Sjóða þurfi neyslu­vatn á Siglu­firði vegna E.coli

Norðlenski fréttamiðillinn Trölli greinir frá þessu. Þar kemur fram að Heilbrigðiseftirlitið hafi þegar tekið fleiri sýni, meðal annars á Heilbrigðisstofnun Norðurlands, til þess að staðfesta og fá nánari hugmynd um umfang mengunarinnar.

Í varúðarskyni ráðleggur Heilbrigðiseftirlitið að neysluvatnið á Siglufirði sé soðið fyrir neyslu.

Þá segir að eftirlitið muni láta íbúa vita þegar nauðsynlegum aðgerðum til úrbóta á vatnsveitunni, sem tryggja endurheimt vatnsgæða, er lokið.