Fattaði að þetta væri alls ekki amma hennar

Hún æfði fimleika í tíu ár, frá tveggja ára aldri, og færði sig svo í fótbolta. Hún hefur einnig mikinn áhuga á tísku og förðun, sem hefur þróast frá æsku. Sóldís er sjálfstæð og metnaðarfull og mjög opin fyrir að auka styrkleika sína á ólíkum sviðum og er ófeimin við að fara út fyrir þægindarammann.

Lífið á Vísi ræðir við stúlkurnar sem keppast um titilinn Ungfrú Ísland í ár og fær að kynnast þeim aðeins betur. Ungfrú Ísland verður í beinni útsendingu 14. ágúst á Vísi og Stöð 2 Vísi.

Fullt nafn?

Sóldís Vala Ívarsdóttir

Aldur?

18 ára 

Starf?

Ég vinn sem helgarstjóri í Bónus

Hvað var það sem vakti áhuga þinn á keppninni?

Það sem vakti áhugann minn á þessari keppni er hvað hún stendur fyrir og mér finnst æðislegt að stelpur með mismunandi bakgrunn fá tækifæri að koma saman og segja sína sögu og gera eitthvað fallegt úr því.

Hvað ert þú búin að læra í ferlinu?

Það sem ég er búin að læra á ferlinu er mjög margt. En að læra að labba í hælum er ekkert grín. Stelpurnar sem ég sá áður fyrr gera pageant walk létu það líta svo léttilega út en þegar maður er að læra það, er það smá tricky. Ég er komin með frekar góð tök á því núna. 

Það sem ég vil líka nefna er að maður fær svo mikið sjálfsöryggi í þessu ferli, allt teymið og keppendur sýna svo mikinn stuðning og við stelpurnar erum svo duglegar að lyfta hver annarri upp. Mér þykir mjög vænt um alla sem eru með mér í ferlinu.

Hvaða tungumál talarðu?

Ég tala íslensku og ensku.

Hvað hefur mótað þig mest?

Það sem hefur mótað mig sem manneskju eru áföllin mín. Þegar ég dett niður þá stend ég alltaf aftur upp og kem enn sterkari til baka í hvert sinn og tek það með mér í lífið, sjálfstæðari og öruggari.

Erfiðasta lífsreynslan hingað til?

Erfiðasta lífsreynslan mín - Að fara í gegnum unglingsárin, er sjálf ennþá á því stigi en ég er komin mjög langt. Unglingsárin eru erfið fyrir alla og tók mig langann tíma að finna sjálfan mig, hvaða Sóldís ég vil vera. Það sem skiptir mestu máli er fólkið sem þú umkringist, því rangur félagskapur hefur áhrif á hvernig þér líður.

Hverju ertu stoltust af?

Ég er stoltust af því að ég gefst aldrei upp á sjálfum mér.

Besta heilræði sem þú hefur fengið?

Besta heilræði sem ég hef fengið er að lífið snýst bara um hugarfar!

Hver er uppáhalds maturinn þinn?

Uppáhalds maturinn minn er grjónagrauturinn hennar ömmu!

Hver er þín fyrirmynd í lífinu?

Fyrirmyndin mín er hún mamma hún er sterkasta manneskja sem ég þekki og hefur alltaf verið sjálfstæð. Ég er þakklát fyrir að hafa fengið að alast upp með sterkri konu sem fyrirmynd mína.

Hver er frægasta persóna sem þú hefur hitt?

Ég held að frægasta persóna sem ég hef séð er Ronaldo.

Neyðarlegasta atvik sem þú hefur lent í?

Neyðarlegasta atvik sem ég hef lent í er fyrir nokkrum árum þar sem ég var úti og hélt að ég hefði séð ömmu mína, ég kallaði og kallaði meðan ég hljóp á eftir „ömmu minni“ og þegar konan snéri sér við og ég fattaði að þetta væri ekki amma mín og hljóp framhjá henni og lét eins og ég væri ekki að kalla á hana.

Hver er þinn helsti ótti?

Minn helsti ótti er að missa einhvern sem ég elska.

Hvar sérðu þig í framtíðinni?

Ég sé sjálfan mig í framtíðinni með mitt eigið fyrirtæki. Ég er ekki byrjuð á fyrsta skrefinu en draumurinn er að stofna mitt eigið fyrirtæki.

Hvaða lag tekur þú í karókí?

Lagið sem ég tek í karókí er Dancing Queen með ABBA.

Þín mesta gæfa í lífinu?

Mesta gæfan mín í lífinu er fjölskyldan mín sem hefur verið minn klettur í gegnum lífið.

Uppskrift að drauma degi?

Uppskriftin mín að drauma degi er að vera staðsett í sólarlandi, á degi sem byrjar á góðum morgunmat með fjölskyldunni úti í garð í sólinni. Svo förum við saman á ströndina að slaka á, fara í blak/fótbolta og eiga gæðastund saman. Eftir langan dag á ströndinni fáum við okkur góðan kvöldmat áður en við förum í minigolf, því það er algengur hlutur fyrir okkur að gera þegar við erum í fríi. Förum svo aftur í hús að spila spil með ferskandi eftirrétt.

Hér er hægt að kjósa í Ungfrú Ísland.