying for this day for a long time. In just a few short hours when our fellow Americans return home, those prayers will be answered. pic.twitter.com/2xglu30HE9— President Biden (@POTUS) August 2, 2024 Ekki voru allir eins heppnir. Jake Sullivan, þjóðaröryggisráðgjafi Biden, staðfesti í gær að viðræður hefðu verið um að fá Alexei Navalní, einn helsta leiðtoga rússnesku stjórnarandstöðunnar, lausan í fangaskiptunum áður en hann lést við grunsamlegar aðstæður í rússnesku fangelsi í febrúar. Júlía Navalnaja, ekkja Alexei, fagnaði engu að síður fangaskiptunum og sagði þau mikið gleðiefni. Alsu Kurmasheva faðmar dætur sínar og eiginmann við komuna til Bandaríkjanna. Stjórnvöld í Kreml sakfelldu hana fyrir að dreifa meintum röngum upplýsingum um herinn.AP/Alex Brandon Lögðu allt kapp á að fá morðingja frá Þýskalandi Á meðan vestræn ríki fengu blaðamenn og andófsfólk frelsað í fangaskiptunum lögðu rússnesk stjórnvöld sérstaka áherslu á að fá Vadím Krasikov, sem myrti téténskan uppreisnarmann í almenningsgarði í Berlín um hábjartan dag, lausan. Vladímír Pútín forseti eru sagður hafa beitt sér persónulega fyrir hönd Krasikov sem er talinn hafa framið morðið að skipan rússnesku leyniþjónustunnar. Pútín tók á móti rússnesku föngunum átta á Vnukovo-flugvellinum í gær. Faðmaði hann fólkið að sér og hét því að sæma það allt heiðursorðum í framhaldinu. Aðrir sem Rússar fengu til baka voru Roman Seleznev sem sat í fangelsi fyrir tölvuárásir á bandaríska banka, hjón sem voru sökuð um njósnir í Slóveníu og rússneskur leyniþjónustumaður sem lést vera brasilískur fræðimaður í Tromsö í Noregi. Níu þeirra sextán sem Rússar létu laus í gær. Frá vintri efst: Vladímír Kara-Murza, Paul Whelan, Lilia Chanysheva, fv. starfsmaður samtaka Navalní, Miðröð frá vinstri: Andrei Pivovarov, fyrrverandi yfirmaður mannréttindasamtaka, Evan Gershkovich og Oleg Orlov, mannréttindafrömuður. Neðsta röð frá vinstri: Alsu Kurmasheva, Ilya Yashin, stjórnarandstæðingur, og Sasha Skochilenko, listakona.AP Undirstriki mikilvægi bandamanna og vina Biden lofaði þátt þýskra og slóvenskra stjórnvalda í að koma fangaskiptunum á koppinn. Það hafi verið diplómatískt þrekvirki að tryggja lausn fanganna. Sjálfur hafði hann sett fangaskiptin efst á lista þess sem hann vildi áorka í utanríkismálum áður en hann lætur af embætti í janúar, að sögn AP-fréttastofunnar. „Dagurinn í dag er áhrifamikið dæmi um hvers vegna það er lífsnauðsynlegt að eiga vini í þessum heimi,“ sagði Bandaríkjaforseti. Þó að stjórnvöld í Berlín hafi þurft að kyngja því að sleppa dæmdum launmorðingja eru nokkrir þeirra sem hlutu frelsi sitt í gær þýskir ríkisborgarar eða fólk með tvöfalt þýskt-rússneskt ríkisfang. Fangaskipti sem þessi eru ekki óumdeild. Gagnrýnendur segja þau gefa ríkjum eins og Rússlandi frekari hvata til þess að taka vestræna borgara í gíslingu og nota sem skiptimynt til að fá útsendara sína lausa. Stjórn Biden hefur á móti vísað til þess að Bandaríkjamönnum sem eru fangelsaðir á ólögmætan hátt hafi fækkað á sama tíma og samið hefur verið um lausn fleiri en sjötíu Bandaríkjamanna undanfarin ár. „Samningum sem þessum fylgja erfiðar ákvarðanir. Það er ekkert sem er mér mikilvægara en að verja Bandaríkjamann heima og erlendis,“ sagði Biden. Ekki eru heldur allir lausir allra mála þótt þeir sleppi úr rússneskum fangelsum. Í síðustu stóru fangaskiptum Rússlands og vestrænna ríkja árið 2010 var rússneski gagnnjósnarinn Sergei Skrípal. Útsendarar rússnesku leyniþjónustunnar reyndu að ráða hann af dögum með taugaeitri á Englandi árið 2018. Rússland Bandaríkin Mál Alexei Navalní Tengdar fréttir Umfangsmestu fangaskipti frá tímum kalda stríðsins Umfangsmestu fangaskipti Vesturlanda og Rússlands frá tímum kalda stríðsins áttu sér stað í dag, þegar skipts var á tuttugu og fjórum föngum. Rússar slepptu sextán úr haldi og átta manns var sleppt úr haldi frá fangelsum í Bandaríkjunum, Noregi, Þýskalandi, Póllandi og Slóveníu. Með þeim fylgdu tvö börn. 1. ágúst 2024 23:59 Umfangsmikil fangaskipti gætu verið á næsta leiti Merki eru um umfangsmikil fangaskipti á milli Rússlands og Hvíta-Rússlands annars vegar og Bandaríkjanna, Þýskalands og Slóveníu hins vegar. Hermt er að blaðamaður Wall Street Journal sem Rússar handtóku í fyrra verði hluti af skiptunum. 1. ágúst 2024 12:21 Þurfa ekki að rannsaka eiturtilræði við rússneskan andófsmann Dómstóll í Moskvu komst að þeirri niðurstöðu að rússneska rannsóknarlögreglan þurfi ekki að rannsaka tvær tilraunir til þess að ráða fangelsaðan stjórnarandstæðing af dögum í dag. Hann segir það lygi að lögregla hafi þegar rannsakað tilræðin. 21. maí 2024 15:46 Mest lesið Gera loftárásir á háhýsi og vara við yfirvofandi innrás Erlent Gefa grænt ljós á handtökur á grundvelli kynþáttar og málnotkunar Erlent Opinbera bréf Trumps til Epsteins Erlent Kínversk ferðaskrifstofa fær ekki áheyrn hjá Hæstarétti Innlent Ruddust inn til manns og mölbrutu í honum tennurnar Innlent Boða 157 mál á 157. löggjafaþingi og hér er það helsta Innlent Verið ættleiddur af Íslendingum Innlent Ekki útgangspunktur að beita ákvæðinu Innlent Svona var kynning ríkisstjórnar á þingmálum vetrarins Innlent Reyksprengju kastað inn á pall í Hafnarfirði Innlent Fleiri fréttir Svíar munu banna farsíma í grunnskólum frá næsta hausti Kosningaúrslit í Noregi: Störe fagnar sigri en Solberg mögulega á förum Mótmæla enn og þrír ráðherrar segja af sér Gefa grænt ljós á handtökur á grundvelli kynþáttar og málnotkunar Gera loftárásir á háhýsi og vara við yfirvofandi innrás Alþjóðakerfinu ekki viðbjargandi og þörf á aðlögun Segir danska kerfið þurfa að líta á Grænlendinga sem jafningja Opinbera bréf Trumps til Epsteins Vinstriblokkin með meirihluta í Noregi Þurfa að finna fimmta forsætisráðherrann á tveimur árum Biðlaði til stjórnarandstöðunnar á pólitískum dánarbeði sínum Mál úgandsks stríðsherra gæti haft þýðingu fyrir Pútín og Netanjahú Skutu mótmælendur til bana við þinghúsið í Nepal Sex látnir í skotárás Palestínumanna í Jerúsalem Fjórar ungar vinkonur fórust í eldsvoða í Noregi Boðað til mótmæla vegna vopnasýningar í Lundúnum Sveppamorðinginn í lífstíðarfangelsi í Ástralíu Treystir á afdráttarlaus viðbrögð bandamanna við árás helgarinnar Bera kennsl á mann fimmtíu árum eftir að hann lét sig hverfa Líklega snúin staða sama hvernig fer í Noregi Tölvuleikjaspilandi táningur tekinn í dýrlingatölu Finnski þjóðsöngurinn gleðilegastur af þjóðsöngvum Norðurlandanna Vilja skylda samskiptaforrit til að skanna einkaskilaboð fólks Rafmagnsflugvél reynd í áætlunarflugi í Noregi „Markmiðið er að innlima Úkraínu í áhrifasvæði Rússlands“ Forsætisráðherra Japan segir af sér Bandaríkjamenn handtóku yfir þrjú hundruð Suður-Kóreumenn Aðsetur ríkisstjórnarinnar logar eftir árásir næturinnar Hótar að beita stríðsmálaráðuneytinu: „Chipocalypse Now“ Webb smellti af nýburamyndum Sjá meira
Fangaskiptin í gær eru þau umfangsmestu á milli Rússlands og vestrænna ríkja frá lokum kalda stríðsins. Sextán fangar í rússneskum fangelsum fengu þá frelsi í skiptum fyrir átta Rússa sem sátu í fangelsum í Bandaríkjunum og Evrópu. Skiptin fóru fram í Tyrklandi en þarlend stjórnvöld eru sögð hafa átt milligöngu um þau. Á meðal þeirra sem var sleppt voru Evan Gershkovich, blaðamaður Wall Street Journal, sem var handtekinn í fyrra og síðar dæmdur fyrir njósnir í Rússlandi. Hann lenti ásamt Paul Whelan, fyrrverandi sjóliða sem hafði verið í haldi frá 2018, og Alsu Kurmashevu, rússneskum-bandarískum blaðamanni, á Andrews-herflugvellinum í Maryland í Bandaríkjunum í gærkvöldi. Joe Biden Bandaríkjaforseti og Kamala Harris, varaforseti, tóku á móti þremenningunum ásamt fjölskyldum þeirra á flugvellinum. Fagnaðarfundir urðu á flugbrautinni. Þremenningarnir tóku myndir með fjölskyldu og vinum og föðmuðu Biden og Harris, að sögn AP-fréttastofunnar. Til stóð að færa þau til læknisskoðunar í kjölfarið, að sögn breska ríkisútvarpsins BBC. Paul Whelan, sem hafði dúsað í sex ár í Rússlandi, veifar til fólks á meðan Kamala Harris varaforseti fylgist með.AP/Alex Brandon Hélt að hann dæi í fangelsi Á meðal annarra sem hlutu frelsi sitt í gær var Vladímír Kara-Murza, rússneskur andófsmaður sem afplánaði tuttugu og fimm ára fangelsisdóm fyrir meint landráð í Rússland. Í myndbandi sem Biden birti á samfélagsmiðlum af því þegar hann hringdi, umkringdur fjölskyldunum, í frelsuðu fangana þegar þeir voru á leið í flugvél heim heyrist Kara-Murza segja að engin orð fengju reynslu hans lýst. „Ég var viss um að ég ætti eftir að deyja í fangelsi því ég trúi ekki því sem er að gerast. Ég held að ég sé ennþá sofandi í fangaklefanum mínum í Omsk í staðinn fyrir að heyra röddina í ykkur,“ sagði Kara-Murza og þakkaði Biden fyrir að bjarga lífum fanganna sem var sleppt. „Við ætlum að hitta ykkur á Andrews [flugvellinum]. Ekki láta eins og þú þekkir okkur ekki,“ sagði Biden í léttum dúr. Every parent, child, spouse, and loved one who joined me in the Oval Office today has been praying for this day for a long time. In just a few short hours when our fellow Americans return home, those prayers will be answered. pic.twitter.com/2xglu30HE9— President Biden (@POTUS) August 2, 2024 Ekki voru allir eins heppnir. Jake Sullivan, þjóðaröryggisráðgjafi Biden, staðfesti í gær að viðræður hefðu verið um að fá Alexei Navalní, einn helsta leiðtoga rússnesku stjórnarandstöðunnar, lausan í fangaskiptunum áður en hann lést við grunsamlegar aðstæður í rússnesku fangelsi í febrúar. Júlía Navalnaja, ekkja Alexei, fagnaði engu að síður fangaskiptunum og sagði þau mikið gleðiefni. Alsu Kurmasheva faðmar dætur sínar og eiginmann við komuna til Bandaríkjanna. Stjórnvöld í Kreml sakfelldu hana fyrir að dreifa meintum röngum upplýsingum um herinn.AP/Alex Brandon Lögðu allt kapp á að fá morðingja frá Þýskalandi Á meðan vestræn ríki fengu blaðamenn og andófsfólk frelsað í fangaskiptunum lögðu rússnesk stjórnvöld sérstaka áherslu á að fá Vadím Krasikov, sem myrti téténskan uppreisnarmann í almenningsgarði í Berlín um hábjartan dag, lausan. Vladímír Pútín forseti eru sagður hafa beitt sér persónulega fyrir hönd Krasikov sem er talinn hafa framið morðið að skipan rússnesku leyniþjónustunnar. Pútín tók á móti rússnesku föngunum átta á Vnukovo-flugvellinum í gær. Faðmaði hann fólkið að sér og hét því að sæma það allt heiðursorðum í framhaldinu. Aðrir sem Rússar fengu til baka voru Roman Seleznev sem sat í fangelsi fyrir tölvuárásir á bandaríska banka, hjón sem voru sökuð um njósnir í Slóveníu og rússneskur leyniþjónustumaður sem lést vera brasilískur fræðimaður í Tromsö í Noregi. Níu þeirra sextán sem Rússar létu laus í gær. Frá vintri efst: Vladímír Kara-Murza, Paul Whelan, Lilia Chanysheva, fv. starfsmaður samtaka Navalní, Miðröð frá vinstri: Andrei Pivovarov, fyrrverandi yfirmaður mannréttindasamtaka, Evan Gershkovich og Oleg Orlov, mannréttindafrömuður. Neðsta röð frá vinstri: Alsu Kurmasheva, Ilya Yashin, stjórnarandstæðingur, og Sasha Skochilenko, listakona.AP Undirstriki mikilvægi bandamanna og vina Biden lofaði þátt þýskra og slóvenskra stjórnvalda í að koma fangaskiptunum á koppinn. Það hafi verið diplómatískt þrekvirki að tryggja lausn fanganna. Sjálfur hafði hann sett fangaskiptin efst á lista þess sem hann vildi áorka í utanríkismálum áður en hann lætur af embætti í janúar, að sögn AP-fréttastofunnar. „Dagurinn í dag er áhrifamikið dæmi um hvers vegna það er lífsnauðsynlegt að eiga vini í þessum heimi,“ sagði Bandaríkjaforseti. Þó að stjórnvöld í Berlín hafi þurft að kyngja því að sleppa dæmdum launmorðingja eru nokkrir þeirra sem hlutu frelsi sitt í gær þýskir ríkisborgarar eða fólk með tvöfalt þýskt-rússneskt ríkisfang. Fangaskipti sem þessi eru ekki óumdeild. Gagnrýnendur segja þau gefa ríkjum eins og Rússlandi frekari hvata til þess að taka vestræna borgara í gíslingu og nota sem skiptimynt til að fá útsendara sína lausa. Stjórn Biden hefur á móti vísað til þess að Bandaríkjamönnum sem eru fangelsaðir á ólögmætan hátt hafi fækkað á sama tíma og samið hefur verið um lausn fleiri en sjötíu Bandaríkjamanna undanfarin ár. „Samningum sem þessum fylgja erfiðar ákvarðanir. Það er ekkert sem er mér mikilvægara en að verja Bandaríkjamann heima og erlendis,“ sagði Biden. Ekki eru heldur allir lausir allra mála þótt þeir sleppi úr rússneskum fangelsum. Í síðustu stóru fangaskiptum Rússlands og vestrænna ríkja árið 2010 var rússneski gagnnjósnarinn Sergei Skrípal. Útsendarar rússnesku leyniþjónustunnar reyndu að ráða hann af dögum með taugaeitri á Englandi árið 2018.
Rússland Bandaríkin Mál Alexei Navalní Tengdar fréttir Umfangsmestu fangaskipti frá tímum kalda stríðsins Umfangsmestu fangaskipti Vesturlanda og Rússlands frá tímum kalda stríðsins áttu sér stað í dag, þegar skipts var á tuttugu og fjórum föngum. Rússar slepptu sextán úr haldi og átta manns var sleppt úr haldi frá fangelsum í Bandaríkjunum, Noregi, Þýskalandi, Póllandi og Slóveníu. Með þeim fylgdu tvö börn. 1. ágúst 2024 23:59 Umfangsmikil fangaskipti gætu verið á næsta leiti Merki eru um umfangsmikil fangaskipti á milli Rússlands og Hvíta-Rússlands annars vegar og Bandaríkjanna, Þýskalands og Slóveníu hins vegar. Hermt er að blaðamaður Wall Street Journal sem Rússar handtóku í fyrra verði hluti af skiptunum. 1. ágúst 2024 12:21 Þurfa ekki að rannsaka eiturtilræði við rússneskan andófsmann Dómstóll í Moskvu komst að þeirri niðurstöðu að rússneska rannsóknarlögreglan þurfi ekki að rannsaka tvær tilraunir til þess að ráða fangelsaðan stjórnarandstæðing af dögum í dag. Hann segir það lygi að lögregla hafi þegar rannsakað tilræðin. 21. maí 2024 15:46 Mest lesið Gera loftárásir á háhýsi og vara við yfirvofandi innrás Erlent Gefa grænt ljós á handtökur á grundvelli kynþáttar og málnotkunar Erlent Opinbera bréf Trumps til Epsteins Erlent Kínversk ferðaskrifstofa fær ekki áheyrn hjá Hæstarétti Innlent Ruddust inn til manns og mölbrutu í honum tennurnar Innlent Boða 157 mál á 157. löggjafaþingi og hér er það helsta Innlent Verið ættleiddur af Íslendingum Innlent Ekki útgangspunktur að beita ákvæðinu Innlent Svona var kynning ríkisstjórnar á þingmálum vetrarins Innlent Reyksprengju kastað inn á pall í Hafnarfirði Innlent Fleiri fréttir Svíar munu banna farsíma í grunnskólum frá næsta hausti Kosningaúrslit í Noregi: Störe fagnar sigri en Solberg mögulega á förum Mótmæla enn og þrír ráðherrar segja af sér Gefa grænt ljós á handtökur á grundvelli kynþáttar og málnotkunar Gera loftárásir á háhýsi og vara við yfirvofandi innrás Alþjóðakerfinu ekki viðbjargandi og þörf á aðlögun Segir danska kerfið þurfa að líta á Grænlendinga sem jafningja Opinbera bréf Trumps til Epsteins Vinstriblokkin með meirihluta í Noregi Þurfa að finna fimmta forsætisráðherrann á tveimur árum Biðlaði til stjórnarandstöðunnar á pólitískum dánarbeði sínum Mál úgandsks stríðsherra gæti haft þýðingu fyrir Pútín og Netanjahú Skutu mótmælendur til bana við þinghúsið í Nepal Sex látnir í skotárás Palestínumanna í Jerúsalem Fjórar ungar vinkonur fórust í eldsvoða í Noregi Boðað til mótmæla vegna vopnasýningar í Lundúnum Sveppamorðinginn í lífstíðarfangelsi í Ástralíu Treystir á afdráttarlaus viðbrögð bandamanna við árás helgarinnar Bera kennsl á mann fimmtíu árum eftir að hann lét sig hverfa Líklega snúin staða sama hvernig fer í Noregi Tölvuleikjaspilandi táningur tekinn í dýrlingatölu Finnski þjóðsöngurinn gleðilegastur af þjóðsöngvum Norðurlandanna Vilja skylda samskiptaforrit til að skanna einkaskilaboð fólks Rafmagnsflugvél reynd í áætlunarflugi í Noregi „Markmiðið er að innlima Úkraínu í áhrifasvæði Rússlands“ Forsætisráðherra Japan segir af sér Bandaríkjamenn handtóku yfir þrjú hundruð Suður-Kóreumenn Aðsetur ríkisstjórnarinnar logar eftir árásir næturinnar Hótar að beita stríðsmálaráðuneytinu: „Chipocalypse Now“ Webb smellti af nýburamyndum Sjá meira
Umfangsmestu fangaskipti frá tímum kalda stríðsins Umfangsmestu fangaskipti Vesturlanda og Rússlands frá tímum kalda stríðsins áttu sér stað í dag, þegar skipts var á tuttugu og fjórum föngum. Rússar slepptu sextán úr haldi og átta manns var sleppt úr haldi frá fangelsum í Bandaríkjunum, Noregi, Þýskalandi, Póllandi og Slóveníu. Með þeim fylgdu tvö börn. 1. ágúst 2024 23:59
Umfangsmikil fangaskipti gætu verið á næsta leiti Merki eru um umfangsmikil fangaskipti á milli Rússlands og Hvíta-Rússlands annars vegar og Bandaríkjanna, Þýskalands og Slóveníu hins vegar. Hermt er að blaðamaður Wall Street Journal sem Rússar handtóku í fyrra verði hluti af skiptunum. 1. ágúst 2024 12:21
Þurfa ekki að rannsaka eiturtilræði við rússneskan andófsmann Dómstóll í Moskvu komst að þeirri niðurstöðu að rússneska rannsóknarlögreglan þurfi ekki að rannsaka tvær tilraunir til þess að ráða fangelsaðan stjórnarandstæðing af dögum í dag. Hann segir það lygi að lögregla hafi þegar rannsakað tilræðin. 21. maí 2024 15:46